Biblia Todo Logo
Bib sou entènèt

- Piblisite -




GÁLATAS 6:13 - Chatino Tataltepec

13 Lo'o ycui' ngu' nu cua ngulacua̱ ngu' jua'a̱ ni, ná ndaquiya' ngu' ji'i̱ lcaa ca cña nu nscua lo cha' cusu' cha' cua'ni na bi'. Tsa bi' ti cha' nti' ngu', cha' caja ñi'ya̱ nu chcui' ngu' cha' tyixi lo'o tya'a ngu': Cua ngulacua̱ ngu' jua xqui'ya ycui' ya, ñacui̱ ngu' ji'i̱ tya'a ngu' li'.

Gade chapit la Kopi




GÁLATAS 6:13
11 Referans Kwoze  

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.


Si'i cha' tso'o ndu'ni ma̱ cha' ndu'ni tyucuaa ti' ma̱ ji'i̱ tya'a ma̱. ¿Ha ná jlo ti' ma̱ ñi'ya̱ ndu'ni scua̱ tiye'? Masi xti ti scua̱ tiye' tyu'u ji'i̱ catyá xlyá, cua'ni bi' cha' tyacui̱ quiña'a̱ scua̱ li'.


Nchcui' nu ngu' cuiñi bi' lo'o xa' la ngu' cha' ná ntsu'u cha' taquiya' ngu' ji'i̱ lcua ti cña nu culo ycui' Ndyosi ji'i̱ ngu', cha' cua ngulaá ngu' ji'i̱ cha' bi', nacui̱ ngu' cuiñi bi'; pana bilya ca cuayá' ti' nu ngu' cuiñi bi', cha' ycui' ca ngu' laca ngu' msu ji'i̱ lcaa cha' cuxi nu ndu'ni ngu'. Cua ña'a̱ ca ñati̱ nu ta chacuayá' ji'i̱ nu cuxi cha' tyiji̱loo ji'i̱, la cui' hora bi' laca nu cuxi xu'na ñati̱ bi' li'.


Pana ná ndube ti' na', chcui' na' xi juani, cha' ntsu'u tsa ngu' nu jua'a̱ nchcui' tsa ngu' cha' caca chi̱ la loo ycui' ca ngu', nti' ngu'; bi' cha' lo'o na' ntsu'u chacuayá' chcui' na' xi, nti' na'.


’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tyijyu' tsa ndya'a̱ ma̱, masi tyucui̱i̱ nde lo yuu ti, masi tyucui̱i̱ nteje tacui ma̱ tyujo'o ndya'a̱ ma̱, cha' clyana ma̱ ji'i̱ ñati̱, masi sca ti ñati̱ nu tyaja'a̱ xtyanu ji'i̱ nu xa' la jo'ó nu ndu'ni tlyu yu ji'i̱, cha' xñi yu cha' nu culu'u cu'ma̱ ji'i̱ yu. Li' culu'u ma̱ ji'i̱ yu cha' caca yu sñi' cuiñaja nu tlyu la que cu'ma̱, cu'ma̱ nu ntsu'u cha' tsaa ma̱ ca bilyaa.


Bi' cha' tso'o cua'a̱ jyaca̱ ma̱ ji'i̱ cha' nu nclu'u ngu' bi' ji'i̱ ma̱, tso'o taquiya' ma̱ ji'i̱ cha' nu nclu'u ngu' bi'; pana ná cua'ni ma̱ ñi'ya̱ nu ndu'ni ti ngu' bi'. Tso'o ti nclu'u ngu' cha' jo'ó bi', pana ná ndaquiya' ycui' ca ngu' cha' bi'.


Bi' cha' nga'aa cua'ni tyixi ma̱ lo'o tya'a ma̱, nga'aa tyu'u lca'a̱ tsa ma̱ ji'i̱ sca ti ñati̱ tya'a ya. Cuentya ji'i̱ cu'ma̱ laca cua ña'a̱ ca tya'a ndyu'ni ya cña,


’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tacati tsa ndu'ni ma̱ lo'o ycui' Ndyosi lo'o lcaa na xca ti nu ntsu'u ji'i̱ ma̱; si ntsu'u tii tya'a laca' tyunu' xlya ji'i̱ ma̱ ni, masi si'yu hañi, masi si'yu comino, hora ti nda ma̱ tsaca ji'i̱ ycui' Ndyosi li', masi ná ndaquiya' ma̱ ji'i̱ cha' nu ngulu'u Ni, nu ndulo la cha' ji'i̱. Cua nacui̱ ycui' Ndyosi cha' liñi ti cua'ni cuayá' ma̱ ji'i̱ ñati̱, lo'o jua'a̱ nacui̱ Ni cha' cua'ni tya'na ti' ma̱ ji'i̱ ñati̱, cha' jlya tso'o ti' ma̱ ji'i̱ ycui' Ni; pana ná nduna ma̱ cha' bi'. Ntsu'u cha' taquiya' ma̱ ji'i̱ cha' nu ndulo la bi', masi tya cua'ni ma̱ cha' tso'o ñi'ya̱ nu ndyu'ni ti ma̱ nu lo'o nda ma̱ msta̱ sube ti bi'.


Ne' tyaca' cucui tyu'ú lcui lo'o chca ndyu'u ti.


Swiv nou:

Piblisite


Piblisite