HEBREOS 1:12 - Chatino Tataltepec

¹² Xco'o nu'u̱ cha' bi', ñi'ya̱ laca lo'o nchco'o na sca late' nu nga'aa cua'nijo'o ji'na; nchcutsa'a̱ na ji'i̱ cha' caja xa' nu cucui. Pana ña'a̱ ti tya ndi'i̱ ycui' nu'u̱; ná ntsu'u cha' casu' nu'u̱ tsiya' ti, nacui̱ ycui' Ndyosi ji'i̱ Jesús Sñi' ycui' ca Ni.

HEBREOS 1:12 Referans Kwoze

HEBREOS 13:8

Ná ncha'a̱ Jesucristo: ñi'ya̱ ngua Ni tyempo sa'ni, la cui' jua'a̱ laca Ni juani, lo'o la cui' jua'a̱ caca Ni tyempo nde loo la.

SANTIAGO 1:17

Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.