GÁLATAS 2:14 - Chatino Tataltepec

¹⁴ Pana nu lo'o ngua cuayá' ti' na' cha' ná ndyu'ni ngu' ñi'ya̱ nu ndyu'u cha' tso'o nu ngulu'u Cristo ji'na cha' clyaá na ji'i̱ nu cuxi, li' nchcui' na' lo'o Pedro slo lcaa ngu' nu ngusñi cha' ji'i̱ Cristo quichi̱ bi'. Ndi'ya̱ ni na' ji'i̱ yu li': “Ngu' judío laca nu'u̱”, nacui̱ na' ji'i̱ Pedro bi'. “Tya lo'o ndyalaa nu'u̱ ca nde, cua ngua'ni nu'u̱ ñi'ya̱ nu ndu'ni ngu' xa' tsu' re, cha' tya'a na laca ngu' cuentya ji'i̱ Cristo; ná ngua'ni nu'u̱ ñi'ya̱ nu ndu'ni ngu' judío tya'a quichi̱ tyi na. Bi' cha' lacua, ná tso'o si juani nti' nu'u̱ cha' tatsaa nu'u̱ ji'i̱ ngu' xa' tsu' re, cha' cua'ni ngu' ñi'ya̱ nu ndu'ni ngu' judío.” Jua'a̱ nacui̱ na' ji'i̱ yu.

GÁLATAS 2:14 Referans Kwoze

GÁLATAS 2:5

Pana ná ndaquiya' ya ji'i̱ cha' nu nchcui' ngu' bi' tsiya' ti. Ngua ti' ya cha' ná chcuna' tsiya' ti ni sca cha' liñi nu cua nda Cristo lo'o na, nu lo'o cua ngua'ni lyaá yu ji'na; ngua ti' ya cha' tyanu tso'o lcaa cha' bi' ne' cresiya ji'i̱ ma̱.

LOS HECHOS 10:28

Nda Pedro cha' lo'o ngu' bi' li': ―Jlo ti' ma̱ cha' ná ntsu'u chacuayá' ji'i̱ cua nu laca ya ngu' judío, cha' tyu'u ti'i̱ ya lo'o cu'ma̱ ngu' xa' tsu' ―nacui̱ Pedro ji'i̱ ngu'―. Ná ntsu'u chacuayá' tyatí̱ ya ni'i̱ ji'i̱ ngu' xa' tsu' ―nacui̱―. Pana cua ngulu'u ycui' Ndyosi jna' cha' ná tso'o chcui' na' ji'i̱ xa' ñati̱ cha' ñati̱ cuxi laca ngu', cha' si'i ñati̱ lubii laca ngu', masi ngu' xa' tsu' laca ngu'.

1 TIMOTEO 5:20

Si chañi cha' ndyu'ni ngu' cusu' bi' cha' cuxi, li' chcui' nu'u̱ lo'o nu cusu' bi' slo tyucui taju ñati̱ ji'i̱ Jesucristo bi', cha' cube ti' lcaa ngu', cha' ná cua'ni cuxi ngu' jua'a̱.

GÁLATAS 6:12

Nu ñati̱ nu ndatsaa tsa ji'i̱ ma̱ cha' si'yu quiji̱ ma̱ ñi'ya̱ nu ndu'ni ngu' judío cha' culacua̱ ngu' ni, ndu'ni ngu' jua'a̱ cha' nti' ngu' cha' caca stu'ba cha' ji'i̱ ycui' ngu' lo'o tya'a ngu' judío; li' ná cua'ni lya' ti' tya'a ngu' judío ji'i̱ ngu' bi' si ngusñi ngu' cha' ji'i̱ Jesucristo nu ngujuii lo crusi, nti' ngu'.

HEBREOS 12:13

Clyana la ma̱ tyucui̱i̱ liñi su tsaa ma̱, cha' ná quiñu'u̱ la tyucui̱i̱ ji'i̱ xa' la ñati̱ tya'a ma̱ nu siya' la tyiquee ngu'; cua'ni ma̱ cha' tyatí̱ la ti' tyiquee ñati̱ bi', cha' si'i na caca ñu'u̱ la ti' ngu'.

HEBREOS 9:10

Xcui' cha' nu nchcui' ñati̱ chalyuu ti laca, masi ñacui̱ ngu' cha' ná tso'o cacu na co'o na sca lo na, masi ñacui̱ ngu' ñi'ya̱ cua'ni na cha' caca lubii cresiya ji'na; cña nu ndatsaa ti ñati̱ chalyuu ji'na cha' cua'ni na, jua'a̱ laca cha' bi'. Xti ti tyempo talo cha' bi' ña'a̱ cuayá' xcutsa'a̱ ycui' Ndyosi lcaa cha'.

GÁLATAS 2:9

Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.

