EFESIOS 6:18 - Chatino Tataltepec

¹⁸ Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

EFESIOS 6:18 Referans Kwoze

1 TESALONICENSES 5:17

Tyucui tyempo chcui' ma̱ lo'o ycui' Ndyosi.

COLOSENSES 4:2

Lcaa cu'ma̱, ná ca taja ti' ma̱, lcaa tsa̱ chcui' ma̱ lo'o ycui' Ndyosi. Lo'o jua'a̱ tii ti ma̱ tyi'i̱ ma̱ lo'o chcui' ma̱ lo'o Ni, jua'a̱ ta ma̱ xlya'be ji'i̱ Ni lo'o chcui' ma̱ lo'o Ni.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

1 TIMOTEO 2:1

Nga'a̱ cha' chcui' na lo'o ycui' Ndyosi cuentya ji'i̱ lcaa ñati̱ chalyuu, nu lo'o jña na cha' ji'i̱ Ni, lcaa cha' nu lyiji ji'i̱ ñati̱; chcui' na cuentya ji'i̱ xa' ñati̱ lo'o nchcui' na lo'o ycui' nu Xu'na na, jua'a̱ lo'o tya na xlya'be ji'i̱ ycui' Ndyosi cuentya ji'i̱ ñati̱.

JUDAS 1:20

Pana nu cu'ma̱ ngu' tya'a tso'o na ni, xa' ña'a̱ cua'ni ma̱; nga'a̱ cha' xtyucua ma̱ ji'i̱ ngu' tya'a ma̱ cha' lcaa ma̱ talo ma̱ cua'ni ma̱ cña ji'i̱ ycui' Ndyosi. Taca talo ma̱ xqui'ya cha' ngusñi tso'o ma̱ cha' ji'i̱ ycui' Ni. Lo'o jua'a̱ ta Xtyi'i ycui' Ndyosi juersa ji'i̱ ma̱ cha' taca chcui' ma̱ lo'o Ni.

SAN MARCOS 14:38

Tii ti ti' ma̱ tyi'i̱ ma̱ juani. Chcui' ma̱ lo'o ycui' Ndyosi cha' ná cua'ni nu cuiñaja ngana ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na; pana ná tyu'u scua juersa ji'i̱ ma̱, bi' cha' yala tsa ndyaja' ma̱.

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

SAN MATEO 26:41

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

EFESIOS 1:16

Bi' cha' juani, tsa cu' ti ndya na' xlya'be ji'i̱ ycui' Ndyosi xqui'ya cu'ma̱; ndyi'u ti' na' ji'i̱ ma̱ laja lo'o nga'a̱ na' ndyu'ni tlyu na' ji'i̱ ycui' Ndyosi.

ROMANOS 12:12

Ndu'ni cha' tso'o tsa caca tyiquee ma̱ lo'o jatya ma̱ ji'i̱ ycui' Ndyosi cha' ca̱a̱ Ni cua'ni lyaá Ni ji'i̱ ma̱. Ná xtyanu ma̱ ji'i̱ cha' bi', masi ti'í tsa xcube' ngu' ji'i̱ ma̱ su ndi'i̱ ma̱ chalyuu. Lcaa tsa̱ chcui' ma̱ lo'o ycui' Ndyosi Sti na.

SAN MARCOS 13:33

’Tii ti ti' ma̱ tyi'i̱ ma̱, cua'ni yala ma̱ lo'o ntajatya ti ma̱ ji'i̱ ycui' Ni, cha' ná jlo ti' ma̱ ni jacua' caca tsa̱ bi'.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

LOS HECHOS 1:14

Stu'ba ti nclacua ti' ngu' bi', lu'ba ti nchcui' ngu' lo'o ycui' Ndyosi. Lo'o tya'a Jesús ndi'i̱ lo'o ngu' bi', lo'o María xtya'a̱ Jesús, lo'o tyu̱u̱ tya'a nu cuna'a̱ nu ndya'a̱ lo'o yu.

