GÁLATAS 4:15 - Chatino Tataltepec

¹⁵ Tso'o tsa ntsu'u tyiquee ma̱ ña'a̱ ma̱ 'na nu ngua tyempo bi'; hasta culo ma̱ la cui' ca si'yu cloo ma̱ cha' ta ma̱ 'na ngua ti' ma̱ nquicha', cha' cua nti' tsa ma̱ xtyucua ma̱ jna'. Lo'o juani ni, ¿na laca ngua ji'i̱ ma̱ juani?

GÁLATAS 4:15 Referans Kwoze

ROMANOS 5:2

Tso'o tsa ndyu'ni ycui' Ndyosi lo'o na chacuayá' ji'i̱ Cristo, nu lo'o ngusñi na cha' ji'i̱ nu Cristo bi'. Ngua'ni Ni cha' ntsu'u cha' ji'na lo'o ycui' Ni, bi' cha' nga'aa ntsu'u cha' tya'a̱chu̱' na ji'i̱ Ni; tso'o tsa ntsu'u tyiquee na, cha' jlo ti' na cha' ca tiya' la caja sca se'i̱ nu tso'o tsa su tyi'i̱ na ca su ntucua ycui' Ndyosi, cha' jua'a̱ tso'o ti ndu'ni Ni lo'o na.

COLOSENSES 4:13

Jlo ti' na' cha' lye tsa ngua'ni yu cña cha' xtyucua yu ji'i̱ cu'ma̱, jua'a̱ ji'i̱ ngu' quichi̱ Laodicea, jua'a̱ ji'i̱ ngu' quichi̱ Hierápolis tya'a ngusñi na cha' ji'i̱ Cristo.

1 TESALONICENSES 5:13

Tso'o ti cua'ni ma̱ lo'o ngu' bi' lacua, cha' tso'o tsa cña ndyu'ni ngu' bi' cuentya ji'i̱ ycui' Ndyosi; tso'o ti tyu'u tyiquee ma̱ ña'a̱ ma̱ ji'i̱ ngu' bi'. La cui' jua'a̱ tso'o ti tyu'u tyiquee ma̱ ña'a̱ ma̱ ji'i̱ lcaa tya'a ma̱, cha' nga'aa tyu'u cha' cusu̱u̱ ji'i̱ ma̱ lo'o tya'a ma̱ li'.

1 TESALONICENSES 2:8

Ntsu'u tsa tyiquee ya ña'a̱ ya ji'i̱ ma̱, cha' cua nda ya cha' tso'o ji'i̱ ycui' Ndyosi lo'o ma̱; lye tsa nclyacua ti' ya cuentya ji'i̱ ma̱, hasta tso'o ntsu'u tyiquee ya masi cujuii ngu' ji'i̱ ya xqui'ya cu'ma̱.

GÁLATAS 6:4

Ntsu'u cha' cui'ya na cuentya ñi'ya̱ nu ndi'i̱ scaa na chalyuu. Si chañi cha' tso'o tsa ndu'ni na, cha' ji'i̱ ycui' na laca cha' bi'; ná ntsu'u cha' cua'ni tyucuaa ti' na lo'o xa' la ñati̱.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

GÁLATAS 4:19

Chaca quiya' ti'í tsa ntsu'u tyiquee na' ña'a̱ na' ji'i̱ ma̱, cha' ñi'ya̱ laca sñi' na', jua'a̱ laca ma̱; ña'a̱ na' ji'i̱ ma̱ ñi'ya̱ si laca na' sca nu cuna'a̱ nu ti'í tsa nchcube' ji'i̱ cha' cua cala ti sñi'. Talo cha' ti'í bi' 'na ña'a̱ cuayá' nu tyu'u xcui' cha' ji'i̱ Cristo tyiquee ma̱.

GÁLATAS 3:14

Jua'a̱ ngua cha' lo'o ngu' xa' tsu' caja cha' tso'o ji'i̱ ngu' xqui'ya Jesucristo, cha' tso'o nu cua ngüiñi ji'i̱ ycui' Ndyosi lo'o nu jyo'o Abraham bi' nu ngua sa'ni. Li' caca ji'i̱ ngu' xa' tsu' ñi'ya̱ nu nchcui' ycui' Ndyosi lo'o Abraham, cha' caja Xtyi'i ycui' Ni ji'i̱ lcaa na nu lo'o xñi na cha' ji'i̱ Cristo.

2 CORINTIOS 8:3

Chañi tsa cha' nu ta na' lo'o ma̱ cuentya ji'i̱ ngu' bi': Cha' tso'o ti tyiquee ngu' bi' ni, cua nda ngu' lcaa ña'a̱ nu ngujui ti xi ji'i̱ ngu'; lo'o jua'a̱ tya quiña'a̱ la cñi nda ngu', masi ná ndyu'u scua cñi nu ndyanu ji'i̱ ngu'.

ROMANOS 15:13

Bi' cha' juani nti' na' cha' cua'ni Ni cha' xñi tso'o la ma̱ cha' ji'i̱ ycui' Ni, cha' tso'o tsa caca tyiquee ma̱, cha' ti̱ ti taca tyi'i̱ tyiquee ma̱ li'. Nu lo'o tyanu Xtyi'i ycui' Ndyosi ne' cresiya ji'na, li' nga'aa caca taja ti' na lo'o ntajatya na ji'i̱ ycui' Ndyosi cha' ca̱a̱ Ni.

ROMANOS 10:2

Liñi tsa cha' nu chcui' na' ji'i̱ ngu' bi', cha' tso'o tsa ndu'ni tlyu ngu' ji'i̱ ycui' Ndyosi nquicha', pana ná jlo tso'o ti' ngu' ñi'ya̱ laca cña nu nti' Ni cha' cua'ni ngu';

ROMANOS 9:3

tyucui tyiquee na' tyaja'a̱ na' cha' masi tyanu yabe' nu ntsu'u ji'i̱ ngu' bi' hichu̱' ycui' ca na', masi nga'aa ña'a̱ Cristo jna' tsiya' ti nti' na', si jua'a̱ ti taca cua'ni lyaá Ni ji'i̱ ngu' tya'a quichi̱ tyi na' bi'.

SAN LUCAS 8:13

Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'.

GÁLATAS 4:14

Lo'o jua'a̱ ná nchcui' cuxi ma̱ 'na li', ná ngulo'o ma̱ 'na, masi tya xi tya ndalo ma̱ 'na cha' quicha tsa na'; xa' ña'a̱ ngua'ni ma̱ lo'o na' li', ntucuá ma̱ cha' jna' ñi'ya̱ si cua laca na' sca xca̱ ji'i̱ ycui' Ndyosi, ñi'ya̱ si cua laca na' ycui' Jesucristo.

GÁLATAS 4:16

¿Ha nti' ma̱ cha' tya'a cusu̱u̱ ma̱ laca na' xqui'ya cha' liñi nu nda na' lo'o ma̱?