FILIPENSES 4:6 - Chatino Tataltepec

⁶ Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

FILIPENSES 4:6 Referans Kwoze

1 PEDRO 5:7

Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.

SAN MATEO 6:8

Pana, ná chcui' ma̱ jua'a̱, cha' jlo ti' ycui' Ndyosi Sti na cua ña'a̱ ca cha' nu lyiji ji'i̱ ma̱, masi bilya jña ma̱ cha' bi' ji'i̱ Ni.

COLOSENSES 4:2

Lcaa cu'ma̱, ná ca taja ti' ma̱, lcaa tsa̱ chcui' ma̱ lo'o ycui' Ndyosi. Lo'o jua'a̱ tii ti ma̱ tyi'i̱ ma̱ lo'o chcui' ma̱ lo'o Ni, jua'a̱ ta ma̱ xlya'be ji'i̱ Ni lo'o chcui' ma̱ lo'o Ni.

EFESIOS 6:18

Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

COLOSENSES 3:17

Lcaa ña'a̱ cña nu nti' ma̱ cha' cua'ni ma̱, lcaa ña'a̱ cha' nu nti' ma̱ chcui' ma̱ lo'o ñati̱, chacuayá' ji'i̱ Jesús nu Xu'na na cua'ni ma̱ ji'i̱ lacua. Lo'o jua'a̱ la cui' hora bi' tya ma̱ xlya'be ji'i̱ ycui' Ndyosi Sti na xqui'ya Jesús.

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

COLOSENSES 3:15

Ti̱ ti tyi'i̱ tyiquee ma̱ lacua, xqui'ya cha' ycui' Ndyosi laca loo ji'i̱ ma̱; cua ngusubi Ni ji'i̱ ma̱, jua'a̱ ji'i̱ xa' la tya'a ñati̱ ma̱, cha' caca ma̱ sca ti taju ñati̱ cuentya ji'i̱ ycui' Ni. Tso'o si lcaa hora tya ma̱ xlya'be ji'i̱ ycui' Ni xqui'ya lcaa lo cha'.

EFESIOS 5:20

Lo'o jua'a̱ cua ña'a̱ ca hora tso'o tya ma̱ xlya'be ji'i̱ ycui' Ndyosi Sti na chacuayá' ji'i̱ Jesucristo nu Xu'na na; tya ma̱ xlya'be ji'i̱ Ni cuentya ji'i̱ lcaa cha' nu ndyaca ji'i̱ ma̱, masi tso'o cha' bi', masi ná tso'o cha' bi'.

SAN LUCAS 10:41

Li' nguxacui̱ Jesús cha' ji'i̱ Marta: ―Marta, Marta, ntsu'u tsa cña jinu'u̱ ―nacui̱ Jesús―. Quiña'a̱ tsa nclyacua ti' nu'u̱ xqui'ya lcaa cña sube nu ntsu'u jinu'u̱.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

SAN MATEO 10:19

Nu lo'o tsaa lo'o ngu' ji'i̱ ma̱ slo ngu' tisiya ni, ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', ñi'ya̱ caca xacui̱ ma̱ cha' ji'i̱ ngu' bi'. Cua'ni ycui' Ndyosi cha' quije cha' liñi nu chcui' ma̱ lo'o ngu' bi',

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

2 CORINTIOS 1:11

Lo'o jua'a̱ taca xtyucua ma̱ ji'i̱ ya nu lo'o chcui' ma̱ lo'o ycui' Ndyosi cuentya ji'i̱ cuare. Tucuá Ni cha' nu chcui' ma̱ lo'o Ni, cha' tyu̱u̱ tya'a ma̱; li' cua'ni Ni cha' caca tso'o ji'i̱ ya. Lo'o li' tyu̱u̱ tya'a ma̱ taca tya ma̱ xlya'be ji'i̱ ycui' Ndyosi cuentya ji'i̱ ya, nu lo'o cua ngulaá ya ji'i̱ nu cuxi.

1 CORINTIOS 7:32

Cua nti' na' cha' ná caca xa' la cha' ji'i̱ ma̱, cha' jua'a̱ xqui'ya cha' bi' ná caca cua'ni tso'o ma̱ cña. Cu'ma̱ ngu' qui'yu nu bilya caja clyo'o ma̱, taca cua'ni ma̱ tsa lo ti cña ji'i̱ ycui' Ndyosi li'; cua'ni ma̱ ñi'ya̱ nu nti' ycui' nu Xu'na na cha' cua'ni na li'.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

SAN MATEO 13:22

Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.

1 CORINTIOS 7:21

Ná ndu'ni cha' masi msu nu ngüi'ya ñati̱ laca ma̱ nu lo'o ngusubi Ni ji'i̱ ma̱, pana tso'o laca si caja nu ta caya' cha' tyu'u ma̱ laja ti.

SAN MATEO 6:34

Lo'o jua'a̱ ná ntsu'u cha' culacua ti' ma̱ cuentya ji'i̱ ñi'ya̱ nu caca ji'i̱ ma̱ tsa̱ quee. Chaca tsa̱ laca bi'. Sca ti ji'i̱ tsa̱ juani culacua xi ti' ma̱ ñi'ya̱ cua'ni ma̱ cha' tyiji̱loo ma̱ ji'i̱ cha' cuxi nu tyacua ji'i̱ ma̱ juani.

1 TIMOTEO 2:1

Nga'a̱ cha' chcui' na lo'o ycui' Ndyosi cuentya ji'i̱ lcaa ñati̱ chalyuu, nu lo'o jña na cha' ji'i̱ Ni, lcaa cha' nu lyiji ji'i̱ ñati̱; chcui' na cuentya ji'i̱ xa' ñati̱ lo'o nchcui' na lo'o ycui' nu Xu'na na, jua'a̱ lo'o tya na xlya'be ji'i̱ ycui' Ndyosi cuentya ji'i̱ ñati̱.

1 TIMOTEO 5:5

Sca ti ji'i̱ ycui' Ndyosi ndu̱ ti' ngu' cuna'a̱ ti'i nu chañi cha' ndyanu ycui' ti ngu'; sca ti ycui' Ni xtyucua Ni ji'i̱ ngu' nti' ngu', bi' cha' nchcui' ngu' lo'o ycui' Ndyosi tsa̱ lo'o talya, ndijña ngu' ji'i̱ Ni na ca nu lyiji ji'i̱ ngu'.