FILIPENSES 2:2 - Chatino Tataltepec

² Bi' cha' lacua, si chañi cha' jua'a̱ nti' ma̱, li' cua'ni ma̱ cha' caca tso'o tyiquee na'; jua'a̱ caca nu lo'o ña'a̱ na' cha' stu'ba tsa ntsu'u cha' ji'i̱ ma̱ lo'o tya'a ma̱, cha' sca ti cha' ntsu'u tyiquee ma̱, cha' sca ti cha' nclyacua ti' ma̱, cha' sca ti cuayá' tso'o ti nti' ma̱ ña'a̱ ma̱ ji'i̱ tya'a ma̱.

FILIPENSES 2:2 Referans Kwoze

ROMANOS 12:16

Sca ti cha' chcui' ma̱ lo'o lcaa ngu' tya'a ntsu'u cha' ji'i̱ ma̱ lo'o Jesucristo; ná cua'ni tyucuaa ti' ma̱ lo'o ngu' ti'i tya'a ma̱, tso'o ti chcui' ma̱ lo'o ngu' bi'. Stu'ba ti tya'a̱ ma̱ lo'o ngu' bi', ná culacua ti' ma̱ cha' nchca la ji'i̱ ycui' ca ma̱.

1 CORINTIOS 1:10

Cu'ma̱ tya'a ngusñi na cha' ji'i̱ Cristo, chcui' na' lo'o cu'ma̱ juani chacuayá' ji'i̱ ycui' Jesucristo nu Xu'na na, cha' caca stu'ba cha' ji'i̱ lcaa cu'ma̱ lo'o tya'a ma̱, cha' ná chcui' ma̱ tucua lo cha'. Tso'o ti tyi'i̱ ma̱ lo'o tya'a ma̱, sca ti cha' culacua ti' ma̱, sca ti cha' tyu'u tyiquee ma̱.

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

3 JUAN 1:4

Sca ti cha' nclyacua ti' na' cuentya ji'i̱ cu'ma̱, si chañi cha' ndaquiya' ma̱ ji'i̱ cha' liñi nu cua nda Jesús lo'o na, cha' cuañi' la cu'ma̱ cuentya jna'; tso'o tsa ntsu'u tyiquee na' lo'o ndyuna na' cha' jua'a̱ ndu'ni ma̱.

FILIPENSES 2:16

nu lo'o ta ma̱ cha' lo'o ngu', si chcui' ma̱ cha' tso'o ji'i̱ Cristo nu taca ta chalyuu nu ná nga'a̱ cha' tye ji'i̱ ngu'. Si jua'a̱ cua'ni ma̱, tso'o tsa caca tyiquee na' ña'a̱ na' ji'i̱ ma̱ lo'o tyalaa tsa̱ nu cua'ni cuayá' Cristo ji'i̱ lcaa ñati̱. Li' taca ca cuayá' ti' na' cha' tso'o ti ngutu'u scua cña bi' 'na, si'i na nguliji yu'u cña bi' jua'a̱ ti.

LOS HECHOS 2:46

Lcaa tsa̱ ndyu'u ti'i̱ ngu' bi' ne' laa tonu ji'i̱ ngu' judío, jua'a̱ stu'ba ti ndacu ngu' bi' to' tyi tya'a ngu'. Tso'o tsa ntsu'u tyiquee ngu' bi', tso'o ti nchcui' ngu' lo'o tya'a ngu',

2 JUAN 1:4

Tso'o tsa ngua ti' na' lo'o ngujui cha' 'na cha' ña'a̱ ti tya ndaquiya' tso'o xi ngu' tya'a ma̱ lcaa cha' liñi nu cua nda ycui' Ndyosi Sti na lo'o na;

2 TESALONICENSES 2:13

Cu'ma̱ tya'a ngusñi na cha' ji'i̱ Jesús, ntsu'u tsa tyiquee ycui' nu Xu'na na ña'a̱ Ni ji'i̱ ma̱. Lo'o jua'a̱ ntsu'u cha' tya ya xlya'be ji'i̱ ycui' Ndyosi xqui'ya cu'ma̱, cha' ngusubi Ni ji'i̱ ma̱ tya lo'o nguxana ti chalyuu cha' cua'ni lyaá Ni ji'i̱ ma̱; bi' cha' ngua'ni Xtyi'i ycui' Ni cha' ngua lubii cresiya ji'i̱ ma̱ lo'o ngusñi ma̱ cha' tso'o ji'i̱ ycui' Ndyosi.

COLOSENSES 2:5

Masi juani ti ná ndi'i̱ na' ca su ndi'i̱ ma̱, pana lu'ba ti ndyi'u ti' na' ji'i̱ cu'ma̱. Tso'o tsa nti' na' lo'o ndyuna na' cha' tso'o tsa ngusñi ma̱ cha' ji'i̱ Cristo. Lo'o jua'a̱ tso'o tsa nti' na' cha' tso'o ti ndi'i̱ ma̱ lo'o xa' la ngu' tya'a ngusñi ma̱ cha' ji'i̱ ycui' Ndyosi.

