GÁLATAS 1:5 - Chatino Tataltepec

⁵ Bi' cha' ná nga'a̱ cha' tye tsa̱ nu cua'ni tlyu na ji'i̱ ycui' Ndyosi. Jua'a̱ caca cha' bi' lacua.

GÁLATAS 1:5 Referans Kwoze

ROMANOS 11:36

Lcaa na nu ntsu'u chalyuu, na ji'i̱ ycui' Ndyosi laca bi', cha' cua ngüiñá ycui' Ni lcaa na, cha' caca bi' cña ji'i̱ Ni. Nga'aa caca tye cha' cua'ni tlyu na ji'i̱ ycui' Ndyosi. Lo'o jua'a̱ chañi tsa cha' bi'.

HEBREOS 13:21

Ycui' Ndyosi ndu'ni cha' ti̱ ti tyi'i̱ tyiquee na, lo'o juani nti' na' cha' xtyucua Ni ji'i̱ ma̱ lo'o cua ña'a̱ ca cha' nu lyiji ji'i̱ ma̱, cha' taca cua'ni ma̱ lcaa cña, ñi'ya̱ nu nti' Ni cha' cua'ni ma̱; nti' na' cha' cuentya ji'i̱ ma̱ cua'ni Ni na laca nu tso'o la nti' Ni, chacuayá' ji'i̱ Jesucristo. Lo'o jua'a̱ ná nga'a̱ cha' tye cha' cua'ni tlyu Ni ji'i̱ Cristo. ¡Jua'a̱ caca cha' lacua!

APOCALIPSIS 14:7

Cui̱i̱ nchcui' xca̱ bi' lo'o ngu' li': ―Cutsi̱i̱ cu'ma̱ ji'i̱ ycui' Ndyosi, cube ti' ma̱ ji'i̱ Ni cha' tlyu tsa cña ndu'ni Ni chalyuu ―nacui̱ xca̱ bi'―. Cua ndyalaa tyempo cha' cua'ni cuayá' Ni ji'i̱ lcaa ñati̱ chalyuu. Cua'ni tlyu ma̱ ji'i̱ ycui' Ndyosi cha' cua ngüiñá Ni nde cua̱, jua'a̱ ngüiñá Ni chalyuu, jua'a̱ ngüiñá Ni tyujo'o, jua'a̱ ngüiñá Ni lcaa su ntyucua hitya ―nacui̱ xca̱.

APOCALIPSIS 7:12

Li' nacui̱ nu ngu' xca̱ bi': Jua'a̱ caca cha' lacua; cua'ni tlyu na ji'i̱ Ni, cua'ni chi̱ na loo Ni, tya na xlya'be ji'i̱ ycui' Ni. Chcui' na cha' lcaa cha' jlo ti' Ni, na ji'i̱ Ni laca lcaa lo na nu ntsu'u chalyuu; lcaa lo cña tsiya' ti nchca ji'i̱ Ni cua'ni Ni, sca ti ycui' Ni ntsu'u chacuayá' ji'i̱ Ni cua'ni Ni lcaa cña. Lcaa yija̱ ná nga'a̱ cha' tye cha' jua'a̱ caca ji'i̱ ycui' Ndyosi Sti na. Chañi cha' jua'a̱ caca. Jua'a̱ nacui̱ ngu' xca̱ ji'i̱ tya'a ngu'.

APOCALIPSIS 5:12

Cui̱i̱ tsa ndyula tu'ba ngu' li': Cua ndyujuii ngu' ji'i̱ nu ñi'ya̱ ña'a̱ xlya' bi' tsaca quiya', nacui̱ ngu'. Xqui'ya ñati̱ chalyuu, bi' cha' ngujuii Ni. Lo'o juani nga'a̱ cha' chcui' na ji'i̱ Ni, cha' lcaa lo cña tsiya' ti nchca ji'i̱ Ni cua'ni Ni; jua'a̱ na ji'i̱ Ni laca lcaa lo na tsiya' ti. Lcaa cha' jlo ti' Ni, lcaa cña nchca ji'i̱ Ni; bi' cha' ndyu'ni chi̱ na loo Ni, ndyu'ni tlyu na ji'i̱ Ni, lo'o jua'a̱ tso'o tsa chcui' na ji'i̱ Ni lo'o ñati̱. Jua'a̱ nacui̱ xca̱ ji'i̱ ycui' Ndyosi lo'o ndyula tu'ba ngu'.