SAN LUCAS 22:46

Li' nacui̱ yu ji'i̱ ngu': ―¿Ni cha' laca ndi'i̱ ma̱ laja' ti ma̱? Tyatu̱ clya ma̱ cha' chcui' ma̱ lo'o ycui' Ndyosi, cha' ná tyiji̱loo nu xña'a̱ ji'i̱ ma̱.

HEBREOS 5:7

Nu lo'o tya ndi'i̱ Jesús lo yuu chalyuu, tyu̱u̱ tsa quiya' ngusi'ya tsa yu lo'o nchcui' yu lo'o ycui' Ndyosi Sti yu; lye tsa ngua ti' cresiya ji'i̱ yu lo'o ngüijña yu cha' ji'i̱ Ni, cha' nchca tsa ji'i̱ ycui' Ndyosi. Ngua ji'i̱ Ni cua'a ji'i̱ ñati̱ cha' ná cujuii ngu' ji'i̱ Jesús nquicha'; pana ndyuna Ni cha' nu nchcui' Jesús lo'o Ni, cha' ntaja'a̱ yu cua'ni yu lcaa cña nu nti' ycui' Ndyosi Sti yu.

2 TIMOTEO 1:3

Ñi'ya̱ nu tyucui tyiquee jyo'o cusu' ji'na ngua'ni ngu' cña ji'i̱ ycui' Ndyosi nu ngua sa'ni la, jua'a̱ tyucui tyiquee na' ndyu'ni na' cña ji'i̱ ycui' Ndyosi juani. Ndya na' xlya'be ji'i̱ ycui' Ni lo'o nchcui' na' lo'o Ni cuentya jinu'u̱, cha' tsa̱ lo'o talya nchcui' na' lo'o Ni.

FILIPENSES 1:4

Lo'o nchcui' na' lo'o Ni cuentya ji'i̱ ma̱, chaa ti ti' na' nchcui' na' lo'o Ni li'.

EFESIOS 6:19

La cui' jua'a̱ tso'o si chcui' ma̱ lo'o ycui' Ndyosi Sti na cuentya jna', cha' tya ta la Ni cha' nu chcui' na' lo'o ñati̱, cha' caca tlyu la tyiquee na' chcui' na' lo'o ñati̱ ña'a̱ cuayá' nu ca cuayá' ti' ngu' cha' taca cua'ni lyaá Cristo ji'i̱ ngu' ya' nu cuxi; sca cha' nu bilya cuna ngu' laca bi'.

LOS HECHOS 12:5

bi' cha' ntsu'u cha' ña'a̱si̱i̱ tso'o sendaru ji'i̱ yu lo'o ntsu'u yu ne' chcua̱. Pana laja li' lye tsa nchcui' tya'a ñati̱ ji'i̱ Jesucristo lo'o ycui' Ndyosi cha' cua'ni lyaá Ni ji'i̱ Pedro.

FILEMÓN 1:5

Hasta ca su ndi'i̱ na' re, cua ndañi cha' tso'o tsa ngusñi nu'u̱ cha' ji'i̱ Jesús nu Xu'na na, jua'a̱ ntsu'u tsa tyiquee nu'u̱ ña'a̱ nu'u̱ ji'i̱ Jesús lo'o ji'i̱ lcaa ñati̱ ji'i̱ Cristo cajua. Lcaa cha' bi' cua ndyuna na' ji'i̱;

LOS HECHOS 10:2

Ndyu'ni tlyu nu Cornelio bi' ji'i̱ ycui' Ndyosi lo'o lcaa ngu' tya'a nga'a̱ ti yu, masi ngu' xa' tsu' laca yu. Tso'o tsa tyiquee yu, nxtyucua tsa yu ji'i̱ ngu' ti'i. Lcaa tsa̱ ntsu'u yu nchcui' yu lo'o ycui' Ndyosi.

LOS HECHOS 6:4

Li' caja la xi tyempo cha' chcui' ya lo'o ycui' Ndyosi, cha' culu'u ya cha' ji'i̱ Jesucristo ji'i̱ xa' ñati̱.

