’Ndube ti' ycui' Ni ji'i̱ ma̱, bi' cha' ná ntsu'u cha' culacua tsa ti' ma̱ ñi'ya̱ caca cha' cu'ú ma̱, na ca cacu ma̱, na ca co'o ma̱ su ndi'i̱ ma̱ chalyuu. Ná culacua tsa ti' ma̱ ma caja ste' ma̱. Cuayá' tsa cha' na lu'ú ti na juani, masi si'i quiña'a̱ tsa na nu cacu na; cuayá' tsa cha' tso'o ti tyucui ña'a̱ na, masi si'i na tso'o tsa ste' na.
HEBREOS 13:5 - Chatino Tataltepec5 Ná tyu'u tyiquee ma̱ xcui' cha' ji'i̱ cñi, pana tso'o si tyaala' ji'i̱ ma̱ lo'o tsa ña'a̱ nu ndyiji ti xi ji'i̱ ma̱. Na cua nchcui' Ni lo'o na ndi'ya̱: “Ná culati'i̱ na' ji'i̱ ma̱”, nacui̱ Ni, “ná xtyanu na' ji'i̱ ma̱ jua'a̱ ti”. Gade chapit la |
HEBREOS 13:5
46 Referans Kwoze
Cua'ni tye ma̱ lcaa cha' cuxi nu ndiya tsa ti' ma̱ ji'i̱ lacua: nga'aa cua'ni cuxi ma̱ lo'o clyo'o xa' ñati̱, nga'aa cua'ni ma̱ cha' suba' lo'o tya'a ñati̱ ma̱, nga'aa tyacui' ti' ma̱ ña'a̱ ma̱ ji'i̱ tya'a ñati̱ ma̱, cua'ni tye ma̱ ji'i̱ lcaa lo cha' cuxi nu ndijña tsa ti' tyiquee ma̱ cha' cua'ni ma̱ ji'i̱, nga'aa tyacui ti' ma̱ ji'i̱ scaa cha' tso'o nu ntsu'u chalyuu. Sca na nu ndacui ti' na ji'i̱ ni, stu'ba ti cuxi laca cha' bi' ñi'ya̱ nti' si cua'ni tlyu na ji'i̱ sca lcui̱ jo'ó ti;
Lo'o xi ngu' sendaru ndyalaa cha' cacha' ji'i̱ Juan li': ―Jua'a̱ cuare, ¿ñi'ya̱ cña cua'ni ya? ―nacui̱ sendaru bi'. ―Nga'aa xlyaá ma̱ na nu ntsu'u ji'i̱ ñati̱, ni nga'aa xcutsi̱i̱ ma̱ ji'i̱ ngu'; nga'aa sta ma̱ qui'ya laja ti ji'i̱ ngu', cha' caja cha' bi' ji'i̱ ma̱. Lo'o jua'a̱, nga'aa ñacui̱ ma̱ cha' xti ti caya' ndyiji ji'i̱ ma̱ ―nacui̱ Juan ji'i̱ ngu' sendaru bi'.
Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';
Sca cha' chañi tsa laca re: Ñati̱ nu jua'a̱ xcui' cha' cuxi ndu'ni ni, ná caja chacuayá' tyaa ngu' bi' ca su ntucua ycui' Ndyosi lo'o Cristo ca tiya' la, nu lo'o caca Ni loo; ñati̱ nu xcui' cha' ji'i̱ nu cuna'a̱ ntsu'u tyiquee ngu', ñati̱ nu ndu'ni suba', ñati̱ nu ndacui ti', ná caja chacuayá' tyaa ngu' bi' ca su ntucua Ni. Nu ndacui ti' na ji'i̱ sca cha' ni, laca cha' ntsu'u tsa tyiquee na ji'i̱ cha' bi', ñi'ya̱ lo'o ntsu'u tyiquee na ña'a̱ na ji'i̱ sca jo'ó.
Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.