2 PEDRO 3:18

Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.

1 PEDRO 5:11

Ná nga'a̱ cha' tye tsa̱ nu cua'ni tlyu na ji'i̱ ycui' Ndyosi li', cha' laca Ni loo tsiya' ti. Jua'a̱ caca cha' tu'ni.

2 TIMOTEO 4:18

Lo'o jua'a̱ tya cua'a Ni jna' ji'i̱ lcaa lo cha' cuxi nu tyacua na' ji'i̱; jlo ti' na' cha' ña'a̱ ti tya ña'a̱si̱i̱ Ni jna', cha' tso'o ti tyalaa na' su nclyo ycui' Ndyosi cña. Nga'aa tye tsa̱ cha' cua'ni tlyu na ji'i̱ ycui' Ndyosi ca bi'. Jua'a̱ caca cha' tu'ni.

1 TIMOTEO 1:17

Bi' cha' cua'ni tlyu na ji'i̱ ycui' Ndyosi juani, cua'ni chi̱ na loo Ni, cha' ná tye tsa̱ nu laca Ni loo tyucui ña'a̱ chalyuu; ná tye cha' ji'i̱ ycui' Ndyosi, cha' ná ntsu'u cha' cajaa Ni. Ná nchca ji'na ña'a̱ na ji'i̱ Ni cha' laca na ñati̱ chalyuu ti, pana sca ti ycui' Ni laca ycui' Ndyosi. Jua'a̱ laca cha' ji'i̱ Ni tu'ni.

FILIPENSES 4:20

Tso'o si tyucui tyempo cua'ni tlyu na ji'i̱ ycui' Ndyosi Sti na lacua. Jua'a̱ caca tu'ni.

EFESIOS 1:12

Jua'a̱ ngua cha' nu ngua'ni Ni, cha' taca chcui' ñati̱ cha' tlyu tsa laca Ni, nu lo'o ña'a̱ ngu' ji'i̱ ya laja lo'o ndi'i̱ ya nde chalyuu; cha' nu cuare ni, cua ngusñi ya cha' ji'i̱ Cristo nde loo la ji'i̱ xa' ñati̱.

ROMANOS 16:27

Sca ti ycui' Ndyosi jlo ti' lcaa cha', bi' cha' lcaa tyempo ná nga'a̱ cha' tye cha' cua'ni tlyu na ji'i̱ ycui' Ni chacuayá' ji'i̱ Jesucristo. Jua'a̱ nti' na cha' caca tu'ni.

SAN LUCAS 2:14

Cua'ni tlyu na ji'i̱ ycui' Ndyosi, masi ca bi' ca su tlyu su ntucua Ni, masi nde lo yuu chalyuu, cha' tlyu tsa laca ycui' Ni, nacui̱ ngu' xca̱ bi' li'. Cua'ni Ni cha' ti̱ ti tyi'i̱ tyiquee ñati̱ chalyuu lo'o ca cuayá' ti' ngu' cha' ntsu'u tsa tyiquee Ni ña'a̱ Ni ji'i̱ ngu', nacui̱ ngu' xca̱ li'.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MATEO 6:13

Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Nu'u̱ laca loo tsiya' ti; lcaa chacuayá' nu ntsu'u nde chalyuu, lo'o jua'a̱ chacuayá' nu ntsu'u nde cua̱, jinu'u̱ ntsu'u lcaa chacuayá' bi'. Ná nga'a̱ cha' tye cha' tlyu tsa laca nu'u̱. Jua'a̱ caca cha' tu'ni. Jua'a̱ ñacui̱ ma̱ ji'i̱ ycui' Ndyosi.

1 CORINTIOS 8:13

Lo'o jua'a̱ na', tso'o la masi ná cacu na' cuaña' nu cua nscua slo jo'ó, cha' jua'a̱ ná cua'ni ngu' tya'a na' cha' cuxi xqui'ya na' li'. Ná nti' na' cha' tyu'utsu' ngu' tya'a na' ji'i̱ tyucui̱i̱ liñi.