EFESIOS 5:17 - Chatino Tataltepec

¹⁷ ná caca ma̱ tonto lacua, cua'ni cha'a̱ ma̱ lcaa ña'a̱ cha' nu nti' ycui' nu Xu'na na cha' cua'ni ma̱ chalyuu.

EFESIOS 5:17 Referans Kwoze

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

1 TESALONICENSES 5:18

Lo'o jua'a̱ tya ma̱ xlya'be ji'i̱ ycui' Ndyosi cuentya ji'i̱ cua ña'a̱ ca cha' nu ndyaca ji'i̱ ma̱. Nti' Ni cha' cua'ni ma̱ jua'a̱ si chañi cha' ngusñi ma̱ cha' ji'i̱ Jesucristo.

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

EFESIOS 5:15

Tso'o lacua, culacua tso'o ti' ma̱ ñi'ya̱ nu cua'ni ma̱ laja lo'o ndi'i̱ ma̱ chalyuu; ná cua'ni ma̱ ñi'ya̱ nu ndu'ni ñati̱ nu ná nduna tsiya' ti, cua'ni ma̱ ñi'ya̱ nu ndu'ni ñati̱ nu nclyacua tso'o ti'.

1 PEDRO 4:2

Lo'o li' nu cha' cuxi nu ndiya ti' ñati̱ chalyuu ni, nga'aa si'i cha' bi' nu caca loo ji'i̱ ma̱ lcaa tsa̱ lo'o ndi'i̱ ma̱ chalyuu; xcui' cña nu ndiya ti' ycui' Ndyosi cha' cua'ni ma̱, bi' laca cña nu cua'ni ma̱, cha' sca ti ycui' Ndyosi caca loo ji'i̱ ma̱ li'.

COLOSENSES 4:5

Tii ti ti' ma̱ tyi'i̱ ma̱ slo xa' ñati̱ nu bilya xñi cha' ji'i̱ Jesucristo; ná cua'ni ma̱ cha' tonto slo ngu' bi', cha' jua'a̱ lcaa quiya' lo'o ta ngu' tyempo cha' chcui' ma̱ lo'o ngu', li' tso'o tsa ta ma̱ cha' ji'i̱ Jesús lo'o ngu'.

SAN JUAN 7:17

Si nti' ma̱ cua'ni ma̱ cña nu nti' ycui' Ndyosi cha' cua'ni ma̱, li' caca cuayá' ti' ma̱ mala ngutu'u cha' nu nclyu'u na' ji'i̱ ngu', si slo ycui' Ndyosi ngutu'u cha' bi', si sca cha' nu nda'ya hique ti na' laca cha' bi' ―nacui̱ yu―.