HEBREOS 4:16 - Chatino Tataltepec

¹⁶ Ná cutsi̱i̱ na tsiya' ti lacua, tyucui tyiquee na jña na sca cha' ji'i̱ ycui' Ndyosi ca su tlyu ca su laca Ni loo; chcui' na lo'o ycui' Ndyosi nu xcui' tso'o tsa ndu'ni lo'o ñati̱, cha' cui'ya Ni cha' clyu ti' ji'na, cha' xtyucua Ni ji'na, masi la cui' ca hora nu lyiji tsa cha' ji'na.

HEBREOS 4:16 Referans Kwoze

EFESIOS 3:12

Lo'o juani cua ntsu'u chacuayá' ji'na cha' tyu'u cha' ji'na lo'o ycui' Ndyosi xqui'ya la cui' Jesucristo bi'; tyucui tyiquee na taca chcui' na lo'o ycui' Ndyosi xqui'ya cha' ngusñi na cha' ji'i̱ Jesucristo Sñi' ycui' Ni. Lo'o jua'a̱ nga'aa ntsu'u cha' cutsi̱i̱ na lo'o chcui' na lo'o ycui' Ndyosi.

HEBREOS 7:25

Lcaa ca tyempo, masi juani, masi nde loo la, taca ji'i̱ Ni cua'ni lyaá Ni ji'i̱ cua ña'a̱ ca ñati̱ nu xñi cha' ji'i̱ ycui' Ndyosi xqui'ya Jesús. Tyucui tyempo ndi'i̱ Jesús ca slo ycui' Ndyosi, cha' chcui' Ni lo'o ycui' Sti Ni cuentya ji'na.

HEBREOS 13:6

Bi' cha' ndi'ya̱ culacua ti' na cha' nguula ti' tyiquee na: Ycui' nu Xu'na na laca nu nxtyucua 'na. Ná ntsu'u cha' cutsi̱i̱ na' lacua, cha' ná caca cua'ni cuxi ñati̱ lo'o na'.

1 PEDRO 2:10

Nu juani laca ma̱ ñati̱ ji'i̱ ycui' Ndyosi, masi nu ngua tya tsubi' la ná ntsu'u cha' ji'i̱ ma̱ lo'o ycui' Ndyosi tsiya' ti. Lo'o jua'a̱ cua nchca cuayá' ti' ma̱ juani cha' ndyu'ni tya'na tsa ti' Ni ji'i̱ ma̱, masi tya tsubi' la ná nchca cuayá' ti' ma̱ cha' ji'i̱ ycui' Ndyosi tsiya' ti.

EFESIOS 2:18

Lo'o juani ná ndu'ni cha' masi ngu' judío laca ya, masi xa' ñati̱ laca ma̱, sca ti lo ñati̱ laca na lo'o lcaa tya'a na xqui'ya Cristo, sca ti Xtyi'i ycui' Ndyosi ndu'ni cha' tyuloo na ji'i̱ Ni;

HEBREOS 7:19

Tya lyiji tsa cha' ca tso'o cresiya ji'na cuentya ji'i̱ ycui' Ndyosi, masi cua ngua'ni na lcaa cña nu ngulo jyo'o Moisés ji'i̱ ngu' tya'a na nu ngua li', cha' ná ngua cua'ni lyaá cha' cusu' bi' ji'na ji'i̱ nu cuxi; pana juani taca xñi na cha' ji'i̱ ycui' Ndyosi. Cacua tsa laca ycui' Ni ji'na juani xqui'ya Jesús, cha' tso'o la tsiya' ti laca cha' nu ya̱lo'o Jesús cha' chcui' Ni lo'o na.

HEBREOS 9:5

Chu̱' cñá' bi' ntucua lcui̱ ji'i̱ tucua tya'a xca̱ ji'i̱ ycui' Ndyosi nu ndubi tsa ña'a̱; ngatya'a ti lo lu'be xca̱ ndubi bi' chu̱' cñá', cha' tyi'u ti' ñati̱ cha' ca bi' lijya̱ ycui' Ndyosi cha' cati̱ qui'ya nu ntsu'u ji'i̱ ngu'. Xca̱ ndubi bi' cua ntucua cha' ca cuayá' ti' ngu' Israel cha' lcaa tsa̱ nga'a̱ ycui' Ndyosi laja su ndi'i̱ ngu'. Pana ná caja tyempo chcui' na ji'i̱ lcaa cha' bi' juani.

HEBREOS 3:6

Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.