HEBREOS 13:10 - Chatino Tataltepec10 Xa' ña'a̱ cña ngua'ni Cristo lo'o ndyaa yu lo crusi, cha' ngua yu msta̱ cha' cati̱ qui'ya nu ntsu'u ji'na lo'o ycui' Ndyosi. Pana lcaa ñati̱ nu tya ndyi'u tsa ti' ji'i̱ msta̱ nu nsta sti jo'ó cuentya ji'i̱ ngu', ná caca tyi'i̱ tso'o tyiquee ngu' bi' lo'o Cristo. Gade chapit la |
Ná tyiquee' cua jlo ti' ma̱ ñi'ya̱ nu ndyaca ji'i̱ nu laca cña ne' laa tlyu ji'i̱ ngu' judío. ¿Ha si'i la cui' ti ne' laa bi' ndyiji na ndacu ngu' bi'? Ndyiji na cacu sti jo'ó ne' laa bi' nu tsa cu' ti nxñi msta̱ nu ndya'a̱ lo'o ngu' ne' laa, cha' taqui̱ lyiji ngu' ji'i̱ lo mesa ji'i̱ ycui' Ndyosi; sa yu'be ti msta̱ bi' caja ji'i̱ sti jo'ó bi' cha' cacu ngu'.
Pana nu xa' la sti jo'ó bi' ni, ñati̱ nu cajaa ti laca ngu' bi'; cua laca ti cña ndu'ni ngu'. Xqui'ya ngu' bi' nchca cuayá' ti' na cha' tso'o la tsiya' ti sti jo'ó laca Jesús, nu ntucua ca slo ycui' Ndyosi. Lo'o jua'a̱ nu chcua'ya late' nu ngüiñá jyo'o Moisés su ngua'ni tlyu jyo'o cusu' ji'na ji'i̱ ycui' Ndyosi nu ngua li', ndi'ya̱ nchcui' Ni lo'o nu cusu' bi' cuentya ji'i̱ chcua'ya bi': “Cui'ya nu'u̱ cuentya cha' cuiñá ma̱ ni'i̱ bi' ñi'ya̱ nu ngulu'u na' ji'i̱ ma̱ cha' cuiñá ma̱ ji'i̱, nu lo'o ngutu̱ nu'u̱ nchcui' nu'u̱ lo'o na' lo xlya ca'ya cua̱ bi'”, nacui̱ Ni. Pana sca na nu culiji yu'u ti ngua bi', tso'o la tsiya' ti su ntucua Ni nde cua̱.