HEBREOS 4:10 - Chatino Tataltepec

¹⁰ Masi tye cña ji'na nde chalyuu, tsaa na ca slo ycui' Ndyosi, li' taca tyi'i̱ tso'o ti na lo'o Ni ca bi', ñi'ya̱ nu nguti'i̱ ycui' Ndyosi lo'o ngua'ni tye Ni cña ji'i̱ Ni lo'o ngua tsa̱ nchca cati bi'.

HEBREOS 4:10 Referans Kwoze

APOCALIPSIS 14:13

Li' ndañi xtyi'i ca su ntucua ycui' Ndyosi, nchcui' sca ñati̱ lo'o na': ―Scua clya nu'u̱ cha' re: “Tso'o tsa caca tyiquee ñati̱ nu ndyijii laja lo'o ndyu'ni ngu' cña ji'i̱ ycui' Ndyosi nu Xu'na na tyempo nde loo la”. La cui' jua'a̱ laca cha' nu nda Xtyi'i ycui' Ndyosi lo'o ma̱. Nacui̱ cha' ca bi' tyi'i̱ cña' ñati̱ bi' li', cha' tso'o tsa cña nu ngua'ni ngu' lo'o ya̱a̱ ngu' chalyuu; ndiya ti' Ni cña nu ngua'ni ngu', bi' cha' tyi'u ti' ycui' Ndyosi ji'i̱ cña nu cua ngua'ni ngu' bi' li' ―nacui̱ Ni jna'.

HEBREOS 10:12

Pana nu Jesucristo bi' ni, sca ti quiya' ngujuii yu lo crusi cha' cati̱ qui'ya nu ntsu'u ji'i̱ ñati̱, lo'o ña'a̱ ti tya ndyu'u scua cña nu ngua'ni yu masi chalyuu juani. Li' ngutu'u Jesús ndyaa Ni, ndyaa tucua Ni nde la'a tsu' cui̱ su tlyu ca su ntucua ycui' Ndyosi.

SAN JUAN 19:30

Lo'o cua nguxcui Jesús vino bi', li' nacui̱ yu: ―Cua ngua lcaa cha'. Li' ngua'ya tacui hique yu, ngujuii yu li'.

HEBREOS 1:3

Lcaa xee lubii nu ntsu'u ca slo ycui' Ndyosi, cua ndyanu xee bi' lo Jesús Sñi' Ni lo'o ñaa Jesús nguti'i̱ yu chalyuu. Ñi'ya̱ nu laca ycui' Ndyosi, la cui' jua'a̱ laca nu Jesús bi'; liñi tsa nclyo Jesús cña ji'i̱ lcaa na nu ntsu'u chalyuu tsiya' ti, bi' cha' laca ndi'i̱ tso'o ti lcaa na bi'. Nu lo'o ndye ngua'ni Jesús cña nu ntsu'u ji'i̱ yu nde chalyuu, cha' ngüityi̱ yu yabe' nu ntsu'u ji'i̱ ñati̱, li' nguxtyu̱u̱ yu ndyaa yu ca slo ycui' Ndyosi Sti yu, ndyaa tucua yu nde la'a tsu' cui̱ su tlyu ca su ntucua ycui' Ni.

HEBREOS 4:9

Lo'o juani ni, si ña'a̱ ti tya xñi tso'o na cha' ji'i̱ ycui' Ndyosi, tya taca tyi'i̱ tso'o ti na lo'o Ni li', ñi'ya̱ lo'o ngua'a̱ cña' ycui' Ni tsa̱ nchca cati bi'.

APOCALIPSIS 6:11

Lo'o ti ngujui late' ngati̱ cacu' lcaa jyo'o bi', li' nchcui' ycui' Ndyosi lo'o ngu' bi': ―Xa' xtyii cña' ma̱ tya xi ca, ña'a̱ cuayá' tyalaa tyu̱u̱ tya'a jyo'o ngu' tya'a ma̱, tya'a ngusñi ma̱ cha' ji'i̱ Jesús, tya'a ndyu'ni ma̱ cña ji'i̱ Ni; tya cujuii ñati̱ chalyuu ji'i̱ ngu' bi' ñi'ya̱ lo'o cua ndyujuii ngu' ji'i̱ cu'ma̱ ―nacui̱ Ni.