HEBREOS 3:9 - Chatino Tataltepec

⁹ Ngua ti' jyo'o cusu' ji'i̱ ma̱ cha' cua'ni cuxi ngu' lo'o na' nu ngua li'; cua nxtyí lo'o ti ngu' 'na tyucui tu'ba yija̱, masi na'a̱ ngu' lcaa cha' tlyu nu cua ngua'ni na' cuentya ji'i̱ ngu' lcaa yija̱ bi', nacui̱ Ni.

HEBREOS 3:9 Referans Kwoze

LOS HECHOS 7:36

Nda ycui' Ndyosi chacuayá' ji'i̱ jyo'o Moisés cha' cua'ni yu cña tonu cha' cube ti' ngu' ca loyuu su cuentya Egipto. Xqui'ya cha' ngua ji'i̱ yu ngua'ni yu cña tonu bi', bi' cha' ngua ji'i̱ yu ngulo yu cña ji'i̱ lcaa ngu' Israel tya'a yu, cha' ngutu'u ngu' loyuu su cuentya Egipto nguta'a̱ lo'o Moisés ji'i̱ ngu' bi'. Xa' ngua'ni yu cña tonu to' tyujo'o nu naa Tyujo'o Nga'a. Li' nguta'a̱ yu lo'o ngu' nde sca loyuu btyi su ná ntsu'u hitya nu co'o ngu', lo'o jua'a̱ chaca quiya' ngua'ni yu cña tonu cha' cube ti' ngu' ji'i̱ ycui' Ndyosi. Cua tu'ba yija̱ nguta'a̱ nu Moisés bi' lo'o ngu'.

LOS HECHOS 13:8

Pana ná ndiya ti' nu cucha'a̱ bi' nu lo'o ndyuna gobernador cha' ji'i̱ ycui' Ndyosi. (Elimas naa nu cucha'a̱ bi' cha'cña ji'i̱ ngu' quichi̱ Pafos bi'.) Lye tsa nxu̱u̱ tya'a yu lo'o Saulo lo'o Bernabé, cha' cua nti' yu cua'a yu ji'i̱ gobernador cha' nga'aa xñi nu cusu' bi' cha' ji'i̱ ycui' Ndyosi nu nchcui' ngu' lo'o.

SAN LUCAS 7:22

Bi' cha' ndi'ya̱ nguxacui̱ Jesús cha' ji'i̱ ngu' bi' li': ―Yaa clya ma̱ cacha' ma̱ ji'i̱ nu Juan bi' lcaa cha' nu cua na'a̱ ma̱ slo na', lcaa cha' nu cua ndyuna ma̱ ca nde. Ñacui̱ ma̱ ji'i̱ yu cha' xa' nda na' xee ña'a̱ tyu̱u̱ tya'a ngu' nu ngua cuityi̱'; lo'o juani tso'o tsa ndya'a̱ ngu' nu ngua quicha quiya'; jua'a̱ cua ngua lubii cuaña' ngu' nu ndyatsu' cuaña'; lo'o juani cua nduna tso'o ngu' nu ngua cu'u̱ jyaca̱; jua'a̱ xa' ndyu'ú ngu' chaca quiya', ngu' nu cua ngujuii; jua'a̱ ngu' ti'i ni, nduna ngu' cha' tso'o nu nda na' lo'o ngu' ñi'ya̱ ndu'ni lyaá Ni ji'i̱ ngu' ji'i̱ nu cuxi. Jua'a̱ ñacui̱ ma̱ ji'i̱ Juan bi'.