HEBREOS 2:3 - Chatino Tataltepec

³ La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

HEBREOS 2:3 Referans Kwoze

HEBREOS 12:25

Cui'ya ma̱ cuentya lacua, cha' cua'a̱ jyaca̱ ma̱ ji'i̱ lcaa cha' nu cua nda Cristo lo'o ma̱. Nguxcube' tsa ycui' Ndyosi ji'i̱ jyo'o cusu' ji'na, nu lo'o ná ntaja'a̱ ngu' cua'a̱ jyaca̱ ngu' ji'i̱ cha' nu nchcui' jyo'o Moisés lo'o ngu' nde chalyuu chacuayá' ji'i̱ ycui' Ndyosi; ná ngua xna ngu' bi' ji'i̱ ycui' Ndyosi. La cui' jua'a̱ tlyu la cha' caca ji'na juani, si ná taquiya' na ji'i̱ Cristo nu ngutu'u ca slo ycui' Ndyosi ya̱a̱ nde lo yuu chalyuu, lo'o jua'a̱ cua xa' ndyaa tucua Ni ca slo ycui' Ndyosi chaca quiya' juani.

ROMANOS 2:3

¿Ni cha' laca nti' ma̱ cha' ná caca ji'i̱ cu'ma̱ ñi'ya̱ nu ndyaca ji'i̱ nu ngu' cuxi bi'? Cha' cuiñi, ná clyaá ma̱ ji'i̱ ycui' Ndyosi nu lo'o cua'ni cuayá' Ni ji'i̱ lcaa ñati̱; na nsta ma̱ qui'ya ji'i̱ ñati̱ bi', masi ndu'ni ma̱ la cui' tya'a cha' cuxi nu ndu'ni ngu' bi'.

HEBREOS 5:9

Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.

LOS HECHOS 4:12

bi' cha' nchca ji'i̱ cua'ni lyaá ji'na ji'i̱ lcaa cha' cuxi nu ntsu'u ji'na; ná ntsu'u xa' ñati̱ tyucui ña'a̱ chalyuu nu nchca la ji'i̱, cha' sca ti ji'i̱ Jesús cua nda ycui' Ndyosi chacuayá' cua'ni cña bi'.

HEBREOS 4:11

Lcaa tsa̱ cua'ni cña ti' na lacua, cha' ña'a̱ ti tyu'u cha' ji'na lo'o ycui' Ni, cha' taca tyi'i̱ tso'o ti na. Ná cua'ni na ñi'ya̱ nu ngua'ni jyo'o cusu' bi', nu ná ndaquiya' tsiya' ti ji'i̱ ycui' Ndyosi, cha' li' ná ngua tyalaa ngu' bi' ca su nacui̱ Ni cha' tsaa ngu'.

HEBREOS 1:2

Pana nu juani lo'o cua tye ti chalyuu, cua nchcui' Ni lo'o na, xqui'ya cha' cua ñaa Jesús nde chalyuu ca su ndi'i̱ na, la cui' Jesús nu laca sca ti Sñi' ycui' Ni. Cua nguti'i̱ nu Jesús bi' lo'o ycui' Ndyosi Sti yu nu lo'o ngüiñá Ni chalyuu tya clyo; tya lo'o ngüiñá Ni lcaa lo na nu ntsu'u nde cua̱ lo'o lcaa lo na nu ntsu'u lo yuu chalyuu, cua laca ndu̱ Jesús lo'o ycui' Ndyosi Sti Jesús li'. Lo'o jua'a̱ cua nda Ni chacuayá' ji'i̱ cha' caca ycui' Jesús loo ji'i̱ lcaa na bi'.

SAN LUCAS 1:2

Lo'o jua'a̱ ntsu'u ngu' nu ngulu'u cha' bi' ji'na; ngu' bi' ni, cua na'a̱ ngu' cha' bi' clyo, tya lo'o nguxana Jesús ngua'ni yu cña, lo'o jua'a̱ ndyaa ngu' nchcui' ngu' cha' ji'i̱ Jesús lo'o lcaa ñati̱.

APOCALIPSIS 7:10

Cui̱i̱ nchcui' ngu' li': Cua'ni tlyu na ji'i̱ ycui' Ndyosi nu Xu'na na nu ntucua lo yaca xlya tlyu, la cui' bi' laca nu ndu'ni lyaá ji'na, nacui̱ ngu' ji'i̱ tya'a ngu'; jua'a̱ nu ñi'ya̱ ña'a̱ xlya' bi' ndu'ni lyaá ji'na, nacui̱ ngu'.

TITO 2:11

Tso'o tsa ndu'ni ycui' Ndyosi lo'o ñati̱ chalyuu cha' cua nti' Ni cha' clyaá ngu' ji'i̱ nu cuxi;

1 TIMOTEO 1:15

Taca xñi tso'o ngu' cha' nu nchcui' ndi'ya̱: Cua ya̱a̱ Jesucristo nde chalyuu cha' cua'ni lyaá Ni ji'i̱ ñati̱ chalyuu nu ntsu'u qui'ya ji'i̱. Lo'o na', tlyu la xqui'ya na' que xa' la ñati̱, cha' cuxi tsa cña nu ngua'ni na' lo'o ñati̱ ji'i̱ Jesucristo nu ngua sa'ni la.

