HEBREOS 2:15 - Chatino Tataltepec

¹⁵ Lo'o jua'a̱ ngua'ni lyaá yu ji'i̱ ñati̱ nu ntsi̱i̱ tsa cha' cajaa ngu'; lcaa tsa̱ lo'o ñaa ngu' bi' chalyuu, cuxi ti ndi'i̱ ngu' bi', ti'í tsa cña nti' ngu', xqui'ya cha' xcui' na ntsi̱i̱ tsa ngu' si cajaa ngu'. Ngua'ni tye Jesús cha' ntsi̱i̱ ngu' jua'a̱, ndu'ni yu cha' tso'o ti tyi'i̱ ngu' bi' juani.

HEBREOS 2:15 Referans Kwoze

ROMANOS 8:15

Na cua nda ycui' Ndyosi Xtyi'i Ni ji'i̱ ma̱, cha' ndu'ni Xtyi'i Ni cha' caca ma̱ sñi' ycui' Ndyosi; ndu'ni bi' cha' ndi'ya̱ taca chcui' na lo'o ycui' Ndyosi: “Sti ya”, ñacui̱ na ji'i̱ Ni. Si'i cha' cuxi ndu'ni Xtyi'i Ni nu lo'o nclyo bi' cña ji'i̱ ma̱, si'i cha' xcutsi̱i̱ ji'i̱ ma̱ ñi'ya̱ nu ntsi̱i̱ ma̱ cua sa'ni la, si'i jua'a̱ cña ndu'ni nu bi'.

2 TIMOTEO 1:7

Ná nti' ycui' Ndyosi cha' cutsi̱i̱ na; bi' cha' nda Ni Xtyi'i ycui' Ni cha' tyanu ne' cresiya ji'na, cha' ca tlyu tyiquee na, cha' tso'o ti tyu'u tyiquee na ña'a̱ na ji'i̱ tya'a ñati̱ na, cha' taca cua'ni na ñi'ya̱ nu nti' ycui' Ndyosi cha' cua'ni na lcaa tsa̱.

2 CORINTIOS 1:10

Cua ngua'ni lyaá ycui' Ndyosi ji'i̱ ya tyempo bi', cha' ná ngujuii ya, masi cuxi tsa ngua cha' ca bi'; lo'o jua'a̱ tya cua'ni lyaá la Ni ji'i̱ ya ca nde loo la. Cua ngusñi ya cha' ji'i̱ ycui' Ndyosi, bi' cha' jlya ti' ya ji'i̱ ycui' Ni, cha' ña'a̱ ti tya cua'ni lyaá Ni ji'i̱ ya.

ROMANOS 8:21

cua tyalaa ti sca tsa̱ nu tye lcaa cha' cuxi nu ndu'ni cha' quiñu'u̱ chalyuu, lcaa cha' cuxi nu laca loo ji'na. Lo'o li' tso'o tsa caca lcaa lo na nu ngüiñá Ni nde chalyuu, cha' stu'ba ti cua'ni lyaá Ni ji'i̱ nu na bi' lo'o ji'na nu laca na sñi' ycui' Ni.

GÁLATAS 4:21

Cu'ma̱, cua nti' ma̱ taquiya' ma̱ ji'i̱ cha' cusu' bi' ti. Tso'o lacua. ¿Ha bilya cuna ma̱ cha' re, nu nchcui' cha' ji'i̱ Abraham?

HEBREOS 2:16

Ná ya̱a̱ Jesús chalyuu cha' xtyucua yu ji'i̱ ngu' xca̱ ji'i̱ Ni nde cua̱; cuentya ji'na ñati̱ chalyuu na ya̱a̱ Jesús, cha' xtyucua yu ji'na ngua ti' yu, cha' ca ta'a na laca na tya'a ñati̱ ji'i̱ jyo'o Abraham, masi cua lijya̱ na chalyuu tiya' la xi.