GÁLATAS 2:21 - Chatino Tataltepec

²¹ Si'i cha' ná ndube ti' na' ji'i̱ lcaa cha' tso'o nu ngua'ni ycui' Ndyosi lo'o ngu' judío tya'a ya; laca cha' ndube tsa ti' na' cha' ná taca ca tso'o cresiya ji'na cuentya ji'i̱ ycui' Ndyosi, masi tso'o tsa ndaquiya' na ji'i̱ cña nu nclyo cha' cusu' bi' ji'na. Ndube tsa ti' na' cha' ná ngujuii Jesús jua'a̱ ti; ntsu'u cña nu ngua'ni yu lo'o ngujuii yu lo crusi bi', na cua ngua'ni tso'o yu ji'i̱ cresiya ji'na cuentya ji'i̱ ycui' Ndyosi nu ngua li'.

GÁLATAS 2:21 Referans Kwoze

ROMANOS 11:6

La cui' jua'a̱ tya'na tsa ti' Ni ña'a̱ Ni ji'na, bi' cha' tso'o tsa ndu'ni Ni lo'o na. Si'i na clyaá na ji'i̱ nu cuxi xqui'ya sca cña nu ngua'ni ycui' ca ti na, cha' ná ntsu'u cha' ñacui̱ na cha' ycui' Ndyosi ngua'ni lyaá ji'na si cua ngua'ni lyaá na ji'i̱ ycui' ca na, nti' na.

GÁLATAS 3:21

Tso'o si cua'ni na cña nu nscua lo quityi cusu' cha' cua'ni na lacua. Lo'o jua'a̱ ndu'ni tsa cha' xñi na lcaa cha' nu nda ycui' Ndyosi lo'o ñati̱. Pana masi taquiya' na ji'i̱ lcaa cha' cusu' bi', ná taca caja chalyuu cucui bi' ji'na jua'a̱ ti; ná taca ca tso'o cresiya ji'na cuentya ji'i̱ ycui' Ni xqui'ya cha' ndyu'ni ti na lcaa cña nu nscua lo quityi cusu' bi' cha' cua'ni na; ná caca jua'a̱ tsiya' ti.

HEBREOS 7:11

Nu sti jo'ó nu ya̱a̱ chalyuu tiya' la bi', la cui' jua'a̱ tya'a ñati̱ ji'i̱ jyo'o Leví, nclyu'u qui'i̱ ngu' bi' ji'i̱ ngu' Israel cha' cua'ni ngu' lcaa cña nu ngulo ycui' Ndyosi ji'i̱ ngu'. Pana ná ndalo sti jo'ó bi' cua'ni tyucui cña bi', bi' cha' juani ngutu'u tucua chaca nu laca sti jo'ó nu cuentya ji'na. Ná laca yu sti jo'ó ñi'ya̱ ngua Aarón lo'o tya'a Aarón sti jo'ó, masi laca yu sca sti jo'ó nu ñi'ya̱ ngua'ni jyo'o Melquisedec nu ngua sa'ni la, la cui' jua'a̱ cua'ni yu cuentya ji'na juani.

1 CORINTIOS 15:14

Na ñilo'o ngu' ji'na si jua'a̱, ni ná caja cha' nu ta ya lo'o ma̱ li', si cha' cuiñi laca cha' ndyu'ú Cristo chaca quiya'. Jua'a̱ ná caja cha' ji'i̱ Jesús nu xñi ma̱ si chañi cha' nga'aa ndyu'ú yu bi'.

GÁLATAS 2:16

Pana jlo ti' ya cha' ná taca ca tso'o cresiya ji'i̱ ya cuentya ji'i̱ ycui' Ndyosi, masi ndu'ni ti ya cua ña'a̱ ca cña nu nda jyo'o Moisés cha' cua'ni ya; sca ti si jlya ti' ya ji'i̱ cña nu ngua'ni Jesucristo cuentya ji'na, li' taca ca tso'o cresiya ji'i̱ ya. Bi' cha' lo'o cuare cua ngusñi ya cha' ji'i̱ Jesucristo, cha' taca ca tso'o cresiya ji'i̱ ya cuentya ji'i̱ ycui' Ni, cha' nu jlya ti ti' ya ji'i̱ Jesús, nga'aa si'i xqui'ya cña nu ndyu'ni ya nu nda jyo'o Moisés ji'i̱ ya. Ni sca na ná taca ji'na ca tso'o cresiya ji'na cuentya ji'i̱ ycui' Ndyosi xqui'ya cha' ndaquiya' ti na sca cha' nu nda jyo'o cusu' lo'o na.

ROMANOS 10:3

ná nchca cuayá' ti' ngu' bi' ñi'ya̱ ndu'ni Ni cha' ca tso'o cresiya ji'i̱ ñati̱ cuentya ji'i̱ ycui' Ni. Xa' ña'a̱ nti' ngu' bi'; cha' ji'i̱ ycui' ca ngu' nclyana ngu' ñi'ya̱ caca tso'o cresiya ji'i̱ ngu', cha' ná ntaja'a̱ ngu' jlya ti' ngu' ji'i̱ cña nu ndyu'ni ycui' Ndyosi.

1 CORINTIOS 15:2

Xqui'ya cha' cua nchcui' na' cha' ji'i̱ Jesús lo'o ma̱, bi' cha' ngulaá ma̱ ji'i̱ nu cuxi; lo'o juani tya nga'a̱ cha' taquiya' tso'o ma̱ ji'i̱ cha' bi', cha' ná ngusñi ma̱ ji'i̱ cha' bi' cha' culiji yu'u cha' bi' jua'a̱ ti.

GÁLATAS 2:18

Bi' cha' nga'aa ndaquiya' ya ji'i̱ cha' cusu' nu jlya tsa ti' ya ji'i̱ nquicha'; lo'o juani si xa' taquiya' ya ji'i̱ cha' cusu' nu ntsu'u ji'i̱ ya, li' ntsu'u qui'ya ji'i̱ ya lo'o ycui' Ndyosi chaca quiya' xqui'ya cha' si'i na tyucui tyiquee ya ngusñi ya cha' ji'i̱ Jesucristo.

ROMANOS 8:31

Lo'o cua ndyuna na lcaa cha' tso'o bi', li' taca ñacui̱ na cha' ná ntsu'u nu caca xu̱u̱ tya'a lo'o na, cha' ycui' Ndyosi laca nu ndi'i̱ lo'o na.

SAN MARCOS 7:9

Lo'o li' xa' nchcui' yu lo'o ngu' bi': ―Tso'o tsa nti' ma̱ cha' nguxtyanu ma̱ cña nu ngulo ycui' Ndyosi ji'na; ndulo la cha' nu ngulu'u jyo'o cusu' ji'na, nti' ma̱ ―nacui̱ Jesús―.

1 CORINTIOS 15:17

La cui' ti ná ntsu'u cha' xñi ma̱ cha' ji'i̱ Jesús si jua'a̱ ngua, cha' ná ndyu'ú yu chaca quiya' li', ña'a̱ ti tya ntsu'u qui'ya chu̱' ma̱ lacua.

ROMANOS 4:25

Nda Ni chacuayá' cujuii ngu' ji'i̱ Jesús, cha' cuityi̱ qui'ya nu ntsu'u ji'na; lo'o li' ndyu'ú Jesús chaca quiya', cha' caca tso'o cresiya ji'na cuentya ji'i̱ ycui' Ndyosi.