EFESIOS 3:18

ndijña na' ji'i̱ Ni cha' taca ca cuayá' ti' ma̱ ñi'ya̱ nu ndu'ni ycui' Cristo lo'o na, cha' ntsu'u tsa tyiquee Ni ña'a̱ Ni ji'na. Nu ntsu'u tyiquee Cristo ña'a̱ Ni ji'i̱ ñati̱ ni, jyacua Ni ji'i̱ cua ña'a̱ ca ñati̱, ta Ni cha' bi' lo'o ngu', masi ñati̱ tlyu laca ngu', masi laca ngu' ñati̱ jua'a̱ ti.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

ROMANOS 8:15

Na cua nda ycui' Ndyosi Xtyi'i Ni ji'i̱ ma̱, cha' ndu'ni Xtyi'i Ni cha' caca ma̱ sñi' ycui' Ndyosi; ndu'ni bi' cha' ndi'ya̱ taca chcui' na lo'o ycui' Ndyosi: “Sti ya”, ñacui̱ na ji'i̱ Ni. Si'i cha' cuxi ndu'ni Xtyi'i Ni nu lo'o nclyo bi' cña ji'i̱ ma̱, si'i cha' xcutsi̱i̱ ji'i̱ ma̱ ñi'ya̱ nu ntsi̱i̱ ma̱ cua sa'ni la, si'i jua'a̱ cña ndu'ni nu bi'.

EFESIOS 2:22

Cua ngua stu'ba cha' ji'i̱ ma̱ lo'o Cristo; bi' cha' juani lo'o cu'ma̱, lo'o lcaa xa' ñati̱ nu ngusñi cha' ji'i̱ ycui' Ndyosi, stu'ba ti taca ca stu'ba cha' ji'i̱ ma̱ lo'o ycui' Ndyosi. Lo'o li' taca tyi'i̱ ycui' Ndyosi lo'o ma̱, xqui'ya Xtyi'i ycui' Ni nu cua nda Ni ji'i̱ ma̱.

SAN LUCAS 3:37

Matusalén ngua naa sti Lamec bi'; Enoc ngua naa sti Matusalén bi'; Jared ngua naa sti Enoc bi'; Mahalaleel ngua naa sti Jared bi'; lo'o chaca nu naa Cainán ngua sti Mahalaleel bi';

COLOSENSES 1:4

Cua ngujui cha' ji'i̱ ya cha' tso'o tsa ngusñi ma̱ cha' ji'i̱ Jesucristo, lo'o jua'a̱ nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ lcaa ngu' tya'a ngusñi ma̱ cha' ji'i̱ ycui' Ndyosi.

GÁLATAS 4:6

Bi' cha' laca cua nda ycui' Ndyosi Xtyi'i ycui' Ni nu tyanu ne' cresiya ji'i̱ ma̱, cha' culu'u Ni ji'i̱ ma̱ cha' cua laca ma̱ sñi' ycui' Ni. Xtyi'i ycui' Ni ndu'ni cha' taca chcui' na lo'o ycui' Ndyosi chañi ca: “¡Papá! ¡Sti na'!” ñacui̱ na.

SAN LUCAS 3:26

Maat ngua naa sti Nagai bi'; lo'o chaca nu naa Matatías ngua sti Maat bi'; Semei ngua naa sti Matatías bi'; lo'o chaca nu naa José ngua sti Semei bi'; sñi' Judá ngua nu José bi';

COLOSENSES 1:3

Nu lo'o nchcui' ya lo'o ycui' Ndyosi Sti Jesucristo nu Xu'na na cuentya ji'i̱ cu'ma̱, lu'ba ti ndya ya xlya'be ji'i̱ ycui' Ndyosi xqui'ya cu'ma̱.

SAN MATEO 17:21

Lo'o jua'a̱ cha' culo ma̱ ji'i̱ cui'i̱ cuxi bi' ni, ná ca culo ma̱ ji'i̱ cui'i̱ bi' si ná cua'a ma̱ xi ji'i̱ ycui' ca ma̱; tso'o si ná cacu ma̱ tyaja laja lo'o chcui' ma̱ lo'o ycui' Ndyosi cuentya ji'i̱ nu quicha bi'. Jua'a̱ cua'ni ma̱ ña'a̱ cuayá' nu tyu'u cui'i̱ bi' tyaa.