HEBREOS 4:11 - Chatino Tataltepec

¹¹ Lcaa tsa̱ cua'ni cña ti' na lacua, cha' ña'a̱ ti tyu'u cha' ji'na lo'o ycui' Ni, cha' taca tyi'i̱ tso'o ti na. Ná cua'ni na ñi'ya̱ nu ngua'ni jyo'o cusu' bi', nu ná ndaquiya' tsiya' ti ji'i̱ ycui' Ndyosi, cha' li' ná ngua tyalaa ngu' bi' ca su nacui̱ Ni cha' tsaa ngu'.

HEBREOS 4:11 Referans Kwoze

HEBREOS 3:18

Cua lye tsa nchcui' Ni cha' ji'i̱ ngu' nu ngusu̱u̱ tya'a lo'o Ni: “Nga'aa tyalaa ngu' bi' ca slo na', cha' tyi'i̱ tso'o ti ngu' ca nde”, nacui̱ Ni li'.

SAN LUCAS 13:24

―Chubi tsa toni'i̱ su tyatí̱ ma̱ ca bi', bi' cha' cua'ni yala ma̱ cha' quije tyucui̱i̱ ji'i̱ ma̱ nu tyalaa ca toni'i̱ bi'. Ndi'ya̱ ñacui̱ na' ji'i̱ ma̱: Ntsu'u quiña'a̱ tsa ñati̱ nu cua nchcui' cha' cua tyatí̱ ti ngu' toni'i̱ bi', pana na ndu'ni ti ngu' jua'a̱; ná nchca quije ji'i̱ ngu' tsiya' ti ñi'ya̱ caca nu tyatí̱ ngu' toni'i̱ bi'.

HEBREOS 6:11

Tso'o si ña'a̱ ti tya cua'ni ma̱ tyucui tyempo nde loo la nti' ya, cha' ndu̱ ti' ma̱ ji'i̱ ycui' Ndyosi ña'a̱ cuayá' tyu'u tucua lcaa cha' nu cua nchcui' Ni lo'o ma̱.

EFESIOS 5:6

Ná ta ma̱ chacuayá' cha' ñilo'o ngu' ji'i̱ ma̱ lo'o sca cha' tonto ti. Xqui'ya cha' cuxi bi' ñasi̱' tsa ycui' Ndyosi ji'i̱ ñati̱ chalyuu nu ná ndaquiya' ji'i̱ cha' nu nchcui' Ni; xcube' tsa Ni ji'i̱ ngu' bi' lo'o tye chalyuu.

HEBREOS 3:12

Cu'ma̱ tya'a ngusñi na cha' ji'i̱ Jesús, ña'a̱si̱i̱ ma̱ ji'i̱ ycui' ca ma̱, cha' ni tsaca ma̱ ná tya'a̱chu̱' ma̱ ji'i̱ cha' ji'i̱ ycui' Ndyosi nu lu'ú ca, cha' ná caca cuxi cresiya ji'i̱ ma̱, ñi'ya̱ si nga'aa taquiya' ma̱ cha' ji'i̱ Ni.

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

COLOSENSES 3:6

nchca ñasi̱' tsa ycui' Ndyosi lo'o ñati̱ nu ndu'ni cha' cuxi jua'a̱.

LOS HECHOS 26:19

’Cusu' rey Agripa, cua ngua'ni na' cña nu ngulo Jesús jna', nu lo'o ngulu'u loo Jesús jna'.

SAN LUCAS 16:16

’Nu tyempo cua sa'ni la ni, ntsu'u cha' cusu' ji'i̱ ñati̱, la cui' cha' nu nda ycui' Ndyosi lo'o Moisés, jua'a̱ lo'o ngu' nu ngua tu'ba ji'i̱ Ni tya sa'ni la; pana nu lo'o ñaa Juan, tya li' nguxana ngañi cha' tso'o ji'i̱ ycui' Ndyosi, cha' caca Ni loo ne' tyiquee ñati̱. Quiña'a̱ tsa ñati̱, lye tsa nda ngu' juersa cha' xñi ngu' cha' ji'i̱ ycui' Ndyosi.

SAN MATEO 11:12

’Tya lo'o lijya̱ Juan bi' tya clyo hasta juani quiña'a̱ tsa cha' nchcui' ngu', cha' nti' tsa ngu' cha' caca ycui' Ndyosi loo ji'i̱ ñati̱. Lo'o jua'a̱ ntsu'u tsa ngu' nu lye tsa ndu'ni juersa cha' tyalaa ngu' slo ycui' Ndyosi jua'a̱ ti.

SAN MATEO 7:13

’Lo'o chaca cha' ni, nga'a̱ cha' tyeje tacui ma̱ tolo'o chubi. Tlyu tsa tolo'o, lo'o jua'a̱ si̱i̱ tsa tyucui̱i̱ su tsaa ngu' ca bilyaa; tso'o tsa ña'a̱ tyucui̱i̱ bi' nti' ngu', bi' cha' quiña'a̱ tsa ñati̱ ndya'a̱ tyucui̱i̱ bi'.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

HEBREOS 4:6

Bi' ñati̱ laca nu clyo ndyuna cha' tso'o nu cua nchcui' Ni lo'o ngu', cha' clyaá ngu' ji'i̱ nu cuxi, lo'o li' ná ngua tyalaa ngu' bi' ca slo ycui' Ndyosi, ná ngua tyi'i̱ tso'o ti ngu' ca su nacui̱ Ni cha' tyi'i̱ ngu', xqui'ya cha' ná ntaja'a̱ ngu' bi' taquiya' ngu' cha' bi'. Pana tya lyiji xi cha' tyu'u ti'i̱ lcaa ñati̱ nu nscua cha' tyi'i̱ tso'o ti ca slo ycui' Ndyosi;

2 PEDRO 2:6

La cui' ti cha' ngua cuxi ji'i̱ ngu' quichi̱ Sodoma lo'o ji'i̱ ngu' quichi̱ Gomorra, cha' cuxi tsa ngua'ni ngu' bi'; ngua'ni ñu'u̱ Ni tsiya' ti ji'i̱ tyucuaa quichi̱ bi'. Lo'o ndye ndyaqui̱ quichi̱ bi', jii lo'o nchcubi' tya ndyanu su nscua quichi̱ bi' nquicha'. Jua'a̱ ngua'ni ycui' Ndyosi nu ngua li', cha' ca cuayá' ti' lcaa ñati̱ nu ndiya ti' ndu'ni lcaa lo cha' cuxi, masi juani ti, masi nde loo la; xcube' Ni ji'i̱ ngu' bi' ña'a̱ cuayá' nu tye cha' ji'i̱ ngu' bi' tsiya' ti.