Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.
HEBREOS 3:6 - Chatino Tataltepec6 Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na. Gade chapit la |
HEBREOS 3:6
46 Referans Kwoze
Nu laa tlyu su ndu'ni tlyu ngu' judío ji'i̱ ycui' Ndyosi tyaca'a tsa ji'i̱ Ni laca bi', cha' cuentya ji'i̱ Ni ndya' ni'i̱ bi'; tyaala tsa ycui' Ni si cua'ni ñu'u̱ ñati̱ ji'i̱ laa bi'. Lo'o cu'ma̱ ni, tyucui ña'a̱ taju cu'ma̱ nu ngusñi ma̱ cha' ji'i̱ Cristo, tyaca'a tsa ma̱ cuentya ji'i̱ ycui' Ndyosi; na cua ndyanu Xtyi'i ycui' Ndyosi ne' cresiya ji'i̱ ma̱. Lo'o jua'a̱ cua'ni tye ycui' Ni ji'i̱ cua ña'a̱ ca ñati̱ nu cua'ni ñu'u̱ tyucui̱i̱ ji'i̱ sca ñati̱ nu tya'a ngusñi na cha' ji'i̱ Jesús.
cha' lo'o cu'ma̱ caca ma̱ ñi'ya̱ si laca ma̱ tyuu cha' tya' sca ni'i̱ ji'i̱ ycui' Ndyosi, masi ña'a̱ lu'ú ti ma̱. Li' xñi ycui' Ni tyuu bi', cha' cuiñá Ni sca ni'i̱ nu tacati tsa cuentya ji'i̱ ycui' Ni. Chaca cha' ni, ñi'ya̱ nti' sti jo'ó nu lubii cresiya ji'i̱ tsiya' ti, jua'a̱ caca lcaa cu'ma̱, cha' taca ji'i̱ ma̱ sta ma̱ msta̱ slo ycui' Ndyosi juani xqui'ya Jesucristo; nu msta̱ bi' laca ycui' ca ma̱, si chañi cha' tyucui tyiquee ma̱ nti' ma̱ taquiya' ma̱ ji'i̱ cha' nu nchcui' ycui' Ndyosi.
¿Ha ná nda ma̱ cuentya cha' tyaca'a tsa ma̱ ji'i̱ ycui' Ndyosi, xqui'ya cha' nda Ni Xtyi'i ycui' Ni nu ndyanu ne' cresiya ji'i̱ ma̱? Nga'aa si'i cuentya ji'i̱ ycui' ti ma̱ ndya'a̱ ma̱, cuentya ji'i̱ ycui' Ndyosi laca ma̱. Quiña'a̱ tsa cha' tso'o ngua'ni Ni cuentya ji'na cha' ngulaá ma̱ ji'i̱ nu cuxi, cha' laca ma̱ ñati̱ ji'i̱ ycui' Ni; bi' cha' cua'ni tlyu ma̱ ji'i̱ ycui' Ndyosi lcaa su ndya'a̱ ma̱, tyi'u ti' ma̱ ji'i̱ Ni, lo'o jua'a̱ tyucui tyiquee ma̱ cua'ni ma̱ lcaa cña nu culo ycui' Ni ji'i̱ ma̱.
Lo'o cua ngusñi na cha' ji'i̱ Jesús, li' nga'a̱ cha' cua'ni na cha' tso'o ti tyanu cha' bi' ne' cresiya ji'na. Cua laca ntsu'u sca sti jo'ó nu laca loo la nu ndu̱ cuentya ji'na; Jesús laca bi', nu sca ti Sñi' ycui' Ndyosi laca yu. Cua ndyaa Jesús ca su ndi'i̱ ycui' Ndyosi Sti yu; juani ndu̱ Jesús slo Ni, nchcui' cha' ji'na lo'o Ni.
Pana nu juani lo'o cua tye ti chalyuu, cua nchcui' Ni lo'o na, xqui'ya cha' cua ñaa Jesús nde chalyuu ca su ndi'i̱ na, la cui' Jesús nu laca sca ti Sñi' ycui' Ni. Cua nguti'i̱ nu Jesús bi' lo'o ycui' Ndyosi Sti yu nu lo'o ngüiñá Ni chalyuu tya clyo; tya lo'o ngüiñá Ni lcaa lo na nu ntsu'u nde cua̱ lo'o lcaa lo na nu ntsu'u lo yuu chalyuu, cua laca ndu̱ Jesús lo'o ycui' Ndyosi Sti Jesús li'. Lo'o jua'a̱ cua nda Ni chacuayá' ji'i̱ cha' caca ycui' Jesús loo ji'i̱ lcaa na bi'.
Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Tiatira, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi, na' nu ngulane tsa xee cloo na' ñi'ya̱ laca lo'o lye tsa ndyatu̱ quii' su talya ña'a̱, na' nu ndubi tsa ña'a̱ quiya' na' ñi'ya̱ laca sca chcua̱ ngatsi nu scui chu̱'.
Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.
Tso'o tsa ndyu'ni ycui' Ndyosi lo'o na chacuayá' ji'i̱ Cristo, nu lo'o ngusñi na cha' ji'i̱ nu Cristo bi'. Ngua'ni Ni cha' ntsu'u cha' ji'na lo'o ycui' Ni, bi' cha' nga'aa ntsu'u cha' tya'a̱chu̱' na ji'i̱ Ni; tso'o tsa ntsu'u tyiquee na, cha' jlo ti' na cha' ca tiya' la caja sca se'i̱ nu tso'o tsa su tyi'i̱ na ca su ntucua ycui' Ndyosi, cha' jua'a̱ tso'o ti ndu'ni Ni lo'o na.
Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.
Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.
Cui'ya ma̱ cuentya lacua, cha' taca ji'i̱ Ni cua'ni tso'o Ni lo'o ñati̱, lo'o jua'a̱ xa' tyempo taca ji'i̱ Ni cua'ni tyaala Ni ji'i̱ ñati̱, si jua'a̱ nti' Ni. Tyaala tsa ngua'ni Ni lo'o ngu' bi', xqui'ya cha' ná ndaquiya' ngu' ji'i̱ ycui' Ni; lo'o jua'a̱ tso'o ti cua'ni Ni lo'o cu'ma̱, si ña'a̱ ti taquiya' ma̱ ji'i̱ Ni nu ndyu'ni tsa cha' tso'o lo'o ma̱. Si nga'aa taquiya' ma̱ ji'i̱ cha' nu nchcui' Ni, la cui' jua'a̱ culaya' Ni ji'i̱ ma̱ li'.
Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi.
Xqui'ya lcaa cha' bi' cua jlo ti' na cha' ná nga'a̱ cha' cha'a̱ tsiya' ti sca cha' nu cua nacui̱ ycui' Ndyosi cha' caca, cha' ná nti' Ni cñilo'o Ni ji'na tsiya' ti. Tso'o ti ndi'i̱ tyiquee na juani, cha' ni sca cha' cuxi ná taca xcutsi̱i̱ ji'na, xqui'ya cha' jlya ti' na cha' nu nda ycui' Ndyosi lo'o na; cua ngua'ni Ni cha' ndyaca tlyu la tyiquee na, cha' xñi tso'o na lcaa cha' nu cua nchcui' Ni lo'o na ña'a̱ cuayá' nu tyu'u tucua cha' bi'.
Tya lyiji tsa cha' ca tso'o cresiya ji'na cuentya ji'i̱ ycui' Ndyosi, masi cua ngua'ni na lcaa cña nu ngulo jyo'o Moisés ji'i̱ ngu' tya'a na nu ngua li', cha' ná ngua cua'ni lyaá cha' cusu' bi' ji'na ji'i̱ nu cuxi; pana juani taca xñi na cha' ji'i̱ ycui' Ndyosi. Cacua tsa laca ycui' Ni ji'na juani xqui'ya Jesús, cha' tso'o la tsiya' ti laca cha' nu ya̱lo'o Jesús cha' chcui' Ni lo'o na.
Cu'ma̱ ngu' tya'a ngusñi na cha' ji'i̱ Cristo, tyucui chacuayá' ji'i̱ Ni cua ntsu'u ji'na juani, cha' ca̱a̱ na slo ycui' Ndyosi nu lubii tsiya' ti cha' ji'i̱ Ni. Jesús laca nu nda chacuayá' bi' ji'na, xqui'ya cha' ndyalú tañi ycui' yu lo'o ngujuii yu lo crusi, cha' cuityi̱ Ni qui'ya nu ntsu'u ji'na.
Cua ndyalaa hora cha' xana cua'ni cuayá' Ni ji'i̱ lcaa ñati̱, pana clyo nguxana Ni lo'o ñati̱ nu ji'i̱ ycui' Ni; bi' cha' laca si ntsu'u xi cha' ti'í ji'na juani lo'o nguxana ca ti Ni ndyu'ni cuayá' Ni ji'i̱ ñati̱, caca cuayá' ti' na cha' tlyu la cha' caca lo'o chcube' ngu' cuxi nde loo la. Li' chcube' ñati̱ nu ná ntaja'a̱ taquiya' ji'i̱ cha' tso'o nu ji'i̱ ycui' Ndyosi.
Piblisite