EFESIOS 6:16 - Chatino Tataltepec

¹⁶ Lo'o jua'a̱ ndacui sca chcua̱ cuaja' ya' sendaru; nu lo'o cu̱ tya'a cusu̱u̱ yu clya nu nga'a̱ quii' lo ji'i̱ yu, li' cua'a yu ji'i̱ ycui' ca yu lo'o chcua̱ cuaja' bi'. Jua'a̱ caca ji'i̱ ma̱ si chañi cha' ngusñi ma̱ cha' ji'i̱ ycui' Ndyosi, taca cua'a ma̱ ji'i̱ ycui' ca ma̱ lcaa hora cha' ná cua'ni lya' ti' nu cuxi ji'i̱ ma̱.

EFESIOS 6:16 Referans Kwoze

2 CORINTIOS 1:24

Pana tso'o la masi si'i xqui'ya cuare ti taquiya' ma̱ cha' ji'i̱ ycui' Ndyosi, cha' ne' tyiquee ycui' ca ma̱ cua ngusñi tso'o ma̱ cha' ji'i̱ Jesús. Na cua nti' ya xtyucua ya ji'i̱ ma̱ cha' ca chaa la ti' ma̱ laja lo'o ndyu'ni tlyu ycui' ca ma̱ ji'i̱ Jesús.

1 TESALONICENSES 5:19

Ñi'ya̱ nti' sca xee, jua'a̱ laca Xtyi'i ycui' Ndyosi; ná xubi' ma̱ ji'i̱ xee bi'.

SAN MATEO 5:37

Tsa bi' ti cha' ñacui̱ ma̱: “Chañi”, si cha' liñi laca; lo'o jua'a̱ ñacui̱ ma̱: “Si'i”, si cha' cuiñi. Cua ña'a̱ ca cha' nu chcui' ma̱ nu lo'o ndu'ni ma̱ jura, cha' ji'i̱ nu xña'a̱ laca bi'.

1 TESALONICENSES 5:8

Pana nu na ni, ntsu'u xee ji'i̱ ycui' Ndyosi ne' cresiya' ji'na, bi' cha' tii ti ti' na tyi'i̱ na chalyuu; cua ngusñi na cha' ji'i̱ ycui' Ni, na cua ntsu'u tyiquee na ña'a̱ na ji'i̱ tya'a ñati̱ na xqui'ya Ni, lo'o jua'a̱ nga'a̱ cha' cua'a na ji'i̱ ycui' ca na cha' ná cua'ni na cha' cuxi nu nti' cua'ni ñu'u̱ ji'i̱ cresiya ji'na. Na ndu̱ ti' na ji'i̱ ycui' Ndyosi, ni jacua' tye cuityi̱ Ni ji'i̱ lcaa cha' cuxi nu ntsu'u ji'na, bi' cha' nga'a̱ cha' ña'a̱si̱i̱ na ji'i̱ ycui' ca na.