HEBREOS 11:8 - Chatino Tataltepec

⁸ Jlya ti' jyo'o Abraham ji'i̱ ycui' Ndyosi, bi' cha' ngusñi yu cha' ji'i̱ Ni, nu lo'o nguane Ni ji'i̱ yu cha' tsaa yu sca loyuu tyijyu' tsa, su nacui̱ Ni ji'i̱ yu cha' cajua caca quichi̱ tyi yu. Ngutu'u yu loyuu su nguti'i̱ yu tya clyo, ndyaa yu li', masi ná jlo ti' yu macala su tsaa yu.

HEBREOS 11:8 Referans Kwoze

1 PEDRO 1:22

Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.

ROMANOS 10:16

Ná ndyuna tso'o lcaa ñati̱ cha' nu nda na lo'o ngu', nu lo'o ndacha' na ji'i̱ ngu' ñi'ya̱ cua'ni lyaá Ni ji'i̱ ñati̱. La cui' jua'a̱ ngua lo'o jyo'o Isaías cua sa'ni. “Ndyosi Xu'na ya, ná tucui ndu̱ tsiya' ti nu ngusñi cha' jinu'u̱ nu nchcui' ya lo'o ngu'”, nacui̱ jyo'o bi'.

1 PEDRO 4:17

Cua ndyalaa hora cha' xana cua'ni cuayá' Ni ji'i̱ lcaa ñati̱, pana clyo nguxana Ni lo'o ñati̱ nu ji'i̱ ycui' Ni; bi' cha' laca si ntsu'u xi cha' ti'í ji'na juani lo'o nguxana ca ti Ni ndyu'ni cuayá' Ni ji'i̱ ñati̱, caca cuayá' ti' na cha' tlyu la cha' caca lo'o chcube' ngu' cuxi nde loo la. Li' chcube' ñati̱ nu ná ntaja'a̱ taquiya' ji'i̱ cha' tso'o nu ji'i̱ ycui' Ndyosi.

HEBREOS 11:33

Jlya ti' lcaa ngu' bi' ji'i̱ ycui' Ndyosi, bi' cha' ngusu̱u̱ tya'a ngu' lo'o ñati̱ cuxi nde xa' chalyuu, ntiji̱loo ngu' ji'i̱ lcaa ñati̱ nu nguti'i̱ ca bi' li'; tso'o tsa cña ngua'ni ngu' bi', bi' cha' ngua'ni Ni cua ña'a̱ ca cha' nu nacui̱ Ni cha' cua'ni Ni cuentya ji'i̱ ngu' bi'. Ngua ji'i̱ ngu' bi' cua'a ji'i̱ cuichi tyaala cha' ná ndyacu ji'i̱ ngu';

ROMANOS 6:17

Tso'o tsa nti' na' cha' tyucui tyiquee ma̱ ndyu'ni ma̱ cña ji'i̱ ycui' Ndyosi, tsa ña'a̱ cha' nu ngulu'u ngu' ji'i̱ ma̱. Nu cha' cuxi, bi' laca nu ngua loo ji'i̱ ma̱; pana lo'o cua ngulaá ma̱ ji'i̱ nu cuxi bi', li' nguxana ma̱ ndu'ni ma̱ cña cha' caja chaca chalyuu su caca lubii cresiya ji'i̱ ma̱, cha' ycui' Ndyosi laca loo ji'i̱ ma̱ juani.

1 PEDRO 3:1

Lo'o jua'a̱ cu'ma̱ ngu' cuna'a̱ ni, ntsu'u cha' taquiya' ma̱ ji'i̱ cha' nu nchcui' clyo'o ma̱, cha' nu qui'yu laca loo ji'i̱ nu cuna'a̱, masi tya lyiji taquiya' nu qui'yu bi' ji'i̱ ycui' Ni. Pana lo'o ña'a̱ nu ngu' qui'yu clyo'o ma̱ lcaa cha' tso'o nu ndu'ni ma̱, li' xñi ngu' cha' ji'i̱ ycui' Ni, masi bilya chcui' ma̱ lo'o ngu' ji'i̱ cha' bi';

HEBREOS 5:9

Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.

2 CORINTIOS 10:5

Ntsu'u cha' tyiji̱loo na ji'i̱ lcaa cha' cuiñi nu nchcui' ngu' ji'i̱ Cristo; jua'a̱ ntsu'u cha' tyiji̱loo na ji'i̱ lcaa cha' cuxi nu tiji̱' tsa ti' ngu' ji'i̱, nu ndaca'a tsa ji'i̱ ngu' cha' ná xñi ngu' cha' ji'i̱ ycui' Ndyosi. Nu lo'o cua nguxtyanu ngu' ji'i̱ lcaa cha' cuxi bi', li' taca cua'ni na cha' taquiya' ngu' ji'i̱ cha' nu ntsu'u ji'i̱ Cristo.

ROMANOS 1:5

Tso'o tsa ngua'ni ycui' Ndyosi lo'o na' xqui'ya Jesucristo. Cua ngulo Ni cña jna' cha' tsa'a na' tyucui ña'a̱ chalyuu mala su ndi'i̱ ñati̱; chacuayá' ji'i̱ ycui' Ni tsa'a na' chcui' na' cha' tso'o ji'i̱ ycui' Ndyosi lo'o ñati̱. Nti' Ni cha' caja ñati̱ ji'i̱ ycui' Ni lcua ti se'i̱, ñati̱ nu xñi cha' ji'i̱ ycui' Ni, ñati̱ nu taquiya' ji'i̱ cha' nu nchcui' Ni.

SAN MATEO 2:21

Lo'o li' ndyatu̱ José, ndyaa lo'o ji'i̱ nu piti lo'o ji'i̱ xtya'a̱ nu piti, ñaa ngu' nde nasiyu̱ Israel chaca quiya'.