FILEMÓN 1:19 - Chatino Tataltepec

¹⁹ tya na' cñi bi' jinu'u̱, bi' cha' nscua na' xtañi na' ca nde ndi'ya̱: Pablo. Ná chcui' na ji'i̱ cha' nu ndacui nu'u̱ jna', masi sca tane' tlyu laca bi', cha' ngujui chalyuu nu ná nga'a̱ cha' tye jinu'u̱ xqui'ya na'.

FILEMÓN 1:19 Referans Kwoze

GÁLATAS 6:11

Lo'o juani scua ycui' ca ti na' tucua sna tya si'yu cha' lo quityi re. Tyaca̱' cha' tonu letra nscua na'.

GÁLATAS 5:2

Cua'a̱ jyaca̱ ma̱ ji'i̱ cha' nu nchcui' na' lo'o ma̱. Pablo laca na' nu nda na' cha' re lo'o ma̱. Ndi'ya̱ nacui̱ na' ji'i̱ ma̱: Nga'aa caca xtyucua Cristo ji'i̱ ma̱ si ta ma̱ chacuayá' cha' si'yu ngu' quiji̱ ma̱ ñi'ya̱ nu ndu'ni ngu' judío cha' culacua̱ ngu'.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

TITO 1:4

Nscua na' quityi re cha' ca̱a̱ slo nu'u̱, Tito, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' stu'ba ti ngusñi na cha' ji'i̱ ycui' Ndyosi. Ndi'ya̱ nti' na' cha' ña'a̱ ti cua'ni ycui' Ndyosi Sti na cha' tso'o lo'o nu'u̱, jua'a̱ Jesucristo nu ngua'ni lyaá ji'na; cua'ni Ni cha' ti̱ ti tyi'i̱ tyiquee nu'u̱ li'.

1 TIMOTEO 1:2

Nscua na' quityi re cha' ca̱a̱ slo nu'u̱, Timoteo, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' ngusñi nu'u̱ cha' ji'i̱ Jesucristo tya lo'o ngulu'u na' cha' bi' jinu'u̱. Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o nu'u̱, cha' cua'ni tya'na ti' Ni jinu'u̱, cha' jua'a̱ cua'ni Ni cha' ti̱ ti tyi'i̱ cresiya jinu'u̱ xqui'ya Jesucristo nu Xu'na na.

2 CORINTIOS 3:2

Ná ntsu'u cha' tyu'ú quityi ji'i̱ ya jua'a̱, cha' taca ña'a̱ ngu' ji'i̱ cu'ma̱. Cua jlo ti' ngu' cha' xqui'ya cuare tso'o tsa ndyuna ma̱ cha' ji'i̱ Jesús, jlo ti' ngu' cha' ntsu'u tsa tyiquee ya ña'a̱ ya ji'i̱ cu'ma̱.

ROMANOS 16:22

Cuati lo'o na', scaranu ji'i̱ Pablo laca na' lo'o nscua ya quityi re, Tercio naa na'; lo'o na', nti' na' chcuicha' na' ji'i̱ ma̱ chacuayá' ji'i̱ ycui' nu Xu'na na.

2 CORINTIOS 9:4

Ná jlo ti' na' si lo'o xi tya'a na nu laca ngu' Macedonia re ca̱a̱ na' li'. ¿Ñi'ya̱ cua'ni na li', si ña'a̱ ngu' cha' ná ngua'ni yala ma̱? Ca tyuju'u tsa ti' ya li', cha' cua nchcui' ya lo'o ngu' cha' tso'o tsa ndu'ni ma̱; jua'a̱ cu'ma̱ caca tyuju'u ti' ma̱ li'.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

FILEMÓN 1:18

Si ntsu'u cuentya nu ndacui yu jinu'u̱ xqui'ya cha' cuxi nu ngua'ni yu cua sa'ni la, sta nu'u̱ tane' bi' cuentya 'na;