HEBREOS 10:4 - Chatino Tataltepec

⁴ ná nchca cati̱ qui'ya nu ntsu'u ji'i̱ ñati̱, masi nscui̱ sti jo'ó tañi toro, masi nscui̱ tañi chivo lo ngu'.

HEBREOS 10:4 Referans Kwoze

HEBREOS 10:11

Nu ngu' sti jo'ó ji'i̱ ngu' judío ni, lcaa tsa̱ ndu̱ ngu' bi' ndu'ni ngu' cña cha' sta ngu' la cui' tya'a msta̱ slo ycui' Ndyosi, masi tyu̱u̱ quiya' sca yija̱; ná ntsu'u su tye cha' sta ngu' msta̱ bi', jua'a̱ ni sca quiya' ná ngua cati̱ qui'ya nu ntsu'u ji'i̱ ñati̱ lo'o msta̱ bi'.

1 JUAN 3:5

Cua jlo ti' ma̱ cha' cua ya̱a̱ Jesucristo chalyuu cha' cuityi̱ Ni qui'ya nu ntsu'u ji'i̱ ñati̱; pana ycui' Cristo ni, ná ntsu'u qui'ya ji'i̱ yu tsiya' ti.

ROMANOS 11:27

lo'o li' cuityi̱ na' lcaa qui'ya nu ntsu'u ji'i̱ ngu' bi', nacui̱ ycui' Ndyosi. Li' tyu'u tucua cha' nu nguxquiñi na' lo'o ngu' bi' nu ngua sa'ni. Jua'a̱ nchcui' quityi.

HEBREOS 10:8

Lo quityi bi' ni, clyo nacui̱ Cristo cha' ná nti' ycui' Ndyosi msta̱; la cui' jua'a̱ nacui̱ Ni cha' ná ndiya ti' ycui' Ndyosi cha' xcui' ndya'a̱ lo'o ngu' ji'i̱ msta̱, masi msta̱ jua'a̱ ti, masi na'ni lu'ú nu caca msta̱ nu tyaqui̱ lo mesa quii' cha' cati̱ qui'ya nu ntsu'u ji'i̱ ngu' lo'o ycui' Ndyosi. Jua'a̱ nacui̱ Ni, pana cuentya ji'i̱ cha' cusu' ji'i̱ ngu' nga'a̱ cha' cua'ni ngu' bi' jua'a̱.

HEBREOS 9:9

Xqui'ya lcaa cha' bi' tso'o la ca cuayá' ti' na cha' nu ndyaca juani; ná caja ñi'ya̱ nu ca tso'o cresiya ji'na cuentya ji'i̱ ycui' Ndyosi laja lo'o ndyu'ni tlyu ti na ji'i̱ Ni ñi'ya̱ nu ngua'ni ngu' bi', masi quiña'a̱ tsa msta̱ ta na ji'i̱ Ni, masi taqui̱ tsa na na'ni lo mesa cha' cati̱ qui'ya nu ntsu'u ji'na.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

SAN MARCOS 12:33

Lo'o jua'a̱ tyucui tyiquee na nga'a̱ cha' tyu'u cha' ji'na lo'o ycui' Ndyosi, jua'a̱ lo'o lcaa cha' nu nda'ya hique na, jua'a̱ lo'o tyucui juersa ji'na tyu'u cha' ji'na lo'o Ni; ndu'ni tsa cha' cua'ni na jua'a̱. Lo'o jua'a̱ cha' cua'ni tya'na ti' na ji'i̱ tya'a ñati̱ na, ñi'ya̱ nu tya'na ti' na ña'a̱ na ji'i̱ ycui' ca na, tso'o tsa cha' bi'. Nu lo'o cua'ni na cña jua'a̱, quiña'a̱ tsa cha' tso'o ndyu'ni na li'. Xtyi la cha' ndulo ji'na cha' tsaa lo'o na msta̱ nu caca ji'i̱ ycui' Ndyosi, masi msta̱ ndyaqui̱, masi na'ni lu'ú nu cujuii na ca ne' laa cha' caca msta̱.

HEBREOS 10:1

Nu lo'o nduna na xcui' cha' cusu' nu nda jyo'o Moisés lo'o jyo'o cusu' ji'na, ná nchca ca cuayá' ti' na ñi'ya̱ tyacua cha' tso'o ji'na nde loo la xqui'ya Jesús, cha' ná nchcui' cha' cusu' bi' ji'na ñi'ya̱ caca lcaa cha' bi'; xti tsa cha' ndacha' cha' cusu' bi' ji'na, ñi'ya̱ nti' sca cuityi nu sta cuayá' ti ñi'ya̱ caca sca cña lo yuu. Nu ngu' judío tya'a na, lcaa yija̱ ndu'ni ngu' la cui' ca ti cha'; lcaa yija̱ ndya'a̱ lo'o ngu' ji'i̱ la cui' ca msta̱ cha' cati̱ qui'ya nu ntsu'u ji'i̱ ngu' lo'o ycui' Ndyosi chaca quiya', xqui'ya cha' ná ntsu'u su tye cña tacati nu ndyu'ni ngu', cha' ná nchca cua'ni lubii msta̱ nu ndya'a̱ lo'o ngu' ne' laa ji'i̱ cresiya ji'i̱ ñati̱ bi' cuentya ji'i̱ ycui' Ndyosi.