EFESIOS 5:28 - Chatino Tataltepec

²⁸ Cu'ma̱ ngu' qui'yu nu ntsu'u clyo'o ma̱ ni, nga'a̱ cha' cua'ni tyaca'a ma̱ ji'i̱ clyo'o ma̱, ñi'ya̱ ndu'ni tyaca'a ma̱ ji'i̱ ycui' ca ma̱. Si tyaca'a clyo'o na ji'na, laca cha' ndu'ni na sca cha' tso'o ji'i̱ ycui' ca na,

EFESIOS 5:28 Referans Kwoze

EFESIOS 5:25

Nu cu'ma̱ ngu' qui'yu ni, tyu'u tso'o tyiquee ma̱ ña'a̱ ma̱ ji'i̱ clyo'o ma̱, cha' la cui' jua'a̱ tso'o tsa ntsu'u tyiquee Cristo ña'a̱ yu ji'i̱ ñati̱ ji'i̱ yu nde chalyuu; bi' cha' ntaja'a̱ yu ngua'a̱ yu lo crusi xqui'ya ñati̱ nu xñi cha' ji'i̱ yu ca tiya' la.

SAN MATEO 19:5

Lo'o jua'a̱ ndi'ya̱ nacui̱ Ni: “Bi' cha' tyu'utsu' sca nu qui'yu slo sti yu, slo xtya'a̱ yu, cha' caja clyo'o lo'o sca nu cuna'a̱, cha' caca ngu' sca ti xtañi tyucuaa ngu'”.

EFESIOS 5:33

Pana la cui' jua'a̱ nchcui' quityi bi' cuentya ji'i̱ lcaa cu'ma̱, cha' cua'ni tyaca'a cu'ma̱ ngu' qui'yu ma̱ ji'i̱ clyo'o ma̱ ñi'ya̱ nu ndu'ni tyaca'a ma̱ ji'i̱ ycui' ca ma̱. La cui' jua'a̱ nga'a̱ cha' cua'ni chi̱ ngu' cuna'a̱ ma̱ loo clyo'o ma̱.

EFESIOS 5:31

Ndi'ya̱ laca cha' nu nscua lo quityi cusu': “Xtyanu sca nu qui'yu ji'i̱ sti yu ji'i̱ xtya'a̱ yu su ndi'i̱ ngu', cha' tsaa tyi'i̱ yu lo'o clyo'o yu; lo'o li' nu tyucuaa ngu' bi' caca ngu' sca ti ñati̱ tsiya' ti cuentya ji'i̱ ycui' Ndyosi”, nacui̱ quityi bi'.

EFESIOS 5:29

cha' ni sca na, ni sca quiya' ná nchca cuxi tyiquee na ña'a̱ na ji'i̱ ycui' ca na. Na ndacu tso'o na, na ña'a̱si̱i̱ tso'o na ji'i̱ ycui' ca na; la cui' jua'a̱ ndu'ni tyaca'a Cristo ji'i̱ ñati̱ ji'i̱,

1 PEDRO 3:7

Lo'o jua'a̱ cu'ma̱ ngu' qui'yu ni, tso'o ti tyi'i̱ ma̱ lo'o clyo'o ma̱, cua'ni tyaca'a ma̱ ji'i̱ clyo'o ma̱; masi xtyi la juersa ntsu'u ji'i̱ nu cuna'a̱, pana stu'ba ti laca tyucuaa ma̱ cuentya ji'i̱ ycui' Ndyosi, cha' cua nda Ni chalyuu nu ná nga'a̱ cha' tye ji'i̱ tyucuaa ma̱. Si cua'ni ma̱ tso'o jua'a̱, tso'o ti tyi'i̱ ma̱ to' tyi ma̱; li' ná caja sca cha' cuxi nu cua'a ji'i̱ ma̱, nu cua'ni cha' ná chcui' ma̱ lo'o ycui' Ndyosi.