GÁLATAS 6:3 - Chatino Tataltepec

³ Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni.

GÁLATAS 6:3 Referans Kwoze

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

1 CORINTIOS 8:2

Nu lo'o ndu'ni na lo'o ngu' cha' cua jlo ti' na sca cha', cha' cua laca ngua tsa'a̱ na sca cha', cha' tyixi nda na lo'o ngu' li'. Laca bi' ñi'ya̱ si ná jlo ti' na tsiya' ti, si bilya ca tsa'a̱ na tso'o ti sca cha' nu nga'a̱ tsa cha' ca tsa'a̱ na.

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

2 CORINTIOS 3:5

Cuentya ji'na, ná nchca ji'na cua'ni na cña ji'i̱ ycui' Ndyosi tsiya' ti; pana ycui' Ni ndu'ni Ni lo'o na cha' taca ji'na cua'ni na lcaa lo cña ji'i̱ Ni nu ndyu'ni na.

1 CORINTIOS 13:2

Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

ROMANOS 12:16

Sca ti cha' chcui' ma̱ lo'o lcaa ngu' tya'a ntsu'u cha' ji'i̱ ma̱ lo'o Jesucristo; ná cua'ni tyucuaa ti' ma̱ lo'o ngu' ti'i tya'a ma̱, tso'o ti chcui' ma̱ lo'o ngu' bi'. Stu'ba ti tya'a̱ ma̱ lo'o ngu' bi', ná culacua ti' ma̱ cha' nchca la ji'i̱ ycui' ca ma̱.

SAN LUCAS 18:11

Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.

SANTIAGO 1:22

Tsa bi' ti cha', nga'a̱ cha' taquiya' na lcaa cha' nu nclyu'u Ni ji'na, si'i na cua'a̱ jyaca̱ ti na ji'i̱ cha' bi'; na cñilo'o ti na ji'i̱ ycui' ca na, si xcui' na cua'a̱ jyaca̱ ti na ji'i̱ cha' bi', lo'o ná ndaquiya' na cha' bi'.

SANTIAGO 1:26

Ná tyiquee' ntsu'u xi ngu' tya'a ma̱ nu nti' cha' tacati tsa ndu'ni ycui' ca ngu'. Pana laja ti ndu'ni ngu' cha' tacati ngu', si ná ndube ti' ngu' ñi'ya̱ nchcui' ngu' lo'o ñati̱; na ñilo'o ngu' ji'i̱ ycui' ca ngu' cha' tacati ngu' li'.

2 TIMOTEO 3:13

Pana ngu' nu ndu'ni cha' cuxi ni, cua nscua cha' tya cuxi la cua'ni ngu' bi'; ngu' cuiñi ni, cua nscua cha' tya cuiñi la cua'ni ngu', jua'a̱ ña'a̱ ti tya jlya la ti' ycui' ca ngu' cha' cuiñi li'.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

GÁLATAS 2:6

Ná ndube ti' na' masi nacui̱ ngu' cha' tlyu tsa ñati̱ laca nu ngu' nu laca loo ji'na bi'; jlo ti' na' cha' sca ti cuayá' laca lcaa na cuentya ji'i̱ ycui' Ndyosi. Pana masi loo laca ngu' bi', ná ngulo ngu' bi' cña jna' cha' culu'u na' xa' la cha' ji'i̱ cu'ma̱ ngu' xa' tsu'.

LOS HECHOS 5:36

Ntsu'u ti' na cha' tya tsubi' la ngulaa sca nu qui'yu nu tyaala tsa, nu naa Teudas; nguti'i̱ yu xi loyuu re. Jlya tsa ti' ngu' cha' nu nchcui' yu bi', cha' nacui̱ yu cha' ñati̱ tlyu ngua yu. Li' ndya'a̱ jacua siyento tya'a ñati̱ lo'o yu; pana nu lo'o ndyujuii ñati̱ ji'i̱ yu, li' ngusna lyiji nu ñati̱ tya'a ndya'a̱ yu li'. Ndye cha' ji'i̱ yu jua'a̱ ti li'.

GÁLATAS 2:9

Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.