FILIPENSES 1:8 - Chatino Tataltepec

⁸ Cua jlo ti' ycui' Ndyosi cha' ñi'ya̱ ntsu'u tyiquee ycui' Jesucristo ña'a̱ Ni ji'i̱ lcaa cu'ma̱, la cui' jua'a̱ ntsu'u tsa tyiquee na' ña'a̱ na' ji'i̱ cu'ma̱.

FILIPENSES 1:8 Referans Kwoze

FILIPENSES 4:1

Cu'ma̱ tya'a ngusñi na cha' ji'i̱ Jesús, tyaca'a tsa cu'ma̱ 'na; ñati̱ nu cua nda ycui' Ndyosi jna' laca cu'ma̱, xqui'ya cha' ndyu'ni na' cña ji'i̱ Ni. Tso'o tsa ntsu'u tyiquee na' xqui'ya cu'ma̱, lo'o jua'a̱ xñi'i̱ xi ti' na' lo'o ná ndi'i̱ na' ca slo cu'ma̱. Nga'a̱ cha' cua'ni ma̱ cha' tyanu tso'o cha' ji'i̱ ycui' nu Xu'na na ne' cresiya ji'i̱ ma̱.

ROMANOS 1:9

Lo'o na' ni, cua ngujui cña jna' cha' chcui' na' cha' tso'o ji'i̱ Jesucristo Sñi' ycui' Ndyosi lo'o xa' ñati̱; tyucui tyiquee na' ndyu'ni na' cña bi' cuentya ji'i̱ Ni. Jlo ti' ycui' Ndyosi cha' lu'ba ti ndyi'u ti' na' ji'i̱ ma̱ laja lo'o nchcui' na' lo'o ycui' Ni.

2 TIMOTEO 1:4

Ntsu'u ti' na' cha' ngusi'ya nu'u̱ lo'o ndu'u na' ndyaa na', bi' cha' nti' tsa na' ña'a̱ na' jinu'u̱ chaca quiya' cha' ca chaa ti' na.

1 TESALONICENSES 2:8

Ntsu'u tsa tyiquee ya ña'a̱ ya ji'i̱ ma̱, cha' cua nda ya cha' tso'o ji'i̱ ycui' Ndyosi lo'o ma̱; lye tsa nclyacua ti' ya cuentya ji'i̱ ma̱, hasta tso'o ntsu'u tyiquee ya masi cujuii ngu' ji'i̱ ya xqui'ya cu'ma̱.

ROMANOS 9:1

Ñati̱ nu ntsu'u cha' ji'i̱ lo'o Cristo laca na', bi' cha' xcui' cha' liñi ta na' lo'o cu'ma̱; si'i cha' cuiñi nchcui' na'. Xtyi'i ycui' Ndyosi ngua'ni cha' ngua'ya cha' hique na', bi' cha' liñi tsa cha' nu ta na' lo'o ma̱ juani.

FILEMÓN 1:12

Cua ngulo na' cña ji'i̱ yu cha' xtyu̱u̱ yu tya̱a̱ yu ca slo nu'u̱ chaca quiya', masi ñi'ya̱ laca si la cui' cresiya 'na cua nda na' ndyaa ca slo nu'u̱.

COLOSENSES 2:1

Ta na' sca cha' lo'o ma̱, cha' caca cuayá' ti' ma̱ cha' lye tsa ngua'ni na' cña cuentya ji'i̱ ma̱, lo'o jua'a̱ cuentya ji'i̱ ngu' quichi̱ Laodicea, lo'o jua'a̱ cuentya ji'i̱ tyu̱u̱ tya'a ngu', masi tya lyiji tyuloo ngu' 'na.

GÁLATAS 4:19

Chaca quiya' ti'í tsa ntsu'u tyiquee na' ña'a̱ na' ji'i̱ ma̱, cha' ñi'ya̱ laca sñi' na', jua'a̱ laca ma̱; ña'a̱ na' ji'i̱ ma̱ ñi'ya̱ si laca na' sca nu cuna'a̱ nu ti'í tsa nchcube' ji'i̱ cha' cua cala ti sñi'. Talo cha' ti'í bi' 'na ña'a̱ cuayá' nu tyu'u xcui' cha' ji'i̱ Cristo tyiquee ma̱.

GÁLATAS 1:20

Chacuayá' ji'i̱ ycui' Ndyosi, liñi tsa cha' nu nscua na' lo quityi re; ni sca cha' cuiñi ná nscua na' tsiya' ti re.

2 CORINTIOS 7:15

Tya cuayá' nu tso'o la ntsu'u tyiquee Tito ña'a̱ yu ji'i̱ ma̱ juani, nu lo'o ndyi'u ti' yu ji'i̱ lcaa cu'ma̱ cha' cua ndaquiya' tsa ma̱ ji'i̱ lcaa cha' nu cua nacui̱ yu ji'i̱ ma̱; na'a̱ yu cha' ndube tsa ti' ma̱ xqui'ya cha' nu cua nda yu lo'o ma̱, lo'o jua'a̱ ná nguxtyacui ma̱ xi xa' la cha' lo'o yu li'.

