FILIPENSES 4:2 - Chatino Tataltepec

² Lo'o cu'ma̱ ma' Evodia lo'o ma' Síntique ni, cui'ya ma̱ cha' clyu ti' 'na, cua'ni ma̱ cha' stu'ba ti tyu'u tyiquee ma̱ lo'o tya'a ma̱. Ngu' tya'a na laca ma̱ xqui'ya nu Xu'na na, bi' cha' cua'ni ma̱ cha' cati̱ cha' cusu̱u̱ nu ntsu'u ji'i̱ ma̱ lo'o tya'a ma̱.

FILIPENSES 4:2 Referans Kwoze

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

1 CORINTIOS 1:10

Cu'ma̱ tya'a ngusñi na cha' ji'i̱ Cristo, chcui' na' lo'o cu'ma̱ juani chacuayá' ji'i̱ ycui' Jesucristo nu Xu'na na, cha' caca stu'ba cha' ji'i̱ lcaa cu'ma̱ lo'o tya'a ma̱, cha' ná chcui' ma̱ tucua lo cha'. Tso'o ti tyi'i̱ ma̱ lo'o tya'a ma̱, sca ti cha' culacua ti' ma̱, sca ti cha' tyu'u tyiquee ma̱.

SAN MARCOS 9:50

Tso'o tsa teje', ndu'nijo'o tsa ji'na, pana si tye cha' cñi' nu ntsu'u ji'i̱, li' nga'aa cua'nijo'o ji'na, cha' nga'aa caca cñi' bi' chaca quiya'. Lo'o lcaa cu'ma̱ ni, ñi'ya̱ laca teje' laca ma̱; tso'o tsa cña ndu'ni teje' lo'o sca na cacu na, jua'a̱ tso'o tsa cña cua'ni ma̱ laja ñati̱ chalyuu si tso'o ti tyi'i̱ ma̱ lo'o tya'a ma̱.

1 TESALONICENSES 5:13

Tso'o ti cua'ni ma̱ lo'o ngu' bi' lacua, cha' tso'o tsa cña ndyu'ni ngu' bi' cuentya ji'i̱ ycui' Ndyosi; tso'o ti tyu'u tyiquee ma̱ ña'a̱ ma̱ ji'i̱ ngu' bi'. La cui' jua'a̱ tso'o ti tyu'u tyiquee ma̱ ña'a̱ ma̱ ji'i̱ lcaa tya'a ma̱, cha' nga'aa tyu'u cha' cusu̱u̱ ji'i̱ ma̱ lo'o tya'a ma̱ li'.

FILIPENSES 3:16

Tso'o lacua, tya cua'ni la na la cui' tya'a cha', ñi'ya̱ nu ngua cuayá' tso'o ti' na tya clyo.