FILIPENSES 1:21 - Chatino Tataltepec

²¹ Sca ti cha' nti' na' cua'ni na' nde chalyuu, cha' caca na' cña ji'i̱ Cristo. Tso'o la masi cajaa na', nti' na', cha' li' taca ña'a̱ na' ji'i̱ ycui' Ni;

FILIPENSES 1:21 Referans Kwoze

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.

2 CORINTIOS 5:8

Cha' nu tlyu nchca tyiquee na, bi' cha' cua nti' tsa na cha' xtyanu na ji'i̱ chalyuu re su quicha ti ti' na ndi'i̱ na, cha' tsaa na tyi'i̱ na ca slo ycui' nu Xu'na na;

2 CORINTIOS 5:1

Jlo ti' na cha' ñi'ya̱ nti' sca ni'i̱ canta' ti, jua'a̱ nti' cuaña' na, cha' si cua ngujuii na ni, cua ndye cuaña' na nguti̱. Pana cua ngua'ni cho'o ycui' Ndyosi chaca ni'i̱ nu tyacua ji'na, chaca cha' laca bi'; ycui' Ndyosi xcutsa'a̱ tyucui ña'a̱ na, lo'o ná nga'a̱ cha' tye cha' ji'na tsiya' ti li'. Ca su ntucua ycui' Ndyosi laca cha' bi', si'i ñati̱ nu cuiñá ni'i̱ bi'.

FILIPENSES 1:23

Tyucuaa lo cha' nti' na' cha' caca 'na lacua: Nti' tsa na' cha' xtyanu na' ji'i̱ chalyuu re, cha' li' taca tyi'i̱ na' lo'o Cristo, cha' bi' nu tso'o la nti' na';

COLOSENSES 3:4

Nu chaca chalyuu cucui nu ngujui ji'i̱ ma̱ xqui'ya Cristo, bi' laca cha' nu ndulo la cha' ji'i̱ ma̱ juani. Stu'ba ti tyatu̱ na lo'o Cristo tsa̱ bi', nu lo'o tyu'u tucua yu lijya̱ yu chaca quiya'; li' taca caca stu'ba cha' ji'i̱ ma̱ lo'o nu Cristo bi' ca su caca tlyu la ycui' yu, ca su ntucua ycui' Ndyosi.

2 CORINTIOS 5:6

Bi' cha' nchca tlyu tyiquee na, cha' ndu̱ ti' na cha' jua'a̱ cua'ni ycui' Ndyosi. Nu lo'o tya lu'ú na chalyuu, jlo ti' na cha' tyijyu' tsa to' tyi na ca slo ycui' Ndyosi, cha' tya lyiji tyalaa na ca su ntucua ycui' nu Xu'na na.

FILIPENSES 1:20

Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.

APOCALIPSIS 14:13

Li' ndañi xtyi'i ca su ntucua ycui' Ndyosi, nchcui' sca ñati̱ lo'o na': ―Scua clya nu'u̱ cha' re: “Tso'o tsa caca tyiquee ñati̱ nu ndyijii laja lo'o ndyu'ni ngu' cña ji'i̱ ycui' Ndyosi nu Xu'na na tyempo nde loo la”. La cui' jua'a̱ laca cha' nu nda Xtyi'i ycui' Ndyosi lo'o ma̱. Nacui̱ cha' ca bi' tyi'i̱ cña' ñati̱ bi' li', cha' tso'o tsa cña nu ngua'ni ngu' lo'o ya̱a̱ ngu' chalyuu; ndiya ti' Ni cña nu ngua'ni ngu', bi' cha' tyi'u ti' ycui' Ndyosi ji'i̱ cña nu cua ngua'ni ngu' bi' li' ―nacui̱ Ni jna'.

GÁLATAS 6:14

Pana nu na' ni, sca ti cha' tso'o ntsu'u chalyuu nti' na', cha' nu ngujuii ycui' Jesucristo nu Xu'na na lo crusi cuentya ji'na; bi' cha' nga'aa nti' na' ta na' xa' la cha' lo'o ñati̱. Lo'o jua'a̱ xqui'ya cha' ngujuii ycui' Cristo, nga'aa caca tatsaa nu cuxi nu ntsu'u chalyuu jna', cha' nga'aa ntsu'u cha' jna' lo'o cha' cuxi nu ntsu'u chalyuu juani.

1 CORINTIOS 1:30

Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.

FILIPENSES 2:21

ná ndi'i̱ xa' la ngu' tya'a na ca nde nu ndube ti' ñi'ya̱ ndyaca cña ji'i̱ Jesucristo ca su ndi'i̱ ma̱, xcui' na ntsu'u la tyiquee ngu' ji'i̱ cña ji'i̱ ycui' ca ngu'.

1 CORINTIOS 3:22

masi na', masi Apolos, masi Pedro; lo'o jua'a̱ cuentya ji'i̱ cu'ma̱ laca cua ña'a̱ ca cha' nu ndyaca nde chalyuu, masi lu'ú na, masi cua ngujuii na, masi sca cha' nu ndyaca juani, masi sca cha' nu caca tyempo nde loo la; cuentya ji'i̱ cu'ma̱ laca lcaa cha' nu ndyaca nde chalyuu lacua.

FILIPENSES 1:22

pana ná jlo ti' na' na laca nu tso'o la cha' cua'ni na', cha' ná tyiquee' tya taca cua'ni na' tya quiña'a̱ la xi cña ji'i̱ nu Xu'na na, si tya tyi'i̱ la na' xi chalyuu.