HEBREOS 11:5 - Chatino Tataltepec

⁵ Jlya ti' jyo'o Enoc ji'i̱ ycui' Ndyosi, bi' cha' ná ngujuii yu. Jua'a̱ ti ndyalo'o ycui' Ndyosi ji'i̱ yu ca slo ycui' Ni; ná nquije yu ji'i̱ ñati̱ li', xqui'ya cha' cua ya̱a̱ Ni ya̱qui'ya Ni ji'i̱ yu. Pana nchcui' quityi cha' cua ndiya ti' Ni ñi'ya̱ nu ngua'ni nu Enoc bi' laja lo'o nguti'i̱ yu chalyuu.

HEBREOS 11:5 Referans Kwoze

JUDAS 1:14

Cua sa'ni tsa nchcui' jyo'o Enoc ñi'ya̱ nu caca ji'i̱ ngu' cuiñi nu ndu'ni jua'a̱. Cua ndya'a ca'yu latya sñi' ste' jyo'o Adán, lo'o li' ngula nu Enoc nu ngua tu'ba ji'i̱ ycui' Ndyosi cha' chcui' Ni lo'o ñati̱ nu ngua sa'ni. Ndi'ya̱ nchcui' Enoc bi': “Cua na'a̱ na' ji'i̱ ycui' nu Xu'na na, cha' lijya̱ Ni lo'o tyu̱u̱ tsa tya'a mil xca̱ ji'i̱ ycui' Ni,

HEBREOS 11:6

Ni sca na, ná taca cua'ni na cha' caca tyaala' ti' tyiquee ycui' Ndyosi, si ná chañi cha' jlya ti' na ji'i̱ Ni. Si nti' na cha' jyacua na ji'i̱ Ni cha' chcui' na lo'o Ni, li' nga'a̱ cha' jlya ti' na cha' lu'ú ycui' Ndyosi; nga'a̱ cha' jlya ti' na cha' taca xtyucua Ni ji'na lo'o jña na sca cha' ji'i̱ Ni.

1 JUAN 3:22

nu lo'o jña na cha' ji'i̱ ycui' Ni, caja cua ña'a̱ ca cha' ji'na si taquiya' na ji'i̱ cña nu cua nda ycui' Ni ji'na, si cua'ni na cña nu ndiya la ti' ycui' Ni.

1 TESALONICENSES 2:4

Cua nda ycui' Ni cha' bi' lo'o ya cha' culu'u ya ji'i̱ ñati̱, bi' cha' liñi nchcui' ya lo'o ngu' nde lcaa quichi̱. Si'i ñati̱ chalyuu laca nu Xu'na na, ycui' Ndyosi laca nu Xu'na na; bi' cha' cuentya ji'i̱ ycui' Ni nclu'u ya cha' tso'o bi' ji'i̱ Ni ji'i̱ lcaa ma̱, cha' jlo ti' Ni lcaa cha' nu ntsu'u ne' cresiya ji'i̱ ya.

SAN LUCAS 3:37

Matusalén ngua naa sti Lamec bi'; Enoc ngua naa sti Matusalén bi'; Jared ngua naa sti Enoc bi'; Mahalaleel ngua naa sti Jared bi'; lo'o chaca nu naa Cainán ngua sti Mahalaleel bi';

SAN LUCAS 2:26

ngua'ni Ni cha' ca cuayá' ti' yu cha' ná cajaa chca yu ña'a̱ cuayá' tyalaa tsa̱ nu ña'a̱ yu ji'i̱ nu Cristo, nu ta ycui' Ndyosi ji'i̱ cha' ca̱a̱ nde chalyuu.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.