GÁLATAS 5:26 - Chatino Tataltepec26 La cui' ti ná tso'o si chcui' tyucuaa ti' na lo'o ñati̱, cha' jua'a̱ caja quiña'a̱ tsa cha' cusu̱u̱ ji'na lo'o tya'a ñati̱ na li', cha' tyixi tyiquee na. Lo'o jua'a̱ ná tso'o si ña'a̱ ti'í na ji'i̱ tya'a na. Gade chapit la |
Si'i xcui' na clyana ma̱ su tso'o tyaca'a̱ ma̱ lacua. Nu lo'o tsaa ma̱ sca ta'a, yaa ma̱ tyucua ma̱ sca la'a ti su taca tyucua cua ña'a̱ ca ñati̱. Lo'o li' ca̱a̱ nu laca loo ji'i̱ ta'a cha' chcui' yu lo'o ma̱: “Cusu'”, ñacui̱ yu ji'i̱ ma̱, “cua̱a̱ nu'u̱ cha' tyucua xi ca su tso'o la re”. Jua'a̱ caca chi̱ la loo ycui' cu'ma̱ laja ñati̱ quiña'a̱ nu ntucua to' mesa li'.
Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.
Cu'ma̱ ngu' Filipos, cua jlo ti' ma̱ ñi'ya̱ ngua lo'o ngutu'u na' nde loyuu su cuentya Macedonia, ndya'a̱ na' nchcui' na' cha' ji'i̱ Jesús lo'o ngu' bi'; li' sca ti taju cu'ma̱ nu ndyu'ni tlyu ma̱ ji'i̱ ycui' Ndyosi ca jua, cua ndya ma̱ msta̱ cha' caca sca xlya'be 'na, xqui'ya cha' tso'o tsa ngua tsa'a̱ ma̱ cha' ji'i̱ Jesús laja lo'o nguti'i̱ na' lo'o ma̱.