GÁLATAS 6:2 - Chatino Tataltepec

² Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

GÁLATAS 6:2 Referans Kwoze

ROMANOS 15:1

Lcaa na nu nguula ti' tyiquee na xqui'ya cha' ngusñi na cha' ji'i̱ Cristo, ntsu'u cha' talo tyiquee na ji'i̱ tya'a ngusñi na cha' ji'i̱ Cristo nu tya lyiji xñi tso'o cha' bi'; ntsu'u cha' xtyucua na ji'i̱ ngu'. Si'i xcui' cña ji'i̱ ycui' ca na nu nga'a̱ cha' tyu'u tyiquee na ji'i̱;

1 TESALONICENSES 5:14

Cu'ma̱ tya'a ngusñi na cha' ji'i̱ Jesús, ndi'ya̱ chcui' ya lo'o ma̱: Culo ma̱ cña ji'i̱ ngu' tya'a ma̱ nu ná nti' cua'ni cña, nu xcui' na taja ti nti' ngu'; cua'ni ma̱ cha' caca tlyu la tyiquee ngu' tya'a ma̱ nu xñi'i̱ ti ti', cha' xñi tso'o la ngu' cha' ji'i̱ Jesús; xtyucua ma̱ ji'i̱ ngu' tya'a ma̱ nu ná ndyiji juersa ji'i̱ cha' xu̱u̱ tya'a ngu' lo'o nu cuxi, jua'a̱ talo tyiquee ma̱ ji'i̱ cua ña'a̱ ca ngu' tya'a ma̱.

SAN JUAN 13:34

Nde chcui' na' sca cña cucui lo'o ma̱ cha' cua'ni ma̱: Nga'a̱ cha' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱; ñi'ya̱ ntsu'u tsa tyiquee na' ña'a̱ na' ji'i̱ ma̱, la cui' jua'a̱ nga'a̱ cha' tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

1 JUAN 4:21

Cua ngulo Ni cña bi' ji'na ndi'ya̱: Tso'o ti tyu'u tyiquee ma̱ ña'a̱ ma̱ ji'i̱ ycui' Ndyosi, lo'o jua'a̱ xcui' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

SANTIAGO 2:8

Tso'o tsa si chañi cha' ndaquiya' ma̱ cha' cusu' nu nscua tya clyo la; ndi'ya̱ nchcui' cha' bi': “Ntsu'u cha' cua'ni tya'na ti' na ji'i̱ tya'a ñati̱ na, ñi'ya̱ laca si ndu'ni tya'na ti' na ji'i̱ ycui' ca na”, nacui̱ quityi.

SAN JUAN 15:12

Nde laca cña nu ta na' ji'i̱ ma̱ ―nacui̱ Jesús―, cha' tso'o ti caca tyiquee ma̱ ña'a̱ ma̱ ji'i̱ tya'a ñati̱ ma̱, ñi'ya̱ ntsu'u tyiquee na' ña'a̱a̱ ji'i̱ ma̱.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

SAN MATEO 8:17

Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.

GÁLATAS 6:5

Nga'a̱ cha' talo na ji'i̱ cña ji'na, lcaa cha' nu ndyacua ji'na chalyuu.

1 CORINTIOS 9:21

Ngu' xa' tsu' ni, ná nga'a̱ cha' taquiya' ngu' ji'i̱ cha' nu laca ji'i̱ ngu' judío. Bi' cha' ñi'ya̱ si laca na' ñati̱ tya'a ngu', jua'a̱ ndi'i̱ na' lo'o ngu' xa' tsu' li', cha' tso'o la xñi ngu' bi' cha' ji'i̱ Cristo. Laja li' ndaquiya' na' lcaa cha' nu nda ycui' Ndyosi Sti na lo'o na, cha' jua'a̱ nga'a̱ cha' caca si taquiya' na ji'i̱ Cristo.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

SAN LUCAS 11:46

Nguxacui̱ Jesús cha' ji'i̱ yu bi' li': ―Lo'o cu'ma̱ ngu' mstru cha' jo'ó, tya'na tsa cu'ma̱. Ti'i̱ tsa cña nu nda ma̱ cha' cua'ni ñati̱, ña'a̱ cuayá' ná nchca ji'i̱ ngu' tsiya' ti cua'ni ngu' cña bi'. Lo'o cu'ma̱ ni, ná nda ma̱ xi ya' ma̱ ji'i̱ ngu' cha' xtyucua ma̱ ji'i̱ ngu'; ni sca tsu' ya' ma̱, ná xtyucua ma̱ ji'i̱ ngu'.

SANTIAGO 1:25

Xtyucua ycui' Ndyosi ji'i̱ cua ña'a̱ ca ñati̱ nu chañi cha' cua'a̱ jyaca̱ ji'i̱ cha' tso'o nu nda Ni cha' tyanu ne' cresiya ji'na; bi' laca cha' nu xtyucua ji'na cha' taca tyi'i̱ tyiquee na tso'o ti. Si tso'o ti cua'ni na nde chalyuu, si cua'ni na lcaa cña nu nclyu'u ycui' Ndyosi ji'na lcaa tsa̱ lo'o tyi'i̱ na chalyuu, tso'o tsa caca ji'na li'. Si'i na nduna ti na cha' bi', lo'o li' xtyanu na ji'i̱.

SANTIAGO 2:12

Cua nda Jesús sca cha' tso'o cha' tyanu ne' cresiya ji'na, cha' xtyucua ji'na cha' taca tyi'i̱ tyiquee na tso'o ti. Nga'a̱ cha' chcui' tso'o na, jua'a̱ ntsu'u cha' cua'ni na cha' tso'o lo'o ndi'i̱ na chalyuu, cha' cua tyalaa ti tsa̱ nu lo'o cua'ni cuayá' Ni ji'i̱ lcaa ñati̱ chalyuu.

2 PEDRO 2:21

Tso'o la si ná ngua tsa'a̱ ngu' tsiya' ti ji'i̱ tyucui̱i̱ liñi su tsaa na ca slo ycui' Ndyosi; ná tso'o si ngua cuayá' ti' ngu', lo'o li' nguxtyanu ngu' tyucui̱i̱ liñi su tsaa na ca slo Ni. Nga'aa ndaquiya' ngu' bi' ji'i̱ cha' nu cua nda Cristo lo'o na li'.

2 PEDRO 3:2

Ntsu'u cha' tyi'u ti' ma̱ cha' nu cua nchcui' ngu' nu ngua tu'ba ji'i̱ ycui' Ndyosi cua sa'ni la; tso'o si tyi'u ti' ma̱ cha' bi' lu'ba ti, lo'o jua'a̱ ji'i̱ cha' nu cua nchcui' ycui' nu Xu'na na nu ngua'ni lyaá ji'na. Cua ngusubi ycui' nu Xu'na na ji'i̱ ya cha' culu'u ya cha' ji'i̱ ycui' Ni ji'i̱ cu'ma̱, bi' cha' tso'o si taquiya' ma̱ ji'i̱ lcaa cha' nu cua ndyuna ma̱ lo'o ngulu'u ya ji'i̱ ma̱.