GÁLATAS 6:1 - Chatino Tataltepec

¹ Cu'ma̱ ngu' tya'a na, ndi'ya̱ nga'a̱ cha' cua'ni ma̱ lo'o ña'a̱ ma̱ cha' ngua cuxi cresiya ji'i̱ sca ngu' tya'a ngusñi ma̱ cha' ji'i̱ ycui' Ndyosi, xqui'ya cha' ngua'ni yu sca cha' cuxi: nga'a̱ cha' xtyucua ma̱ xi ji'i̱ yu bi', cha' cati̱ qui'ya nu ntsu'u ji'i̱ yu, cha' tucuá yu cña ji'i̱ Cristo chaca quiya', cha' tya'a ntsu'u cha' ji'i̱ ma̱ lo'o Xtyi'i ycui' Ndyosi laca yu. Tsa tso'o ti chcui' ma̱ lo'o yu bi'. Lo'o jua'a̱ tii ti ti' ma̱ tyi'i̱ ycui' ca ma̱ cha' ná cua'ni ma̱ la cui' cha' cuxi ñi'ya̱ nu ngua'ni yu bi'.

GÁLATAS 6:1 Referans Kwoze

ROMANOS 15:1

Lcaa na nu nguula ti' tyiquee na xqui'ya cha' ngusñi na cha' ji'i̱ Cristo, ntsu'u cha' talo tyiquee na ji'i̱ tya'a ngusñi na cha' ji'i̱ Cristo nu tya lyiji xñi tso'o cha' bi'; ntsu'u cha' xtyucua na ji'i̱ ngu'. Si'i xcui' cña ji'i̱ ycui' ca na nu nga'a̱ cha' tyu'u tyiquee na ji'i̱;

2 TESALONICENSES 3:15

Pana si'i tya'a cusu̱u̱ ma̱ laca ngu' bi', tya'a ma̱ laca ngu'; bi' cha' ntsu'u cha' ta ma̱ sca cui̱i̱ lo'o ngu', ñi'ya̱ laca lo'o nchcui' ma̱ lo'o sca ngu' tya'a ma̱.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

1 JUAN 5:16

Lo'o ña'a̱ na ji'i̱ sca ñati̱ tya'a ngusñi na cha' ji'i̱ Jesucristo cha' ndyu'ni yu sca cha' cuxi, pana nda na cuentya cha' ná nscua cha' chcuna' chalyuu ji'i̱ yu xqui'ya cha' cuxi bi', li' tso'o la si jña na cha' clyu ti' ji'i̱ ycui' Ndyosi cuentya ji'i̱ yu tya'a na bi', cha' ná ta Ni chacuayá' cha' chcuna' chalyuu ji'i̱ yu tya'a na bi'. Pana ntsu'u qui'ya tlyu nu ná taca cua'ni clyu ti' ycui' Ndyosi ji'i̱; ná ñacui̱ na' cha' jña na cha' clyu ti' ji'i̱ Ni li', si jua'a̱ ntsu'u qui'ya ji'i̱ ngu'.

2 CORINTIOS 2:7

Bi' cha' juani cui'ya cu'ma̱ cha' clyu ti' ji'i̱ yu bi', xaala' ma̱ cresiya ji'i̱ ma̱ lo'o yu, cha' ná chcuna' chalyuu ji'i̱ yu bi' xqui'ya cha' xñi'i̱ tsa ti' yu.

HEBREOS 12:13

Clyana la ma̱ tyucui̱i̱ liñi su tsaa ma̱, cha' ná quiñu'u̱ la tyucui̱i̱ ji'i̱ xa' la ñati̱ tya'a ma̱ nu siya' la tyiquee ngu'; cua'ni ma̱ cha' tyatí̱ la ti' tyiquee ñati̱ bi', cha' si'i na caca ñu'u̱ la ti' ngu'.

1 PEDRO 3:15

Tyucui tyiquee ma̱ cua'ni tlyu ma̱ ji'i̱ Cristo, cha' chañi cha' laca Ni nu Xu'na na. Lo'o jua'a̱ culacua xi ti' ma̱ ñi'ya̱ caca xacui̱ ma̱ cha' ji'i̱ ngu' lo'o xcuane ngu' ji'i̱ ma̱ ndi'ya̱: ¿Ni cha' laca ndu̱ ti' ma̱ ji'i̱ nu Cristo bi'? Tso'o ti xacui̱ ma̱ cha' ji'i̱ ngu' bi', ná cua'ni tyixi ma̱ lo'o ngu' bi'.

