GÁLATAS 5:17 - Chatino Tataltepec

¹⁷ Nu cha' cuxi nu ndiya ti' na ni, nxu̱u̱ tya'a cha' bi' lo'o cha' nu nda Xtyi'i ycui' Ndyosi cha' tyanu ne' cresiya ji'na. Lo'o jua'a̱ Xtyi'i ycui' Ndyosi ni, bi' laca nu nxu̱u̱ tya'a lo'o cha' cuxi nu ndiya ti' na cha' cua'ni na, cha' laca na ñati̱ chalyuu. Ná stu'ba cha' bi' tsiya' ti; bi' cha' nga'aa caca cua'ni ma̱ cua ña'a̱ ca cha' cuxi nu ndiya ti' ma̱, nu ngua'ni ma̱ cua tsubi' la.

GÁLATAS 5:17 Referans Kwoze

ROMANOS 8:13

Chcuna' chalyuu ji'i̱ ma̱ si xcui' culana ma̱ ji'i̱ cha' cuxi lo'o ndi'i̱ ma̱ chalyuu; pana chacuayá' ji'i̱ Xtyi'i ycui' Ni taca tyiji̱loo ma̱ ji'i̱ cha' cuxi nu ntsu'u ji'i̱ ma̱, cha' nga'aa cua'ni la ma̱ ji'i̱. Caja chalyuu nu ná nga'a̱ cha' tye ji'i̱ ma̱ li'.

SAN MATEO 26:41

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

SANTIAGO 3:2

Chañi laca cha' ntsu'u quiya' lcaa na ndyu'u tsaa tu'ba na lo'o nchcui' na lo'o tya'a ñati̱ na; ná ntsu'u ni sca ñati̱ nu bilya tyu'u tsaa tu'ba tsiya' ti, nu lo'o nchcui' ngu' lo'o tya'a ñati̱ ngu'. Si ntsu'u ñati̱ nu nchca ji'i̱ cua'a ji'i̱ cha' nu nchcui' ycui' ca ngu', ñati̱ nu tyucui tyiquee tsiya' ti laca ngu' bi'. Ná tyiquee' taca cua'a ngu' bi' ji'i̱ ña'a̱ tsaca ngu', si jua'a̱; pana tucui tsa laca cha' cua'a na ji'i̱ ycui' ca na, cha' ná chcui' na cha' cuxi.

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

SAN LUCAS 22:46

Li' nacui̱ yu ji'i̱ ngu': ―¿Ni cha' laca ndi'i̱ ma̱ laja' ti ma̱? Tyatu̱ clya ma̱ cha' chcui' ma̱ lo'o ycui' Ndyosi, cha' ná tyiji̱loo nu xña'a̱ ji'i̱ ma̱.

SAN MATEO 12:30

’Ñati̱ nu ná ntaja'a̱ xñi cha' jna', na nxu̱u̱ tya'a ngu' bi' lo'o na', jua'a̱ ndyu'u cha' bi'. Lo'o jua'a̱ ñati̱ nu ná nxtyucua 'na, na ndaca'a ngu' bi' ji'i̱ tya'a ñati̱ ngu' cha' ná xñi tya'a ngu' cha' jna' lacua.

GÁLATAS 3:21

Tso'o si cua'ni na cña nu nscua lo quityi cusu' cha' cua'ni na lacua. Lo'o jua'a̱ ndu'ni tsa cha' xñi na lcaa cha' nu nda ycui' Ndyosi lo'o ñati̱. Pana masi taquiya' na ji'i̱ lcaa cha' cusu' bi', ná taca caja chalyuu cucui bi' ji'na jua'a̱ ti; ná taca ca tso'o cresiya ji'na cuentya ji'i̱ ycui' Ni xqui'ya cha' ndyu'ni ti na lcaa cña nu nscua lo quityi cusu' bi' cha' cua'ni na; ná caca jua'a̱ tsiya' ti.

SAN LUCAS 22:33

―Cusu' ―nacui̱ Simón li'―, ná ndu'ni cha' jna' masi tsa'a̱ lo'o nu'u̱ ne' chcua̱, masi cajaa na' lo'o nu'u̱ ―nacui̱ ji'i̱ Jesús.

SAN MATEO 16:17

―Tso'o ntsu'u tyiquee nu'u̱ Simón, sñi' Jonás ―nacui̱ Jesús ji'i̱ li'―. Si'i ñati̱ chalyuu ti nu ngulu'u cha' bi' jinu'u̱; pana ycui' Ndyosi Sti na' nu ntucua nde cua̱, nda Ni cha' bi' nu ngua'ya hique nu'u̱.

SAN MATEO 5:6

’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.