GÁLATAS 5:2 - Chatino Tataltepec

² Cua'a̱ jyaca̱ ma̱ ji'i̱ cha' nu nchcui' na' lo'o ma̱. Pablo laca na' nu nda na' cha' re lo'o ma̱. Ndi'ya̱ nacui̱ na' ji'i̱ ma̱: Nga'aa caca xtyucua Cristo ji'i̱ ma̱ si ta ma̱ chacuayá' cha' si'yu ngu' quiji̱ ma̱ ñi'ya̱ nu ndu'ni ngu' judío cha' culacua̱ ngu'.

GÁLATAS 5:2 Referans Kwoze

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

LOS HECHOS 15:1

Ngua sca tsa̱ ndyalaa xi ñati̱ nu ndu'u nde loyuu su cuentya Judea, ndyalaa ngu' quichi̱ Antioquía bi'. Li' nguxana nclyu'u ngu' ji'i̱ ñati̱ ji'i̱ Jesucristo cha' ná chañi cha' cua'ni lyaá ycui' Ndyosi ji'i̱ ngu', si bilya xi'yu ngu' quiji̱ ngu' qui'yu bi', cha' culacua̱ ngu'. Jua'a̱ laca cña nu ngulo jyo'o Moisés ji'i̱ ngu' sa'ni cha' cua'ni ngu', nacui̱ ngu' bi'.

HEBREOS 4:2

Ñi'ya̱ lo'o ndyuna jyo'o cusu' bi' cha' tso'o nu nchcui' ycui' Ndyosi lo'o ngu' cha' clyaá ngu', la cui' jua'a̱ cua ndyuna na cha' tso'o nu nchcui' Jesús. Pana nu jyo'o bi' ni, ná ngua tso'o cresiya ji'i̱ ngu', masi cua ndyuna ngu' cha' bi', xqui'ya cha' ná jlya ti' ngu' cha' bi', ná ngusñi tso'o ngu' cha' bi'.

GÁLATAS 5:11

Cu'ma̱ tya'a ngusñi na cha' ji'i̱ Cristo, jlo ti' ma̱ cha' nga'aa cua'ni lya' ti' ngu' judío 'na si cacha' na' ji'i̱ ma̱ cha' culacua̱ ma̱ ñi'ya̱ ndu'ni ngu' bi'; pana ña'a̱ ti ti'í ti' ngu' bi' jna', xqui'ya cha' ná nda na' cha' bi' lo'o ma̱, cha' sca ti nchcui' na' lo'o cu'ma̱ ñi'ya̱ ndyu'u cha' lo'o ngujuii Jesús lo crusi.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

LOS HECHOS 15:24

Cua ndyuna ya cha' cua ndyaa xi ngu' tya'a ya ca slo cu'ma̱, lo'o jua'a̱ cua ngulu'u ngu' ji'i̱ ma̱ cha' ntsu'u cha' xi'yu ma̱ quiji̱ ngu' qui'yu tya'a ma̱; nacui̱ ngu' bi' cha' ntsu'u cha' cua'ni ma̱ lcaa cña nu nguscua jyo'o Moisés lo quityi nu ngua sa'ni. Pana ná ngulo ya cña ji'i̱ ngu' bi', cha' tsaa ngu' slo cu'ma̱; jlo ti' ya cha' xñi'i̱ xi ti' ma̱ ndi'i̱ ma̱ nu lo'o ná nchca cuayá' ti' ma̱ si cha' liñi laca cha' bi'.

1 TESALONICENSES 2:18

Tyu̱u̱ quiya' ngua ti' ya ca̱a̱ ya nquicha'. Lo'o na' ni, la cui' Pablo laca na', nti' tsa na' ca̱a̱ na'; pana lcaa quiya' ngua'a Satanás cha' ji'i̱ ya cha' ná ca̱a̱ ya.

1 CORINTIOS 16:21

Lo'o ycui' na' nda na' xlyo ni'i̱ ji'i̱ ma̱, nu nscua na' xtañi na' lo quityi re, Pablo.

LOS HECHOS 15:5

Pana lo'o xi ngu' fariseo nu ngusñi cha' ji'i̱ Jesucristo nga'a̱ lo'o ngu' bi'. Li' ndatu̱ ngu' fariseo bi' cha' chcui' ngu': ―Nga'a̱ cha' xi'yu ngu' quiji̱ nu qui'yu ngu' xa' tsu' nu ngusñi cha' ji'i̱ Jesús, cha' culacua̱ ngu' ―nacui̱ ngu' fariseo bi'―. Ntsu'u cha' taquiya' ngu' bi' lcaa cha' nu nguscua jyo'o Moisés sa'ni ―nacui̱ ngu'.

FILEMÓN 1:19

tya na' cñi bi' jinu'u̱, bi' cha' nscua na' xtañi na' ca nde ndi'ya̱: Pablo. Ná chcui' na ji'i̱ cha' nu ndacui nu'u̱ jna', masi sca tane' tlyu laca bi', cha' ngujui chalyuu nu ná nga'a̱ cha' tye jinu'u̱ xqui'ya na'.