EFESIOS 5:4 - Chatino Tataltepec

⁴ Nga'aa ntsu'u cha' tyu'u cha' suba' tu'ba ma̱. La cui' ti ná chcui' ma̱ cha' tonto, ná chcui' ma̱ sca cha' nguna' ti lo'o tya'a ñati̱ ma̱. Tso'o la si tya ma̱ xlya'be ji'i̱ ycui' Ndyosi.

EFESIOS 5:4 Referans Kwoze

COLOSENSES 3:8

pana juani nga'a̱ cha' xtyanu ma̱ ji'i̱ lcaa cha' cuxi bi'; masi nchca ñasi̱' tsa ma̱ cua sa'ni la, masi lu'ba ti nxu'ba ñasi̱' ma̱ ji'i̱ ycui' ca ma̱ tya li', masi liye' ti' ma̱ ji'i̱ tya'a ñati̱ ma̱ tya tsubi' la, pana nga'aa cua'ni ma̱ jua'a̱ juani. La cui' jua'a̱ nga'aa chcui' ma̱ cuentyu ji'i̱ tya'a ñati̱ ma̱, nga'aa chcui' suba' ma̱ lo'o ngu',

EFESIOS 4:29

Ná chcui' ma̱ cha' ti'í lo'o tya'a ñati̱ ma̱; clyana ma̱ cha' tso'o nu chcui' ma̱ lo'o tya'a ma̱; clyana ma̱ ñi'ya̱ nu caca xtyucua ma̱ ji'i̱ ngu' cha' tyatí̱ la ti' ngu' ji'i̱ ycui' Ndyosi, cha' tyanu sca cha' tso'o ne' cresiya ji'i̱ ngu' nu lo'o cuna ngu' cha' nu chcui' ma̱.

1 TESALONICENSES 5:18

Lo'o jua'a̱ tya ma̱ xlya'be ji'i̱ ycui' Ndyosi cuentya ji'i̱ cua ña'a̱ ca cha' nu ndyaca ji'i̱ ma̱. Nti' Ni cha' cua'ni ma̱ jua'a̱ si chañi cha' ngusñi ma̱ cha' ji'i̱ Jesucristo.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

HEBREOS 13:15

Bi' cha' lcaa tsa̱ cua'ni chi̱ na loo ycui' Ndyosi xqui'ya Jesús, cha' ñi'ya̱ laca si ta na msta̱ ji'i̱ Ni, jua'a̱ laca nu lo'o tyucui tyiquee na cua'ni tlyu na ji'i̱ Ni. Lo'o jua'a̱ tso'o tsa si lcaa tsa̱ chcui' na cha' tlyu tsa cha' nu ntsu'u ji'i̱ ycui' Ni.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

JUDAS 1:10

Pana juani nchcui' nu ngu' cuiñi bi' cha' cuxi ji'i̱ cua ña'a̱ ca cha' ji'i̱ Jesús, masi ná nchca cuayá' ti' ngu' ji'i̱ cha' bi' tsiya' ti; ndyu'ni ñu'u̱ ngu' bi' ji'i̱ ycui' ca ngu', xqui'ya cha' ndu'ni ngu' ñi'ya̱ ndu'ni na'ni nu ná nchca culacua ti'.

2 CORINTIOS 9:15

Tso'o tsa laca si tya na xlya'be ji'i̱ ycui' Ndyosi lacua, cha' tlyu tsa cha' tso'o laca nu cua nda Ni ji'na, ni nga'aa nchca ca cuayá' ti' na cha' bi'.

SAN MARCOS 7:22

masi ngu' cuaana caca ngu', masi tyacui ti' ngu' ji'i̱ sca na nu ntsu'u ji'i̱ xa' ñati̱, masi caca lya' ti' ngu' ji'i̱ xa' ñati̱, masi tucua cha' tyu'u tyiquee ngu', masi suba' tsa cua'ni ngu', masi caca liye' ti' ngu', masi cuentyu tsa caca ngu', masi caca tyixi tsa tu'ba ngu', masi ná cube ti' ngu' tsiya' ti.