FILIPENSES 4:2

Lo'o cu'ma̱ ma' Evodia lo'o ma' Síntique ni, cui'ya ma̱ cha' clyu ti' 'na, cua'ni ma̱ cha' stu'ba ti tyu'u tyiquee ma̱ lo'o tya'a ma̱. Ngu' tya'a na laca ma̱ xqui'ya nu Xu'na na, bi' cha' cua'ni ma̱ cha' cati̱ cha' cusu̱u̱ nu ntsu'u ji'i̱ ma̱ lo'o tya'a ma̱.

FILIPENSES 2:20

Sca ti yu bi' laca nu chañi cha' stu'ba ti nti' yu lo'o na', nu chañi cha' ntsu'u tyiquee yu ña'a̱ yu ji'i̱ cu'ma̱;

2 CORINTIOS 7:7

Lo'o jua'a̱ tso'o tsa cha' nu nda yu lo'o ya cuentya ji'i̱ cña nu ndyu'ni cu'ma̱; nacui̱ yu cha' cua nti' tsa cu'ma̱ ña'a̱ loo ma̱ ji'i̱ ya chaca quiya', lo'o jua'a̱ nacui̱ yu cha' ntyuju'u ti ti' ma̱ ndi'i̱ ma̱ xqui'ya cha' cuxi nu ngua ji'i̱ ma̱ tya li', nacui̱ yu cha' nga'aa ndiya ti' ma̱ cha' cuxi nu nchcui' ngu' 'na tsubi' la. Xqui'ya lcaa cha' bi', chaa la ti' na' ndi'i̱ na' juani.

2 CORINTIOS 2:3

cha' jua'a̱ ngua cha' nu nguscua na' lo quityi bi' tya tsubi' la. Ná nti' na' tsa'a na' slo cu'ma̱ nquicha'; ná tyiquee' cua'ni ma̱ cha' ca xñi'i̱ ti' na', ngua ti' na'. Pana tso'o la si tso'o ti caca tyiquee na', cha' jua'a̱ si tso'o ntsu'u tyiquee na', lo'o cu'ma̱ tso'o ti caca tyiquee ma̱ li', ngua ti' na'.

LOS HECHOS 5:12

Quiña'a̱ tsa chacuayá' nda ycui' Ndyosi ji'i̱ ngu' nu ngua tsa'a̱ ji'i̱ Jesucristo tya clyo, bi' cha' ngua'ni ngu' quiña'a̱ tsa cha' tlyu ca su ndi'i̱ ngu' quichi̱. Ngulacua tsa ti' ngu' quichi̱ xqui'ya cña tlyu bi'. Lcaa ngu' nu ngusñi cha' ji'i̱ Jesucristo ni, ndyu'u ti'i̱ ngu' ca su nacui̱ ngu': “Corredor ji'i̱ Salomón”, cha' stu'ba ti ntsu'u tyiquee lcaa ngu' bi'; ca to' laa tonu laca corredor bi'.

LOS HECHOS 1:14

Stu'ba ti nclacua ti' ngu' bi', lu'ba ti nchcui' ngu' lo'o ycui' Ndyosi. Lo'o tya'a Jesús ndi'i̱ lo'o ngu' bi', lo'o María xtya'a̱ Jesús, lo'o tyu̱u̱ tya'a nu cuna'a̱ nu ndya'a̱ lo'o yu.

FILIPENSES 1:4

Lo'o nchcui' na' lo'o Ni cuentya ji'i̱ ma̱, chaa ti ti' na' nchcui' na' lo'o Ni li'.

SAN JUAN 3:29

Ñi'ya̱ nu laca lo'o ngujui clyo'o ngu', sca ti nu cutsii bi' ngujui clyo'o lo'o nu cuxi̱i̱; pana lcaa tya'a tso'o cutsii nu ndi'i̱ ca bi', tso'o tsa ntsu'u tyiquee ngu'. Ñi'ya̱ lo'o chaa ti' ngu' ndi'i̱ ngu' lo'o ngujui clyo'o ngu', jua'a̱ na' tso'o tsa ntsu'u tyiquee na' cha' ña'a̱ na' ji'i̱ ngu' nu ndya'a̱ lo'o Jesús ―nacui̱ Juan―.

2 TIMOTEO 1:4

Ntsu'u ti' na' cha' ngusi'ya nu'u̱ lo'o ndu'u na' ndyaa na', bi' cha' nti' tsa na' ña'a̱ na' jinu'u̱ chaca quiya' cha' ca chaa ti' na.

LOS HECHOS 2:1

Ngua tsa̱ ta'a Pentecostés, sca ta'a ji'i̱ ngu' judío, li' ndyu'u ti'i̱ lcaa ñati̱ nu ngusñi cha' ji'i̱ Jesucristo ca bi' se'i̱ ti.

FILEMÓN 1:20

Tya'a na laca yu chacuayá' ji'i̱ Jesucristo, bi' cha' ñi'ya̱ nu ngüijña na' jinu'u̱ tsa̱ cha' tso'o ti chcui' nu'u̱ lo'o yu, jua'a̱ cua'ni nu'u̱ lo'o yu, cha' jua'a̱ taca xtyucua nu'u̱ 'na cha' talo na' ca nde.