Pana ná tso'o cha' tyu'u cha' ji'i̱ ma̱ lo'o ñati̱ nu ndu'ni jua'a̱, masi ndu'ni ngu' bi' lo'o ma̱ cha' tya'a ñati̱ ji'i̱ Jesucristo laca ngu' bi'; bi' laca cha' nu ngua ti' na' chcui̱' lo'o ma̱. Ná caca stu'ba cha' ji'i̱ ma̱ lo'o ngu' si suba' ndu'ni ngu', si ndacui ti' ngu', si ndu'ni tlyu ngu' ji'i̱ lcui̱ jo'ó ti, si cuxi tsa nchcui' ngu' lo'o ñati̱, si cu'bi ngu', si cuaana ngu'; ná caca xñi ma̱ cha' ji'i̱ ngu' nu ndu'ni jua'a̱. Masi nacui̱ ñati̱ bi' cha' stu'ba ti ntsu'u cha' ji'i̱ ngu' lo'o Jesús, ná caca tyu'u cha' ji'i̱ ma̱ lo'o ngu'. La cui' ti cha', ni ná tso'o chca'a̱ ma̱ cacu ma̱ tyaja lo'o ñati̱ nu ndu'ni jua'a̱.
Ndi'ya̱ laca cha' ji'i̱ si'yu nu ndyalú laja yaca quiche': bi' laca ñi'ya̱ laca lo'o ñati̱ nu cua ndyuna cha' tso'o bi' nquicha', pana ntsu'u tsa cña ji'i̱ ngu', ntsu'u tsa cñi ji'i̱ ngu', lo'o jua'a̱ ntsu'u tsa su culiji ngu' cñi cha' ji'i̱ ti ngu'; bi' cha' ná nchca tyanu tso'o cha' tso'o bi' ne' cresiya ji'i̱ ngu'.
masi ngu' cuaana caca ngu', masi tyacui ti' ngu' ji'i̱ sca na nu ntsu'u ji'i̱ xa' ñati̱, masi caca lya' ti' ngu' ji'i̱ xa' ñati̱, masi tucua cha' tyu'u tyiquee ngu', masi suba' tsa cua'ni ngu', masi caca liye' ti' ngu', masi cuentyu tsa caca ngu', masi caca tyixi tsa tu'ba ngu', masi ná cube ti' ngu' tsiya' ti.
Tya'na tsa nu ngu' cuiñi bi'. Cua ngusñi ngu' tyucui̱i̱ cuxi nu ngulu'u jyo'o Caín ji'i̱ ñati̱; cua ndu'utsu' ngu' ji'i̱ tyucui̱i̱ tso'o cha' caja cñi ji'i̱ ngu' ñi'ya̱ ngua'ni jyo'o Balaam, nu lo'o ngusñi yu caya' cuentya ji'i̱ cña cuxi nu cua cua'ni ti yu nu ngua sa'ni. Ntsu'u cha' cajaa nu ngu' cuiñi bi' tsiya' ti, ñi'ya̱ cua ngujuii jyo'o Coré nu lo'o lye tsa ngusu̱u̱ tya'a yu lo'o ycui' nu Xu'na na.
Ná tso'o tsiya' ti cña nu ndu'ni ngu' lo'o tya'a ñati̱ ngu': xcui' cha' suba' ti ndu'ni ngu', cuxi tsa ndu'ni ngu'; ndacui tsa ti' ngu' ji'i̱ scaa cha' tso'o nu ntsu'u ji'i̱ tya'a ñati̱ ngu', ti'í tsa ti' ngu' ña'a̱ ngu' ji'i̱ tya'a ngu'; nti' ngu' cha' tso'o la caca ji'i̱ ycui' ngu' que ji'i̱ xa' la tya'a ngu', pana nxu̱u̱ tya'a ngu' bi' hasta ndujuii ngu' ji'i̱ tya'a ngu'; ndu'ni ngu' ngana ji'i̱ tya'a ngu'; chiya'a̱ tsa cha' ntsu'u tyiquee ngu' ña'a̱ ngu' ji'i̱ tya'a ñati̱ ngu', hasta nclo que ngu' cuentyu ji'i̱ tya'a ngu',
’Lo'o chaca cha' ni: ná xco'o ma̱ quiña'a̱ tsa cha' tso'o cuentya ji'i̱ ycui' ti ma̱ laja lo'o ndi'i̱ ma̱ chalyuu re. Yala ti quiñu'u̱ cha' tso'o bi' jua'a̱ ti; ntsu'u quiya' cacu tiña' ji'i̱, cacu cuixu̱' ji'i̱, cua'ni ñu'u̱ ji'i̱ li'. La cui' jua'a̱ cuaana ngu' ji'i̱ cha' tso'o nu ntsu'u ji'i̱ ma̱, nguna' cha' bi' ji'i̱ ma̱ li'.
Piblisite