GÁLATAS 5:12 - Chatino Tataltepec

¹² Nu ngu' nu ndya'a̱ ndatsaa ji'i̱ ma̱ cha' culacua̱ ma̱ cuentya ji'i̱ ngu', tso'o la masi tye cuaña' ycui' ca ngu' si'yu ngu', si jua'a̱ nti' ngu'.

GÁLATAS 5:12 Referans Kwoze

GÁLATAS 5:10

Cuentya jna', ndyi'u tsa ti' na' ji'i̱ ma̱ xqui'ya ycui' nu Xu'na na, cha' jlya ti' na' cha' stu'ba ti ntsu'u tyiquee ma̱ lo'o cha' nu cua nchcui' ca na'. Ná ndu'ni cha' tilaca laca nu ndya'a̱ nchcui' cha' cuiñi lo'o ma̱ cha' xcutsi̱i̱ ji'i̱ ma̱, xcube' tsa ycui' Ndyosi ji'i̱ ñati̱ bi'.

TITO 3:10

Tucua quiya' chcui' nu'u̱ lo'o ngu' cha' cua'a nu'u̱ ji'i̱ ngu' nu nti' xu'ba cha' cusu̱u̱ laja cu'ma̱ nu laca ma̱ ñati̱ ji'i̱ Jesucristo. Si ná cuna ngu' bi', li' xtyanu ma̱ ji'i̱ ngu' bi'.

GÁLATAS 2:4

Pana ngulaa xi xa' la ñati̱ slo ya li', ngu' nu cuiñi ti nchcui' cha' ntsu'u cha' ji'i̱ ngu' lo'o Cristo; na ndu'ni ti ngu' cha' tya'a na laca ngu' bi'. Cuaana ti nguti'i̱ ngu' bi' laja lcaa tya'a na cha' ña'a̱ cuayá' ngu' bi' ji'i̱ ya, si culacua̱ ngu' nu ndya'a̱ lo'o ya, si ná culacua̱ ngu'. Ngua ti' ngu' bi' tacu̱' cha' tso'o ji'i̱ Jesús lo'o na, cha' ná ndiya ti' ngu' cha' tso'o ndi'i̱ tyiquee na chalyuu xqui'ya Jesús; ngua ti' ngu' bi' tatsaa ngu' ji'na cha' cua'ni na lcaa lo cña nu ngulo jyo'o cusu' ji'i̱ ngu' judío tya'a ya.

LOS HECHOS 15:24

Cua ndyuna ya cha' cua ndyaa xi ngu' tya'a ya ca slo cu'ma̱, lo'o jua'a̱ cua ngulu'u ngu' ji'i̱ ma̱ cha' ntsu'u cha' xi'yu ma̱ quiji̱ ngu' qui'yu tya'a ma̱; nacui̱ ngu' bi' cha' ntsu'u cha' cua'ni ma̱ lcaa cña nu nguscua jyo'o Moisés lo quityi nu ngua sa'ni. Pana ná ngulo ya cña ji'i̱ ngu' bi', cha' tsaa ngu' slo cu'ma̱; jlo ti' ya cha' xñi'i̱ xi ti' ma̱ ndi'i̱ ma̱ nu lo'o ná nchca cuayá' ti' ma̱ si cha' liñi laca cha' bi'.

LOS HECHOS 5:9

―¿Ni cha' laca ngua'ni ma̱ jua'a̱? ―nacui̱ Pedro li'―. Tyucuaa ma̱, cua ngua'ni stu'ba ma̱ cha' lo'o tya'a ma̱ cha' cua'ni cuayá' ma̱ ji'i̱ Xtyi'i ycui' Ndyosi, si jlo ti' Ni, si ná jlo ti' Ni cha' cuiñi ma̱ ―nacui̱―. Cua'a̱ jyaca̱ xi ñi'ya̱ ndañi quiya' ngu' cuañi' nu lijya̱ ndyaa nguxatsi' ngu' ji'i̱ jyo'o clyo'o nu'u̱. La cui' jua'a̱ tsaa lo'o ngu' jinu'u̱ juani.

LOS HECHOS 5:5

Lo'o ndyuna Ananías cha' bi', li' nclyú yu lo yuu. Na nclyú ti yu, ngujuii yu li'. Ndyutsi̱i̱ tsa lcaa ngu' nu ndi'i̱ cacua ti li'.

SAN JUAN 9:34

―Ngu' cuxi laca nu'u̱, pana nti' nu'u̱ culu'u xi cha' jo'ó ji'i̱ ya ―nacui̱ ngu' judío li'―. Cuxi nu'u̱ lo'o ngula nu'u̱, jua'a̱ cuxi ti nguluu nu'u̱ ―nacui̱ ngu'. Lo'o li' ngulo'o ngu' ji'i̱ nu qui'yu bi', nga'aa nda ngu' chacuayá' tsaa ne' laa tsiya' ti.