GÁLATAS 3:15 - Chatino Tataltepec

¹⁵ Cu'ma̱ tya'a ntsu'u cha' ji'na lo'o Cristo, ta na' sca cui̱i̱ lo'o ma̱ juani cuentya ji'i̱ sca ñati̱ nu nti' quiñi sca cha' ji'i̱ yu lo'o tya'a yu. Clyo culo ngu' sca quityi. Lo'o cua ndye ngua stu'ba cha' bi' ji'i̱ ngu', li' nga'aa caca ji'i̱ xa' ñati̱ tacu̱' ngu' ji'i̱ cha' bi'; nga'aa caca xcutsa'a̱ la ngu' cha' bi'.

GÁLATAS 3:15 Referans Kwoze

HEBREOS 9:17

ná cua'nijo'o quityi bi', si tya lu'ú nu ca ji'i̱ cha' tso'o bi'. Sca ti si cua ngujuii yu bi', li' cua'nijo'o quityi bi' ji'i̱ ngu'.

ROMANOS 6:19

Jua'a̱ laca cha' nu nda na' lo'o cu'ma̱, cha' caca cuayá' la ti' ma̱ tilaca laca nu laca loo ji'i̱ ma̱. Tya tsubi' la cua nda ma̱ tyucui ña'a̱ ma̱ cha' cua'ni ma̱ cha' suba', cha' cua'ni ma̱ cha' cuxi, lo'o jua'a̱ lye la ndyacua cha' cuxi ji'i̱ ma̱ li'; bi' cha' juani ta ma̱ tyucui ña'a̱ ma̱ cha' xcui' cña tso'o cua'ni ma̱, cha' xcui' cuentya ji'i̱ ycui' Ndyosi tyi'i̱ ma̱ chalyuu.

ROMANOS 3:5

Cha' nu na ni, ntsu'u tsa cha' cuxi nu ndyu'ni na; lo'o nu cha' cuxi bi' ni, ndu'ni cha' taca ca cuayá' la ti' na cha' liñi tsa laca ycui' Ndyosi. ¿Ñi'ya̱ ta ñacui̱ na li'? ¿Ha ná liñi ndu'ni Ni lo'o na? ¿Ha ná tso'o si xcube' Ni ji'na lo'o ndyu'ni na cha' cuxi? Ntsu'u ñati̱ nu nchcui' jua'a̱.

1 CORINTIOS 15:32

Lo'o nguta'a̱ na' ca quichi̱ Efeso, lye tsa ngua'ni lya' ti' ngu' quichi̱ bi' 'na; tyaala tsa ngua'ni ngu' 'na, hasta ngusu̱u̱ tya'a ngu' lo'o na' ñi'ya̱ ndu'ni na'ni tyaala. ¿Ni cha' laca ndya'a̱ na' cajua si ná jlo ti' na' cha' cua ndyu'ú Jesús chaca quiya'? Si'i ngana ndya'a̱ na' cajua. Ntsu'u ñati̱ nu nchcui' ndi'ya̱: “Cacu na tyaja, co'o na lcui, cha' la quee ti cajaa na”, ndu'ni ngu' lo'o na. Jua'a̱ cua'ni na' si ná jlo ti' na' cha' lu'ú Jesús.

LOS HECHOS 1:15

Ngua sca tsa̱ ndyu'u ti'i̱ lcaa ñati̱ nu cua ngusñi cha' ji'i̱ Jesucristo ca quichi̱ bi'; sca siyento ntucua calaa tya'a ñati̱ ntsu'u nu ngutu'u ti'i̱ tsa̱ bi'. Li' ndatu̱ Pedro cha' chcui' yu lo'o ngu' bi':

ROMANOS 1:13

Cu'ma̱ tya'a ngusñi na cha' ji'i̱ Jesús, nti' na' cha' caca cuayá' ti' ma̱ ñi'ya̱ nu ntsu'u tyiquee na' ña'a̱ na' ji'i̱ cu'ma̱. Tyu̱u̱ quiya' ngua ti' na' ca̱a̱ na' ca su ndi'i̱ ma̱, pana hasta juani bilya caja ñi'ya̱ caca nu ca̱a̱ na'. Ñi'ya̱ nu ngua'ni na' ca xa' loyuu chalyuu, jua'a̱ cua nti' na' cha' caca su ndi'i̱ cu'ma̱; nti' na' cha' taquiya' xa' la ñati̱ cha' ji'i̱ Jesús, lo'o jua'a̱ nti' na' cha' tya culu'u la na' cha' bi' ji'i̱ ma̱.

GÁLATAS 6:18

Cu'ma̱ tya'a ngusñi na cha' ji'i̱ ycui' Ndyosi, lcaa hora tyi'u ti' ma̱ ji'i̱ ycui' Jesucristo nu Xu'na na, cha' xcui' tso'o ti ndu'ni Ni lo'o ma̱. Lo'o jua'a̱ chañi tsa cha' caca cha' bi'.

HEBREOS 6:13

Nu ngua sa'ni la lo'o ngüiñi cha' ji'i̱ ycui' Ndyosi lo'o jyo'o Abraham, li' ngulotu̱ Ni xtañi ycui' Ni lo'o nacui̱ Ni ndi'ya̱ ji'i̱ nu cusu' bi': “Chacuayá' ji'i̱ ycui' ca ti na' cua'ni na' cña bi' cuentya jinu'u̱”, nacui̱ Ni. Nga'aa ntsu'u la xa' ñati̱ nu tlyu la cha' ji'i̱ que ycui' Ndyosi, bi' cha' ngulotu̱ Ni xtañi ycui' Ni, cha' quiñi cha' ji'i̱ Ni lo'o Abraham bi'.

HEBREOS 6:16

Ndi'ya̱ ndu'ni ñati̱ chalyuu: Si nti' ngu' cha' tyanu tachaa sca cha' nu cua quiñi ti ji'i̱ ngu' lo'o tya'a ngu', li' nclyotu̱ ngu' tañi sca jo'ó, masi xtañi sca ñati̱ tlyu laja lo'o nda ngu' cha'; ná caja ñi'ya̱ xu̱u̱ tya'a ngu' cuentya ji'i̱ cha' bi' li'.