2 CORINTIOS 6:12

Si'i na nga'aa nti' ya xtyucua ya ji'i̱ ma̱, la cui' cu'ma̱ laca nu lqui'ya tsa ntaja'a̱ ma̱ xtyucua ma̱ ji'i̱ ya;

SAN LUCAS 1:78

Ntsu'u tsa tyiquee ycui' Ndyosi ña'a̱ Ni ji'na; tya'na tsa ti' Ni ji'na, bi' cha' cua ta ti ycui' Ni ji'i̱ Cristo cha' ca̱a̱ nde su ndi'i̱ na. Bi' laca sca xee tlyu nu tyu'ú ne' cresiya ji'na, ñi'ya̱ nti' xee ndubi nu ntyiji'i̱ su ndi'i̱ na lo'o lijya̱ ca ti cuichaa.

1 JUAN 3:17

Ntsu'u ngu' tya'a na nu nga'aa ntsu'u na nu lyiji ji'i̱ ngu' tsiya' ti cha' tyiji̱ yu'u ji'i̱ ngu' chalyuu. Si jua'a̱ tso'o ti ndi'i̱ na, lo'o li' ña'a̱ na ji'i̱ tya'a na nu ntsu'u na nu lyiji ji'i̱ ngu', pana ná ntaja'a̱ na cua'ni tya'na ti' na ji'i̱ tya'a na, li' ná taca ji'na ñacui̱ na cha' ntsu'u tyiquee na ña'a̱ na ji'i̱ ycui' Ndyosi, cha' nu ycui' Ndyosi ni, ntsu'u tsa tyiquee Ni ña'a̱ Ni ji'na.

FILEMÓN 1:20

Tya'a na laca yu chacuayá' ji'i̱ Jesucristo, bi' cha' ñi'ya̱ nu ngüijña na' jinu'u̱ tsa̱ cha' tso'o ti chcui' nu'u̱ lo'o yu, jua'a̱ cua'ni nu'u̱ lo'o yu, cha' jua'a̱ taca xtyucua nu'u̱ 'na cha' talo na' ca nde.

1 TESALONICENSES 2:5

Si'i na tso'o tsa ndyu'ni ya lo'o ma̱ cha' cua'ni ya ngana ji'i̱ ma̱, ni si'i na tso'o tsa nchcui' ya lo'o ma̱ cha' caja cha' tso'o nu ntsu'u ji'i̱ ma̱ ji'i̱ ya. Jlo ti' ycui' Ndyosi cha' xcui' cha' liñi nchcui' ya; lo'o jua'a̱ cu'ma̱, cua ndyuna ma̱ cha' bi'.

COLOSENSES 3:12

Ñati̱ ji'i̱ ycui' Ndyosi laca cu'ma̱ lacua; na cua ngusubi Ni ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'i̱ ma̱. Bi' cha' ntsu'u cha' cua'ni tya'na ti' ma̱ ji'i̱ xa' ñati̱; tso'o ti cua'ni ma̱ lo'o ngu', ni ná cua'ni tyucuaa ti' ma̱ lo'o ngu', masi tiya' ti chcui' ma̱ lo'o ngu', jua'a̱ talo tsa tyiquee ma̱ ji'i̱ ngu'.

FILIPENSES 2:26

Tiji̱' tsa ti' yu ji'i̱ cu'ma̱, bi' cha' nti' yu ca̱a̱ na'a̱ yu ji'i̱ ma̱ chaca quiya'; ngulacua tsa ti' yu lo'o ngujui cha' ji'i̱ yu cha' cua ndyuna ma̱ cha' quicha tsa yu.

FILIPENSES 2:1

Ná tyiquee' cua nguula la ti' tyiquee ma̱ juani, xqui'ya cha' cua ngusñi ma̱ cha' ji'i̱ Cristo; cua tso'o la nti' ma̱ cha' ntsu'u tsa tyiquee Ni ña'a̱ Ni ji'i̱ ma̱. La cui' ti cha' xqui'ya nu Xtyi'i ycui' Ndyosi stu'ba ti ntsu'u cha' ji'i̱ ma̱ lo'o tya'a ma̱, jua'a̱ lo'o ycui' Ni, ña'a̱ cuayá' nu nchca tya'na ti' ma̱ ña'a̱ ma̱ ji'i̱ tya'a ma̱, ña'a̱ cuayá' nu tso'o ntsu'u tyiquee ma̱ ña'a̱ ma̱ ji'i̱ tya'a ma̱.

2 CORINTIOS 13:9

Si tso'o tsa ndyanu tachaa cha' ji'i̱ ycui' Ndyosi ne' cresiya ji'i̱ ma̱, tso'o tsa nti' ya li', masi xti ti cha' nchca ji'i̱ ycui' ya; bi' cha' ndijña ya cha' ji'i̱ ycui' Ndyosi cuentya ji'i̱ cu'ma̱ lacua, cha' jua'a̱ caca tyucui la ti' tyiquee ma̱ ña'a̱ ma̱ ji'i̱ ycui' Ndyosi.

GÁLATAS 3:26

Sñi' ycui' Ndyosi laca lcaa cu'ma̱ juani lo'o ngusñi ma̱ cha' ji'i̱ Jesucristo, xqui'ya cha' cua ntsu'u cha' ji'i̱ ma̱ lo'o Ni.