HEBREOS 4:3 - Chatino Tataltepec

³ Nu lo'o ngusñi na cha' ji'i̱ Ni, li' taca tyalaa na slo ycui' Ndyosi cha' tyi'i̱ tso'o ti na ca bi'. Pana ñi'ya̱ nu nscua lo quityi re, jua'a̱ ngua cha' ji'i̱ jyo'o bi', cha' nchcui' ycui' Ndyosi ndi'ya̱: Ngua ñasi̱' na' li', nacui̱ Ni. Lye nchcui' na' ji'i̱ ngu' bi', cha' ná tyalaa ngu' bi' ca slo na', cha' ná tyi'i̱ tso'o ti ngu' ca nde. Nacui̱ ycui' Ndyosi jua'a̱, masi cua ndye lcaa cña ji'i̱ ycui' Ni tya lo'o ndya' chalyuu.

HEBREOS 4:3 Referans Kwoze

1 PEDRO 1:20

Tya clyo lo'o bilya cuiñá Ni chalyuu, cua jlo ti' ycui' Ndyosi cha' ntsu'u cha' cua'ni Cristo cña tonu bi'; pana ngujuatya ycui' Ni ni jacua' nu tyalaa tyempo bi'. Li' ñaa Cristo, ngua'ni yu cña bi' cuentya ji'na, cha' tyacua cha' tso'o bi' ji'na.

HEBREOS 9:26

Si jua'a̱ ngua, ná tyiquee' cua tyu̱u̱ tsa quiya' cua ngujui'i̱ ca'a̱ ngu' ji'i̱ Cristo lo crusi tya lo'o ndya' chalyuu; pana si'i jua'a̱ ngua cha' bi', sca ti quiya' cua ya̱a̱ yu chalyuu nu ngua sa'ni xi lo'o cua tye ti chalyuu cusu', cha' cuityi̱ yu qui'ya nu ntsu'u ji'i̱ lcaa ñati̱ lo'o ngujuii yu lo crusi.

EFESIOS 1:4

Lo'o tya lyiji tya' chalyuu, tya li' cua ngusubi ycui' Ndyosi ji'na cha' caca na ñati̱ ji'i̱ ycui' Ni, nu lo'o caca stu'ba cha' ji'na lo'o Cristo. Ngua ti' Ni cha' tyu'utsu' na ji'i̱ lcaa lo cha' cuxi, cha' jua'a̱ nga'aa nti' cha' sta Ni qui'ya ji'na tsiya' ti.

HEBREOS 3:11

Ngua ñasi̱' tsa na' ji'i̱ ngu' bi' li', ña'a̱ cuayá' lye tsa nchcui' na' lo'o ngu' bi' li': “Nga'aa tyalaa ma̱ ca slo na' cha' tyi'i̱ tso'o ti ma̱ lo'o na'”. Jua'a̱ ntsu'u cha' nu nda ycui' Ndyosi lo'o ngu' tya li'.

SAN MATEO 13:35

Cua nchcui' sca jyo'o cusu' nu ngua tu'ba ji'i̱ ycui' Ndyosi cua sa'ni la ji'i̱ cha' bi'. Ndi'ya̱ nchcui' yu: Lo'o cui̱i̱ ti chcui' na' lo'o ngu' cha' culu'u na' sca cha' ji'i̱ ngu', nacui̱ Ni. Chcui' na' ji'i̱ sca cha' nu ntsu'u cuatsi' ti tya lo'o ngüiñá na' chalyuu re.

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.