ROMANOS 14:1

Tso'o ti chcui' ma̱ lo'o sca ñati̱ tya'a ngusñi na cha' ji'i̱ Jesús, masi tya lyiji ca cuayá' tso'o ti' cha' bi'; ná xu̱u̱ tya'a ma̱ lo'o nu ñati̱ bi' xqui'ya sca cha' nu ná nchca cuayá' tso'o ti'.

1 CORINTIOS 10:12

bi' cha' tso'o si cube ti' ma̱ cha' ná tyu'utsu' ma̱ ji'i̱ tyucui̱i̱ nu liñi ca, si nti' ma̱ cha' tso'o ti tyi'i̱ cresiya ji'i̱ ma̱, cha' ná tyacua sca cha' cuxi ji'i̱ ma̱ tsiya' ti.

1 CORINTIOS 4:21

Cua jlo ti' na' cha' tso'o la caca ji'i̱ ma̱ si tso'o ti tyu'u tyiquee na' ña'a̱ na' ji'i̱ ma̱ lo'o tyalaa na' ca slo ma̱; tso'o la si tso'o ti chcui' na' lo'o cu'ma̱ li'. Ná tso'o ca ti' ma̱ si ta na' cha' cusu̱u̱ lo'o ma̱ li'.

SANTIAGO 3:2

Chañi laca cha' ntsu'u quiya' lcaa na ndyu'u tsaa tu'ba na lo'o nchcui' na lo'o tya'a ñati̱ na; ná ntsu'u ni sca ñati̱ nu bilya tyu'u tsaa tu'ba tsiya' ti, nu lo'o nchcui' ngu' lo'o tya'a ñati̱ ngu'. Si ntsu'u ñati̱ nu nchca ji'i̱ cua'a ji'i̱ cha' nu nchcui' ycui' ca ngu', ñati̱ nu tyucui tyiquee tsiya' ti laca ngu' bi'. Ná tyiquee' taca cua'a ngu' bi' ji'i̱ ña'a̱ tsaca ngu', si jua'a̱; pana tucui tsa laca cha' cua'a na ji'i̱ ycui' ca na, cha' ná chcui' na cha' cuxi.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

SAN MATEO 9:13

Yaa clya ma̱ cua'a̱ jyaca̱ ma̱ ji'i̱ cha' nu nguscua jyo'o cusu' lo quityi, nu ndi'ya̱ nchcui': “Nti' na' cha' cua'ni tya'na ti' ma̱ ji'i̱ tya'a ñati̱ ma̱, nacui̱ ycui' Ni. Bi' nu tso'o la, masi ná ta ma̱ quiña'a̱ tsa msta̱ 'na; ni na'ni scu̱' ma̱, ná ndu'ni cha' ta ma̱ msta̱ 'na.” Jua'a̱ nscua lo quityi. Ná lijya̱ na' chalyuu cha' chcui' na' lo'o ñati̱ nu tso'o tsa ycui' ngu', nti' ngu'; cua lijya̱ na' chalyuu cha' chcui' na' lo'o ngu' nu jlo ti' cha' ntsu'u cha' cuxi tyiquee ngu', cha' caca tyuju'u ti' ngu' li'. Xtyanu ngu' ji'i̱ cha' cuxi bi' li'.

1 CORINTIOS 14:37

¿Ha ntsu'u chacuayá' ji'i̱ ma̱ cha' chcui' ma̱ cha' nu cua nda ycui' Ndyosi lo'o ngu' nti' ma̱? ¿Ha ji'i̱ cu'ma̱ ti cua nda Ni Xtyi'i ycui' Ni cha' cua'ni ma̱ cña ji'i̱ Ni? Cua'a̱ jyaca̱ ma̱ lacua; cña nu nclyo na' ji'i̱ ma̱ lo'o nscua na' quityi re, chacuayá' ji'i̱ ycui' Ndyosi laca cña bi',

1 CORINTIOS 7:5

Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.

1 CORINTIOS 2:15

Taca ca cuayá' ti' na ñi'ya̱ ndyu'u lcaa cha' si cua ntsu'u Xtyi'i ycui' Ndyosi ne' cresiya ji'na, lo'o li' ná taca xacui̱ ngu' xi xa' la cha' ji'na.