GÁLATAS 2:7

Ndi'ya̱ ngua: ngutucuá ngu' bi' ji'i̱ cha' nu nchcui' na' lo'o ngu'; cua ngüiñi cha' ji'i̱ ngu' bi' lo'o na' li'; cua ngua cuayá' ti' ngu' cha' cua nda ycui' Ndyosi cña 'na cha' tsa'a̱ ta na' cha' ji'i̱ Ni lo'o cu'ma̱ ngu' xa' tsu', ñi'ya̱ taca clyaá ma̱ ji'i̱ nu cuxi. Lo'o jua'a̱ nacui̱ ngu' cha' cua nda Ni la cui' cña ji'i̱ nu Pedro bi', cha' chcui' yu cha' tso'o bi' lo'o ngu' judío.

ROMANOS 14:14

Cua nchcui' Cristo lo'o na', cua jlo ti' na' cha' ni sca na cuxi ná nda ycui' Ndyosi cha' cacu ñati̱; lcaa na nu ndacu ñati̱ chalyuu, na tso'o laca bi'. Pana ntsu'u ñati̱ nu ná nchca cacu sca na, xqui'ya cha' nti' ti ngu' cha' na cuxi laca bi'; cuxi tsa laca na bi' cuentya ji'i̱ ngu' bi' si cacu ngu' ji'i̱ li'.

LOS HECHOS 15:24

Cua ndyuna ya cha' cua ndyaa xi ngu' tya'a ya ca slo cu'ma̱, lo'o jua'a̱ cua ngulu'u ngu' ji'i̱ ma̱ cha' ntsu'u cha' xi'yu ma̱ quiji̱ ngu' qui'yu tya'a ma̱; nacui̱ ngu' bi' cha' ntsu'u cha' cua'ni ma̱ lcaa cña nu nguscua jyo'o Moisés lo quityi nu ngua sa'ni. Pana ná ngulo ya cña ji'i̱ ngu' bi', cha' tsaa ngu' slo cu'ma̱; jlo ti' ya cha' xñi'i̱ xi ti' ma̱ ndi'i̱ ma̱ nu lo'o ná nchca cuayá' ti' ma̱ si cha' liñi laca cha' bi'.

GÁLATAS 2:3

Lo'o jua'a̱ yu Tito tya'a ndya'a̱ na' ni, ná nchcui' ngu' lo'o yu cha' si'yu quiji̱ yu cha' culacua̱ yu ñi'ya̱ ndu'ni ngu' judío, masi ngu' xa' tsu' laca yu.

LOS HECHOS 15:1

Ngua sca tsa̱ ndyalaa xi ñati̱ nu ndu'u nde loyuu su cuentya Judea, ndyalaa ngu' quichi̱ Antioquía bi'. Li' nguxana nclyu'u ngu' ji'i̱ ñati̱ ji'i̱ Jesucristo cha' ná chañi cha' cua'ni lyaá ycui' Ndyosi ji'i̱ ngu', si bilya xi'yu ngu' quiji̱ ngu' qui'yu bi', cha' culacua̱ ngu'. Jua'a̱ laca cña nu ngulo jyo'o Moisés ji'i̱ ngu' sa'ni cha' cua'ni ngu', nacui̱ ngu' bi'.

LOS HECHOS 15:5

Pana lo'o xi ngu' fariseo nu ngusñi cha' ji'i̱ Jesucristo nga'a̱ lo'o ngu' bi'. Li' ndatu̱ ngu' fariseo bi' cha' chcui' ngu': ―Nga'a̱ cha' xi'yu ngu' quiji̱ nu qui'yu ngu' xa' tsu' nu ngusñi cha' ji'i̱ Jesús, cha' culacua̱ ngu' ―nacui̱ ngu' fariseo bi'―. Ntsu'u cha' taquiya' ngu' bi' lcaa cha' nu nguscua jyo'o Moisés sa'ni ―nacui̱ ngu'.

GÁLATAS 1:6

Ndube tsa ti' na' cha' yala ti nguta'a̱chu̱' ma̱ ji'i̱ ycui' Ndyosi, masi ngusubi Ni ji'i̱ ma̱ xqui'ya cha' ntsu'u tsa tyiquee Cristo ña'a̱ ji'na; ndube ti' na' cha' nduna ma̱ chaca cha' nu si'i cha' ji'i̱ ycui' Ndyosi laca, nu nacui̱ ngu' cha' taca cua'ni lyaá ji'na ji'i̱ nu cuxi.

GÁLATAS 1:18

Nga'aa ndya'a na' nde Jerusalén li'; pana ca lo'o ndu'u scua sna yija̱, li' nguta'a̱ na' nde jua. Lo'o li' ndyuloo na' ji'i̱ Pedro, nguti'i̱ na' ti'ñu tsa̱ lo'o yu li'.

COLOSENSES 1:5

Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.