JUDAS 1:13

Ñi'ya̱ nxasu clyoo' tyujo'o, nchcua̱a̱ clyoo' ngo' cuu' ca to' hitya, jua'a̱ laca cña cuxi nu ndyu'ni ngu' bi'; ñi'ya̱ laca sca cuii nde cua̱ nu ngusna ndyaa xa' tyucui̱i̱ cha' nga'aa ta xee nde talya, jua'a̱ laca ngu' cuiñi bi'. Pana cua ngua'ni cho'o ycui' Ndyosi sca se'i̱ su ná ntsu'u xee tsiya' ti su tyaa nu ngu' cuiñi bi'.

2 CORINTIOS 1:11

Lo'o jua'a̱ taca xtyucua ma̱ ji'i̱ ya nu lo'o chcui' ma̱ lo'o ycui' Ndyosi cuentya ji'i̱ cuare. Tucuá Ni cha' nu chcui' ma̱ lo'o Ni, cha' tyu̱u̱ tya'a ma̱; li' cua'ni Ni cha' caca tso'o ji'i̱ ya. Lo'o li' tyu̱u̱ tya'a ma̱ taca tya ma̱ xlya'be ji'i̱ ycui' Ndyosi cuentya ji'i̱ ya, nu lo'o cua ngulaá ya ji'i̱ nu cuxi.

ROMANOS 1:28

Jua'a̱ laca ji'i̱ ngu', cha' ná nti' ngu' tyuloo ngu' ji'i̱ ycui' Ndyosi; bi' cha' nguxtyanu Ni ji'i̱ ngu' cha' cua'ni ngu' cha' cuxi bi', nda Ni xi tyempo cua'ni ngu' ñi'ya̱ nu nti' ti ngu' cua'ni ngu'.

2 PEDRO 2:7

Sca ti jyo'o Lot, ngulo Ni ji'i̱ yu cha' ngutu'u yu quichi̱ Sodoma bi'; bi' cha' sca ti nu cusu' Lot bi' ná ngujuii yu lo'o ndye cha' ji'i̱ quichi̱ Sodoma bi'. Ñati̱ tso'o ngua Lot; bi' cha' ngulacua tsa ti' yu, lye tsa ngua xñi'i̱ ti' yu, xqui'ya lcaa cha' suba', lcaa cha' cuxi nu ngua'ni lcaa ñati̱ quichi̱ bi'.

FILEMÓN 1:8

Lo'o juani ndijña na' sca cha' clyu ti' jinu'u̱. Jlo ti' na' ñi'ya̱ ntsu'u tsa tyiquee nu'u̱ ña'a̱ nu'u̱ ji'i̱ ñati̱, bi' cha' si'i sca cña nu culo na' jinu'u̱ laca re, masi ntsu'u chacuayá' jna' cha' chcui' na' jua'a̱. Pablo laca na', cua ngusu' na' juani, lo'o jua'a̱ ntsu'u na' ne' chcua̱ juani xqui'ya cha' nchcui' na' cha' ji'i̱ Jesucristo lo'o ñati̱.

1 TESALONICENSES 3:9

Ná nchca tye cha' tya ya xlya'be ji'i̱ ycui' Ndyosi Sti na xqui'ya cu'ma̱, cha' tso'o tsa ntsu'u tyiquee ya xqui'ya cu'ma̱.

EFESIOS 1:16

Bi' cha' juani, tsa cu' ti ndya na' xlya'be ji'i̱ ycui' Ndyosi xqui'ya cu'ma̱; ndyi'u ti' na' ji'i̱ ma̱ laja lo'o nga'a̱ na' ndyu'ni tlyu na' ji'i̱ ycui' Ndyosi.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.