ROMANOS 8:6

Chcuna' chalyuu ji'na, si xcui' cua'ni na cha' cuxi nu ntsu'u nde chalyuu ti; pana caja chalyuu cucui ji'na cha' ti̱ ti tyi'i̱ tyiquee na, si taquiya' na ji'i̱ lcaa cha' nu nchcui' ycui' Ndyosi.

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SANTIAGO 3:13

Nu lo'o nti' ma̱ cha' tso'o tsa nchca ji'i̱ ma̱ nchcui' ma̱, cha' tso'o tsa nduna ma̱ scaa cha' nu nda ñati̱ lo'o ma̱, li' xcui' cha' tso'o ti cua'ni ma̱ laja lo'o ndi'i̱ ma̱ chalyuu, cha' taca cui'ya xa' la ñati̱ cuentya ji'i̱ ma̱ cha' ñati̱ tso'o laca ma̱. Ná quiña'a̱ cha' tyu'u tyiquee ma̱ ña'a̱ ma̱ ji'i̱ ngu', pana tso'o ti chcui' ma̱ lo'o ngu'.

HEBREOS 13:3

Culacua ti' ma̱ ñi'ya̱ caca xtyucua ma̱ ji'i̱ ngu' tya'a ngusñi na cha' ji'i̱ ycui' Ndyosi, nu lo'o cua ngusu'ba ngu' ji'i̱ tya'a na bi' ne' chcua̱. Lo'o jua'a̱ xtyucua ma̱ ji'i̱ ngu' tya'a na nu quicha ti', xqui'ya cha' lya' ti' ngu' ji'i̱ ngu' bi'. Tyi'u ti' ma̱ cha' xtyucua ma̱ ji'i̱ ngu' bi', ñi'ya̱ si ycui' ca ma̱ nchcube' ma̱ lo'o ngu'.

GÁLATAS 5:23

jua'a̱ ndu'ni Xtyi'i ycui' Ndyosi lo'o na cha' ná quiña'a̱ cha' ntsu'u tyiquee na cuentya ji'i̱ ycui' ca na, ndu'ni Ni cha' taca ji'na cua'a na ji'i̱ ycui' ca na li'. Nga'aa ntsu'u cha' sta ycui' Ndyosi qui'ya ji'na, si cua'ni na jua'a̱.

1 CORINTIOS 3:1

Cu'ma tya'a ngusñi na cha' ji'i̱ ycui' Ndyosi, tyucui tyempo lo'o nguti'i̱ na' ca slo ma̱ nu ngua tya li', ná ngua 'na chcui' na' lcaa cha' nu ngua ti' na' chcui̱' lo'o ma̱, cha' bilya xñi tso'o ma̱ cha' ji'i̱ Xtyi'i ycui' Ndyosi nu nda Ni ji'na. Xti ti cha' nchcui' na' lo'o ma̱ li', cha' ña'a̱ ti cuxi ti ngulacua ti' ma̱. Ñi'ya̱ laca nu sube cuañi', jua'a̱ ngua cu'ma̱, cha' bilya xñi tso'o ma̱ cha' ji'i̱ ycui' Ndyosi;

SAN MATEO 26:75

Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.

SAN MATEO 26:69

Lo'o nu Pedro bi' ni, nde liya' ti nga'a̱ yu bi'. Li' ñaa sca nu cuna'a̱ cua' slo yu. ―Lo'o nu'u̱ ndya'a̱ stu'ba ti lo'o Jesús nu ngu' Galilea jua ―nacui̱ nu cuna'a̱ bi' ji'i̱ Pedro.

GÁLATAS 6:18

Cu'ma̱ tya'a ngusñi na cha' ji'i̱ ycui' Ndyosi, lcaa hora tyi'u ti' ma̱ ji'i̱ ycui' Jesucristo nu Xu'na na, cha' xcui' tso'o ti ndu'ni Ni lo'o ma̱. Lo'o jua'a̱ chañi tsa cha' caca cha' bi'.

1 TESALONICENSES 4:1

Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.

2 CORINTIOS 2:8

Ndijña ya cha' clyu ti' ji'i̱ ma̱ juani cha' xtyucua ma̱ xi ji'i̱ yu bi', cha' ca cuayá' ti' yu cha' ña'a̱ ti tya ntsu'u tyiquee ma̱ ña'a̱ ma̱ ji'i̱ yu.