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

HEBREOS 4:1

Cha' nu laca juani, cua nguxtyanu Ni sca cha' lo'o na, cha' taca tyalaa na ca slo Ni, cha' tyi'i̱ tso'o ti na ca bi'. Tso'o si cube ti' na ji'i̱ lcaa ngu' tya'a na, cha' ná tyu'utsu' ni tsaca ngu' ji'i̱ tyucui̱i̱ liñi nu tsaa ca su tyi'i̱ na lo'o ycui' Ndyosi.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

SAN JUAN 15:27

Lo'o cu'ma̱ ni, cua nguti'i̱ ma̱ lo'o na' tya clyo, bi' cha' taca ji'i̱ ma̱ chcui' liñi ma̱ cha' jna' lo'o xa' ñati̱.

SAN LUCAS 24:19

―¿Na laca ngua? ―nacui̱ Jesús ji'i̱ ngu'. Li' nguxacui̱ ngu' cha' ji'i̱ yu: ―Cha' ji'i̱ Jesús Nazaret ―nacui̱ ngu'―, tu'ba ji'i̱ ycui' Ndyosi ngua yu bi' nchcui' Ni lo'o ñati̱. Ngua tsa ji'i̱ cha' tu'ba, lo'o jua'a̱ ngua tsa ji'i̱ ngua'ni quiña'a̱ tsa cha' tlyu cuentya ji'i̱ ycui' Ndyosi; jua'a̱ quiña'a̱ tsa ñati̱ na'a̱ ji'i̱ cha' tlyu bi'.

SAN MARCOS 1:14

Lo'o ca tiya' la ngusu'ba ngu' ji'i̱ Juan ne' chcua̱. Li' nguxtyu̱u̱ Jesús nde loyuu su cuentya Galilea, nclyu'u yu ji'i̱ ngu' ñi'ya̱ laca cha' tso'o ji'i̱ ycui' Ndyosi.

1 TESALONICENSES 5:3

“Ti̱ ti ndi'i̱ chalyuu, tso'o ti ndi'i̱ na”, ñacui̱ ngu'; pana la cui' hora bi' tye cha' ji'i̱ lcaa ñati̱ chalyuu, nga'aa caja mala xna ngu' li'. Ñi'ya̱ laca sca nu cuna'a̱ tana, cha' ná jlo ti' ni hora caca nu cala sñi', ni hora ca̱a̱ nu ti'í ji'i̱; jua'a̱ caca lo'o cua tyalaa ti hora bi' li', cha' ná jlo ti' na ni tsa̱ caca.

SAN LUCAS 1:69

Cua nda ca ti ycui' Ndyosi lijya̱ sca nu tso'o tsa nchca ji'i̱, cha' cua'ni lyaá yu ji'na ji'i̱ lcaa cha' cuxi nu ntsu'u ji'na; bi' laca sca ñati̱ nu la cui' ñati̱ tya'a ji'i̱ jyo'o David nu ngua'ni cña ji'i̱ ycui' Ndyosi cua sa'ni la.

SAN MATEO 4:17

Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

ROMANOS 11:14

Nti' tsa na' cha' lo'o xi ngu' judío tya'a na' jña ngu' ji'i̱ ycui' Ndyosi, cha' ta Ni la cui' ti cha' tso'o nu ntsu'u ji'i̱ ma̱ ji'i̱ ngu' judío bi', cha' caca cua'ni lyaá Ni ji'i̱ ngu' bi'.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

HEBREOS 1:1

Nu ngua tya sa'ni la, tyu̱u̱ tsa quiya' cua nchcui' ycui' Ndyosi lo'o jyo'o cusu' ji'na, quiña'a̱ xi cha' nda Ni lo'o jyo'o bi'; cua nda ycui' Ndyosi cha' lo'o jyo'o bi', cha' chcui' ngu' lo'o lcaa tya'a quichi̱ tyi ngu'.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

HEBREOS 9:28

lo'o jua'a̱ Cristo, sca ti quiya' ngujuii yu lo crusi, cha' jua'a̱ ngüityi̱ yu qui'ya nu ntsu'u ji'i̱ quiña'a̱ tsa ñati̱. Tya ca̱a̱ Cristo chaca quiya' ca tiya' la; pana nga'aa si'i cha' cuityi̱ Ni qui'ya nu ntsu'u ji'i̱ ñati̱ ca̱a̱ Ni li', cha' cua ndye ngua'ni Ni cña bi'. Li' cua'ni lyaá lyiji Ni ji'i̱ lcaa ñati̱ nu ntajatya tsa ji'i̱ Ni, ña'a̱ cuayá' nu ca̱a̱ Ni chaca quiya'.

1 JUAN 1:1

Cua laca ntucua Jesús lo'o ycui' Ndyosi Sti yu nu lo'o nguxana chalyuu tya clyo; la cui' yu laca nu nchcui' ya ji'i̱, nu lo'o nscua ya tilaca laca Jesucristo. Cua jlo tso'o ti' ya cha' bi', cha' cua na'a̱ tso'o ya ji'i̱ yu lo'o cloo ya, cha' stu'ba ti nguta'a̱ ya lo'o yu; cua ndyuloo ya ji'i̱ yu lo'o cua ngua'ni ca'a̱ ya' ya ji'i̱ ycui' yu. Cua nchcui' ya lo'o cu'ma̱ cha' Jesucristo laca nu nda chaca chalyuu cucui ji'i̱ ñati̱.

JUDAS 1:17

Cu'ma̱ ngu' tya'a tso'o na nu tyaca'a tsa ma̱ 'na, nga'a̱ cha' tyi'u ti' ma̱ cha' nu nchcui' ñati̱ lo'o na, nu ñati̱ nu cua ngua tsa'a̱ ji'i̱ Jesucristo nu Xu'na na tya clyo.