FILIPENSES 4:12 - Chatino Tataltepec

¹² Ntsu'u quiya' lyiji tsa cha' 'na, lo'o jua'a̱ ntsu'u quiya' quiña'a̱ tsa cha' tso'o ndyiji 'na; jua'a̱ ti ngui'i̱ na', cha' cua ngui'i̱ na' cha' tyaala' ti' na' lcaa su tya'a̱ na' lo cña re. Ná ndu'ni cha' masi tso'o tsa ndyiji na cacu̱, masi ntyute' ti na'; masi quiña'a̱ tsa na ntsu'u 'na, masi xti ti cha', ná ndulo cha' bi' 'na.

FILIPENSES 4:12 Referans Kwoze

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

2 CORINTIOS 11:27

Tucui tsa cña nu ndyacua 'na, ti'í tsa cña ndyacua 'na ca su ndya'a̱ na', ña'a̱ cuaya' tyu̱u̱ tsa quiya' ná ngua caja' na'; ntsu'u quiya' ntyute' na', jua'a̱ ntsu'u quiya' nguityi na' hitya, lo'o jua'a̱ ntsu'u tsa̱ nu ná ngujui tsiya' ti na cacu na', ntsu'u tsa̱ lo'o lye tsa nchca tlya' na', la cui' jua'a̱ ná ngujui late' cacu' na'. Lcaa cha' bi' ndyacua 'na ca su ndya'a̱ na'.

2 CORINTIOS 11:9

Tyucui tyempo nu lo'o nguti'i̱ na' lo'o cu'ma̱, nu lo'o lyiji cñi 'na, li' ná ngüijña na' ji'i̱ ma̱ cha' xtyucua ma̱ xi 'na; nu ngu' ca tyi Macedonia, tya'a ngusñi na cha' ji'i̱ Cristo, cua ya̱a̱ ya̱lo'o ngu' bi' lcaa na nu nguliji ti xi 'na. Jua'a̱ ngua'ni na' nu ngua li', cha' ná ta na' quiña'a̱ tsa cña ji'i̱ cu'ma̱, ngua ti' na'. La cui' jua'a̱ tya cua'ni la na' tyempo nde loo la, nti' na'.

2 CORINTIOS 11:7

Ná ngusñi na' caya' ji'i̱ ma̱ tsiya' ti nu lo'o ndi'i̱ na' ngulu'u na' cha' tso'o ji'i̱ ycui' Ndyosi ji'i̱ ma̱. Cua ntaja'a̱ na' li' cha' caca ti'í la na' xqui'ya cu'ma̱, cha' caja ñi'ya̱ caca tso'o la tyiquee ycui' cu'ma̱. ¿Ha ná tso'o cha' ngua'ni na' jua'a̱, nti' cu'ma̱?

2 CORINTIOS 10:10

Nacui̱ ngu': Tonu tsa cha' nu nda nu Pablo bi', tyaala tsa ndu'ni yu lo'o na, nu lo'o ndi'i̱ yu tyijyu'. Nda yu cha' nu lijya̱ ca slo na, nacui̱ ngu' ji'i̱ ma̱, pana ná nchca culo tso'o yu cña ji'na nu lo'o ndi'i̱ yu slo na; ná nduna na tsiya' ti cha' nu nda yu li', nacui̱ ngu' bi' li'.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

SAN MATEO 13:52

Li' xa' nguxacui̱ Jesús cha' ji'i̱ ngu' nu ndyaca tsa'a̱ ji'i̱: ―Sca mstru cha' jo'ó ni, si ngusñi yu cha' jna', si ngua tsa'a̱ yu ñi'ya̱ caca lo'o laca ycui' Ndyosi loo ne' cresiya ji'i̱ ñati̱ ―nacui̱ Jesús―, li' laca yu bi' ñi'ya̱ laca sca nu culiya' nu ntsu'u tsa cha' tso'o nu ndyu'u co'o toni'i̱ ji'i̱; tso'o tsa ntsu'u tyiquee yu, bi' cha' ntsu'u tsa cha' tso'o nu caca culu'u yu ji'i̱ xa' ñati̱, masi cha' cusu', masi cha' cucui.