FILIPENSES 3:1 - Chatino Tataltepec

¹ Cu'ma̱ tya'a ngusñi na cha' ji'i̱ Jesús, juani cua nti' tsa na' cha' ca chaa ti' ma̱ xqui'ya ycui' nu Xu'na na. Ná ndu'ni cha' 'na, masi tya chaca quiya' chcui' na' la cui' tya'a cha' nu nguscua na' tya clyo; ná tyiquee' xtyucua na' xi ji'i̱ ma̱, si chcui' na' chaca quiya'.

FILIPENSES 3:1 Referans Kwoze

FILIPENSES 4:4

Nti' na' cha' lcaa tsa̱ caca chaa ti' ma̱ xqui'ya ycui' nu Xu'na na; masi tucua quiya' chcui' na' cha' bi' lo'o ma̱: Nti' na' cha' caca chaa ti' ma̱.

ROMANOS 5:11

Ni si'i tsa lo cua ti cha', masi lo'o cha' tso'o tsa ntsu'u tyiquee na ña'a̱ na ji'i̱ ycui' Ndyosi xqui'ya Jesucristo nu Xu'na na, cha' bi' laca nu ngua'ni cha' caca ca stu'ba cha' ji'na lo'o Ni.

SANTIAGO 1:2

Cu'ma̱ tya'a ngusñi na cha' ji'i̱ Cristo, si lye tsa nti' ma̱ xqui'ya cua ña'a̱ ca lo cha' ti'í nu ndyacua ji'i̱ ma̱, ná xñi'i̱ tsa culacua ti' ma̱ li'; pana tso'o tsa caca tyiquee ma̱ li',

1 PEDRO 4:13

Nga'a̱ cha' caca tso'o tyiquee ma̱ lo'o tyi'u ti' ma̱ cha' ñi'ya̱ ngua lya' ti' ngu' ji'i̱ ycui' Cristo, jua'a̱ ca lya' ti' ngu' ji'i̱ cu'ma̱ juani. Tlyu tsa laca Cristo cuentya ji'i̱ ycui' Ndyosi, lye tsa quiji'i̱ xee ji'i̱ Ni lo'o ca̱a̱ ycui' Cristo chaca quiya' nde loo la; li' ca chaa la ti' ma̱, ca tso'o la tyiquee ma̱.

1 TESALONICENSES 5:16

Tso'o ti caca tyiquee ma̱ lcaa tsa̱.

FILIPENSES 4:8

Cu'ma̱ tya'a ngusñi na cha' ji'i̱ Cristo, ndi'ya̱ ti culacua ti' ma̱ tyucui tyempo nu ndi'i̱ ma̱ chalyuu: Cua ña'a̱ ca cha' nu chañi tsa cha' jua'a̱ laca, bi' laca nu nga'a̱ cha' tyu'u tyiquee ma̱ ji'i̱; jua'a̱ lcaa cha' nu cua'ni chi̱ ngu' loo, lcaa cha' nu liñi ca, lcaa cha' su lubii ntsu'u tyiquee na, lcaa cha' nu tso'o tsa ña'a̱, lcaa cha' nu tso'o tsa nti' ngu' ña'a̱ ngu' ji'i̱, masi lcaa cha' tso'o bi', nu jua'a̱ tso'o tsa nchcui' ngu' ji'i̱, bi' laca nu nga'a̱ cha' tyu'u tyiquee ma̱ ji'i̱.

1 PEDRO 3:8

Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

2 PEDRO 3:1

Cu'ma̱ ngu' tya'a tso'o na, cua nguscua na' sca quityi ndyaa slo cu'ma̱ tya tsubi' la. Nu juani nde nscua na' chaca quityi, cha' ca tyi'u ti' ma̱ lcaa cha' nu ji'i̱ Cristo, cha' jua'a̱ caca culacua tso'o ti' ma̱ lcaa hora.

EFESIOS 6:10

Juani ni, cua'ni ma̱ cha' caca nguula ti' tyiquee ma̱, cha' stu'ba ti ndu'ni ma̱ cña lo'o ycui' nu Xu'na na, lo'o jua'a̱ nguula tsa juersa ntsu'u ji'i̱ ycui' Ni.

SAN LUCAS 1:47

Ca chaa ti' cresiya jna' xqui'ya ycui' Ndyosi nu ngua'ni lyaá jna'.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

SAN MATEO 5:12

Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

1 TESALONICENSES 4:1

Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.