HEBREOS 11:23 - Chatino Tataltepec

²³ Jlya ti' sti xtya'a̱ jyo'o Moisés ji'i̱ ycui' Ndyosi, bi' cha' lo'o ngula sñi' ngu', ngusu'ba cuatsi' ngu' ji'i̱ yu ni'i̱ sna co', cha' na'a̱ ngu' cha' tso'o tsa ña'a̱ cubi' cuañi' bi'. Nga'aa ndyutsi̱i̱ ngu' bi' ji'i̱ rey xña'a̱, masi ná ndaquiya' ngu' ji'i̱ cña cuxi nu ngulo rey bi'.

HEBREOS 11:23 Referans Kwoze

HEBREOS 13:6

Bi' cha' ndi'ya̱ culacua ti' na cha' nguula ti' tyiquee na: Ycui' nu Xu'na na laca nu nxtyucua 'na. Ná ntsu'u cha' cutsi̱i̱ na' lacua, cha' ná caca cua'ni cuxi ñati̱ lo'o na'.

SAN MATEO 10:28

Ná cutsi̱i̱ ma̱ ji'i̱ ngu' nu cujuii ji'i̱ ma̱ nde chalyuu ti, cha' ná nchca ji'i̱ ngu' cujuii ngu' ji'i̱ cresiya ji'i̱ ma̱; tso'o la si cutsi̱i̱ ma̱ ji'i̱ ycui' Ndyosi nu cua'ni cuayá' ji'i̱ ma̱ nde loo la. Cutsi̱i̱ ma̱ ji'i̱ ycui' Ndyosi tu'ni, xqui'ya cha' cua'ni Ni cha' tye cha' ji'i̱ ma̱ tsiya' ti si tsaa ma̱ ca bilyaa.

LOS HECHOS 7:20

Tyempo bi' ngula jyo'o Moisés, lo'o jua'a̱ tso'o tsa ntsu'u tyiquee ycui' Ndyosi ña'a̱ ji'i̱ nu piti bi'. Sna co' ti nguti'i̱ yu lo'o xtya'a̱ yu lo'o sti yu, cha' nguxcati' xtya'a̱ yu ji'i̱ yu.