HEBREOS 13:16 - Chatino Tataltepec

¹⁶ La cui' jua'a̱ ná ca taja ti' ma̱ cua'ni ma̱ lcaa cha' tso'o, jua'a̱ xtyucua ma̱ ji'i̱ tya'a ñati̱ ma̱; bi' laca cña nu ndiya ti' Ni cha' cua'ni na cuentya ji'i̱ ycui' Ni.

HEBREOS 13:16 Referans Kwoze

2 TESALONICENSES 3:13

Cu'ma̱ ngu' tya'a na, ná ca taja ti' ma̱ cha' cua'ni ma̱ cha' tso'o lo'o ñati̱.

ROMANOS 12:13

Nu lo'o lyiji sca na ji'i̱ sca ngu' tya'a ngusñi ma̱ cha' ji'i̱ Cristo, nga'a̱ cha' tya'be cha' tso'o nu ntsu'u ji'i̱ ycui' ca ma̱, cha' ta ma̱ na ji'i̱ ngu' bi', na laca nu lyiji ji'i̱ ngu'. Lcaa tyempo ta ma̱ to' tyi ma̱ cha' tyi'i̱ ñati̱ nu lijya̱ ti.

GÁLATAS 6:10

Bi' cha' tso'o si lcaa quiya' lo'o ña'a̱ na ñi'ya̱ caca xtyucua na ji'i̱ cua ña'a̱ ca ñati̱, li' cua'ni clya na cha' xtyucua na ji'i̱ ngu' bi'. Clyo ndu'ni cha' xtyucua na ji'i̱ tya'a na, nu ngu' nu ntsu'u cha' ji'i̱ lo'o Cristo.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

1 TIMOTEO 6:18

Culo nu'u̱ cña ji'i̱ ngu' culiya' bi' ndi'ya̱: Xcui' cha' tso'o cua'ni ngu'; cua'ni tya'na ti' ngu' ji'i̱ xa' ñati̱, lo'o jua'a̱ tyi'u ti' ngu' ji'i̱ ngu' ti'i, cha' ta ngu' na nu lyiji ji'i̱ ngu' ti'i bi'.

FILIPENSES 4:18

Ndi'ya̱ xacui̱ na' cha' ji'i̱ ma̱ juani: Cua quiña'a̱ tsa na nda ma̱ 'na, bi' cha' cua nti' tsa na' tya na' tsa xlya'be ji'i̱ ma̱; nga'aa ntsu'u chaca na nu lyiji 'na tsiya' ti juani, tya lo'o ya̱a̱ yu Epafrodito, ya̱lo'o yu lcaa cha' tso'o nu cua nda ma̱ 'na. Ñi'ya̱ laca sca msta̱ nu ndiya tsa ti' ycui' Ndyosi ji'i̱, cha' tyixi tsa xtyi'i nda bi' nu ndacui lcua ti se'i̱, jua'a̱ laca cha' tso'o nu nda ma̱ 'na cuentya ji'i̱ ycui' Ndyosi.

EFESIOS 4:28

Cu'ma̱ nu nguaana ma̱ na nu ntsu'u ji'i̱ ñati̱ tya tsubi' la, nga'a̱ cha' xtyanu ma̱ cña bi' ji'i̱ ma̱, clyana ma̱ cña tso'o la nu cua'ni ycui' ma̱; tso'o la si cua'ni ma̱ cña lo'o ya' ycui' ma̱, cha' jua'a̱ caja xi ñi'ya̱ nu xtyucua ma̱ ji'i̱ tya'a ma̱ nu lyiji tsa ji'i̱.

1 TESALONICENSES 5:15

Si cua'ni xña'a̱ ñati̱ lo'o ma̱, ná chcui' ma̱ cha' ti'í ji'i̱ ngu' bi' li'; xtyucua ma̱ ji'i̱ ngu' tya'a ma̱ cha' talo ma̱ ji'i̱ ngu' xña'a̱, cha' xcui' tso'o ti cua'ni ma̱ lo'o lcaa ñati̱, masi lo'o tya'a ma̱, masi lo'o xa' ñati̱.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

3 JUAN 1:11

Cusu', ná tyatí̱ yu'u ma̱ lo'o cha' cuxi nu ntsu'u chalyuu, tso'o la si tyi'u ti' ma̱ ji'i̱ lcaa cha' nu tso'o ti. Lcaa ñati̱ nu xcui' clyana cha' tso'o nu cua'ni ngu' cha' xtyucua ngu' ji'i̱ xa' la tya'a ñati̱ ngu', cua ntsu'u cha' ji'i̱ ngu' bi' lo'o ycui' Ndyosi; lcaa ñati̱ nu xcui' clyana cha' cuxi cha' cua'ni ngu', bilya tyu'u cha' ji'i̱ ngu' bi' tsiya' ti lo'o ycui' Ndyosi.

GÁLATAS 6:6

Lcaa tya'a na nu ndyaca tsa'a̱ na cha' tso'o nu cua nda Cristo bi', ntsu'u cha' ta na xi cha' tso'o nu ntsu'u ji'na cha' caja cua ña'a̱ ca na nu tyiji̱ yu'u ji'i̱ mstru nu ngulu'u cha' tso'o bi' ji'na.

FILEMÓN 1:6

bi' cha' ndijña na' cha' clyu ti' ji'i̱ ycui' Ndyosi, cha' ca cuayá' tso'o ti' lcaa ngu' nu ndyuna cha' nu nchcui' nu'u̱ lo'o ngu' cuentya ji'i̱ Jesucristo, cha' lo'o ña'a̱ ngu' jinu'u̱, li' ca cuayá' tso'o ti' ngu' cha' xcui' tso'o tsa ndyu'ni Cristo lo'o na.

FILIPENSES 4:14

Masi jua'a̱, tso'o tsa nti' na' cha' cua nguxtyucua ma̱ 'na laja lo'o ndyacua cha' cuxi 'na ca nde.

LOS HECHOS 9:36

Cua ndi'i̱ sca nu cuna'a̱ nu naa Tabita nde quichi̱ Jope, jua'a̱ ñati̱ ji'i̱ Jesucristo laca ma' bi'. Dorcas nchcui' ngu' cha'cña ji'i̱ ngu' griego ji'i̱ ma'. Tso'o tsa tyiquee nu cuna'a̱ bi', tso'o tsa nxtyucua ma' ji'i̱ lcaa ngu' ti'i.