Ndyaa ya Jerusalén, xqui'ya cha' cua ngua'ni ycui' Ndyosi cha' ngua'ya sca cha' hique na' cha' tyaa ya; bi' cha' lo'o cua ndyalaa ya quichi̱ bi', li' ndya'a̱ ca su ntucua ngu' ycui' ti ngu', nchcui' na' lo'o ngu' nu laca loo la ji'i̱ taju tya'a ñati̱ ji'i̱ Cristo quichi̱ bi'. Li' ndacha' na' ji'i̱ ngu' bi', nchcui' na' ni cha' nu nda na' lo'o ngu' xa' tsu' cuentya ji'i̱ Cristo, cha' ngua'ni lyaá Cristo ji'na ji'i̱ nu cuxi. Jua'a̱ nchcui' na' lo'o ngu' bi', xqui'ya cha' ná nti' na' cha' culacua cuxi ti' ngu' bi' ña'a̱ ngu' jna'; ná nti' na' cha' chcui' ngu' cha' ná tso'o laca cha' nu nda na' lo'o cu'ma̱ ngu' xa' tsu' tya tsubi' la, masi chcui' ngu' cha' ná tso'o ndu'ni na' juani.
GÁLATAS 2:6 - Chatino Tataltepec6 Ná ndube ti' na' masi nacui̱ ngu' cha' tlyu tsa ñati̱ laca nu ngu' nu laca loo ji'na bi'; jlo ti' na' cha' sca ti cuayá' laca lcaa na cuentya ji'i̱ ycui' Ndyosi. Pana masi loo laca ngu' bi', ná ngulo ngu' bi' cña jna' cha' culu'u na' xa' la cha' ji'i̱ cu'ma̱ ngu' xa' tsu'. Gade chapit la |
GÁLATAS 2:6
22 Referans Kwoze
Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.
Xcui' liñi ti ndu'ni cuayá' Ni ji'i̱ ñati̱, ñi'ya̱ laca cha' tso'o nu ngua'ni scaa ngu', ñi'ya̱ laca cha' cuxi nu ngua'ni scaa ngu' laja lo'o ndi'i̱ ngu' chalyuu. Bi' cha' ntsu'u cha' cutsi̱i̱ ma̱ xi lo'o chcui' ma̱ lo'o ycui' Ndyosi ndi'ya̱: “Sti ya”, ñacui̱ ma̱ ji'i̱ Ni. Ntsu'u cha' taquiya' ma̱ ji'i̱ ycui' Ndyosi Sti na lcaa tsa̱ lo'o tyi'i̱ ma̱ chalyuu, cha' xcui' cha' tso'o cua'ni ma̱ cuentya ji'i̱ Ni.
Taquiya' ma̱ ji'i̱ ñati̱ nu laca cña cuentya ji'i̱ ña'a̱ taju ngu' tya'a ma̱; cua'ni ma̱ lcaa cña nu ndijña ngu' bi' ji'i̱ ma̱ cha' cua'ni ma̱. Tlyu tsa cña nu ntsu'u ji'i̱ ngu' bi', cha' xcui' ndube ti' ngu' ñi'ya̱ nu ndyu'ni sa scaa ma̱; nga'a̱ cha' xacui̱ ngu' cha' ji'i̱ ycui' Ndyosi si chañi cha' ña'a̱ ti tya tso'o ndyu'ni ma̱, xqui'ya cha' ngusñi ma̱ cha' ji'i̱ Ni. Pana tso'o la nti' ngu' bi', si ña'a̱ ti tso'o ntsu'u tyiquee ma̱ cua'ni ma̱ ñi'ya̱ nu nacui̱ ngu' ji'i̱ ma̱ cha' cua'ni ma̱. Si ná cua'ni ma̱ jua'a̱, caca xñi'i̱ ti' ngu' bi' li', cha' nga'aa caca xtyucua ngu' ji'i̱ ma̱ li'.
Tyi'u ti' ma̱ ji'i̱ ngu' jyo'o tya'a ma̱ nu ngua loo ji'i̱ ma̱ chacuayá' ji'i̱ Jesucristo; ngu' bi' laca nu cua nchcui' cha' ji'i̱ ycui' Ndyosi lo'o ma̱ tya clyo, bi' cha' culacua tso'o ti' ma̱ ji'i̱ cña tso'o nu ngua'ni ngu' bi' nde chalyuu. Cua'ni ma̱ ñi'ya̱ nu ngua'ni ngu' bi' lo'o ngusñi ngu' cha' ji'i̱ ycui' Ndyosi.
Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.
Bi' cha' nchcuane ngu' cuiñi bi' ji'i̱ Jesús li': ―Mstru ―nacui̱ nu ngu' cuiñi bi'―, jlo ti' ya cha' xcui' cha' liñi nchcui' nu'u̱. Tso'o tsa ndyu'u lcaa cha' nu ngulu'u nu'u̱. Si'i na tyaca'a la ndu'ni nu'u̱ ji'i̱ sca ngu'; masi culiya' ngu', masi nchca tsa ji'i̱ ngu', stu'ba ti ndu'ni nu'u̱ lo'o cua ña'a̱ ca ñati̱. Cha' liñi ji'i̱ ycui' Ndyosi nclu'u nu'u̱.
Lo'o cua ndyalaa ngu' slo yu, li' nchcui' ngu' lo'o yu: ―Mstru ―nacui̱ ngu' ji'i̱ Jesús―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ cha' nu nchcui' ngu' jinu'u̱. Sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu. Tyu'u cha' clyu ti' jinu'u̱, ¿ha tso'o si ta na cñi cña loo na cuentya ji'i̱ rey tlyu nu ndi'i̱ xa' tsu' bi'? ―nacui̱ ngu'―. ¿Ha ndu'ni tsa cha' ta na cñi bi' ji'i̱ ngu'? ¿Ha ná tso'o la masi ná ta na cñi bi' tsiya' ti?
Li' ngulo ngu' bi' cña ji'i̱ xi ngu' cuañi' nu ndyaca tsa'a̱ cha' ji'i̱ ngu' fariseo, cha' chcui' cuayá' ngu' cuañi' bi' lo'o Jesús, ngua ti' ngu'. Li' ndyaa ngu' bi' slo Jesús lo'o xi xa' la ñati̱ nu ndya'a̱ lo'o taju ngu' nu cuentya ji'i̱ rey Herodes. ―Mstru ―nacui̱ nu ngu' cuañi' bi' ji'i̱ Jesús li'―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ ndañi cha' nu nchcui' ngu' jinu'u̱; sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu.
Ntsu'u ti' na cha' tya tsubi' la ngulaa sca nu qui'yu nu tyaala tsa, nu naa Teudas; nguti'i̱ yu xi loyuu re. Jlya tsa ti' ngu' cha' nu nchcui' yu bi', cha' nacui̱ yu cha' ñati̱ tlyu ngua yu. Li' ndya'a̱ jacua siyento tya'a ñati̱ lo'o yu; pana nu lo'o ndyujuii ñati̱ ji'i̱ yu, li' ngusna lyiji nu ñati̱ tya'a ndya'a̱ yu li'. Ndye cha' ji'i̱ yu jua'a̱ ti li'.
Piblisite