FILEMÓN 1:5 - Chatino Tataltepec

⁵ Hasta ca su ndi'i̱ na' re, cua ndañi cha' tso'o tsa ngusñi nu'u̱ cha' ji'i̱ Jesús nu Xu'na na, jua'a̱ ntsu'u tsa tyiquee nu'u̱ ña'a̱ nu'u̱ ji'i̱ Jesús lo'o ji'i̱ lcaa ñati̱ ji'i̱ Cristo cajua. Lcaa cha' bi' cua ndyuna na' ji'i̱;

FILEMÓN 1:5 Referans Kwoze

COLOSENSES 1:4

Cua ngujui cha' ji'i̱ ya cha' tso'o tsa ngusñi ma̱ cha' ji'i̱ Jesucristo, lo'o jua'a̱ nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ lcaa ngu' tya'a ngusñi ma̱ cha' ji'i̱ ycui' Ndyosi.

EFESIOS 1:15

Cua ndyuna na' ñi'ya̱ nu ndyu'ni ma̱ tya lo'o ngusñi tso'o ma̱ cha' ji'i̱ Jesús nu Xu'na na; nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ndyosi.

1 CORINTIOS 16:1

Cua nda na' cha' nu ndyaa slo ca ta'a ngu' nu ndyu'u ti'i̱ cha' cua'ni tlyu ngu' ji'i̱ ycui' Ndyosi ca lcaa quichi̱ ca loyuu su cuentya Galacia; cua nchcui' na' ñi'ya̱ cua'ni ngu' lo'o xti'i̱ ngu' msta̱. La cui' jua'a̱ cua'ni cu'ma̱ nu lo'o xti'i̱ ma̱ msta̱ bi', cha' xtyucua ma̱ ji'i̱ ngu' ti'i tya'a ngusñi na cha' ji'i̱ Jesús nu ndi'i̱ ca loyuu su cuentya Judea.

1 JUAN 3:23

Nde laca cña nu cua nda ycui' Ndyosi cha' cua'ni sa scaa na: nga'a̱ cha' xñi tso'o na cha' ji'i̱ Jesucristo Sñi' ycui' Ni; la cui' jua'a̱ tso'o ti tyu'u tyiquee na ña'a̱ na ji'i̱ tya'a ñati̱ na, ñi'ya̱ nu cua nacui̱ ycui' Ni ji'na.

FILEMÓN 1:7

Tso'o tsa tyiquee na' juani, tlyu tyiquee na' xqui'ya nu'u̱, lo'o ngujui cha' 'na cha' ntsu'u tsa tyiquee nu'u̱ ña'a̱ nu'u̱ ji'i̱ ngu' tya'a na, cha' nxtyucua tsa nu'u̱ ji'i̱ ngu' tya'a na cha' talo tyiquee ngu'. Chañi cha' tya'a na cuentya ji'i̱ Jesucristo laca nu'u̱.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

ROMANOS 12:13

Nu lo'o lyiji sca na ji'i̱ sca ngu' tya'a ngusñi ma̱ cha' ji'i̱ Cristo, nga'a̱ cha' tya'be cha' tso'o nu ntsu'u ji'i̱ ycui' ca ma̱, cha' ta ma̱ na ji'i̱ ngu' bi', na laca nu lyiji ji'i̱ ngu'. Lcaa tyempo ta ma̱ to' tyi ma̱ cha' tyi'i̱ ñati̱ nu lijya̱ ti.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

1 TESALONICENSES 3:6

Lo'o juani tso'o tsa ntsu'u tyiquee ya xqui'ya cu'ma̱. Cua ndyalaa Timoteo ca nde chaca quiya'; cua ndacha' yu ji'i̱ ya ñi'ya̱ ndyu'ni ma̱, cha' tya ngusñi ma̱ cha' tso'o ji'i̱ ycui' Ni, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱ xqui'ya ycui' nu Xu'na na. Nacui̱ yu cha' ndube tsa ti' ma̱ ji'i̱ ya, ndu̱ tsa ti' ma̱ ni jacua' tyacua tya'a na chaca quiya'. Stu'ba ti ntsu'u tyiquee na, ¿ni jacua' tyacua tya'a na lacua?