FILEMÓN 1:23 - Chatino Tataltepec

²³ Lo'o yu Epafras tya'a ntsu'u na' ne' chcua̱ re xqui'ya Jesucristo, lo'o yu bi' nda yu xlyo ni'i̱ ji'i̱ ma̱.

FILEMÓN 1:23 Referans Kwoze

COLOSENSES 1:7

Cua ngujui cha' bi' ji'i̱ ma̱ lo'o ngulu'u yu Epafras ji'i̱ ma̱; tso'o tsa tya'a ndya'a̱ ya cña laca yu bi'. Jlo ti' ya cha' tso'o tsa nchcui' yu cha' ji'i̱ Cristo lo'o ngu' lcaa su ndya'a̱ yu cuentya ji'i̱ ya.

ROMANOS 16:7

Lo'o jua'a̱ chcuicha' ma̱ ji'i̱ Andrónico lo'o Junias tya'a quichi̱ tyi na', tya'a ngutu'u na' ni'i̱ chcua̱. Tyucuaa ngu' bi' laca ngu' ñati̱ nu cua nda Cristo ji'i̱ ndyaa, cha' ta ngu' cha' ji'i̱ ycui' Ndyosi lo'o ngu' nu cua tyijyu' la; nguula tsa cña nu ngua'ni ngu' cuentya ji'i̱ nu Xu'na na. Pana yala la ngusñi ngu' bi' cha' ji'i̱ Jesús, lo'o li' tiya' la ngusñi na' cha' bi'.

COLOSENSES 4:12

Lo'o yu Epafras tya'a quichi̱ tyi ma̱, nda yu xlyo ni'i̱ ji'i̱ ma̱; stu'ba ti ndya'a̱ yu lo cña ji'i̱ Jesucristo lo'o ya. Lcaa tsa̱ ndijña tsa yu cha' clyu ti' ji'i̱ ycui' Ndyosi cuentya ji'i̱ cu'ma̱, ndijña yu chacuayá' ji'i̱ ycui' Ni cha' ná tya'a̱chu̱' ma̱ tsiya' ti cha' ji'i̱ Ni. Ndi'ya̱ nti' yu, cha' tyucui tyiquee ma̱ tsiya' ti cua'ni ma̱ na laca nu nti' Ni cha' cua'ni ma̱ nde lo yuu chalyuu.

COLOSENSES 4:10

Aristarco tya'a ntsu'u na' ne' chcua̱, lo'o yu nda yu xlyo ni'i̱ ji'i̱ ma̱; la cui' jua'a̱ cha' nda Marcos tya'a Bernabé. (Tya tsubi' la cua nda na' sca cha' nu ndyaa ca slo cu'ma̱ cuentya ji'i̱ nu Marcos bi', cha' tso'o ti chcui' ma̱ lo'o yu nu lo'o tyalaa yu slo ma̱).

FILEMÓN 1:1

Pablo laca na', lo'o juani ntsu'u na' ne' chcua̱ cuentya ji'i̱ Jesucristo. Nscua na' quityi re lo'o Timoteo tya'a na, cha' ta ya cha' lo'o nu'u̱, Filemón, cha' tso'o tsa tya'a tso'o na laca nu'u̱, cha' la cui' tya'a cña ndyu'ni na.