EFESIOS 5:15 - Chatino Tataltepec15 Tso'o lacua, culacua tso'o ti' ma̱ ñi'ya̱ nu cua'ni ma̱ laja lo'o ndi'i̱ ma̱ chalyuu; ná cua'ni ma̱ ñi'ya̱ nu ndu'ni ñati̱ nu ná nduna tsiya' ti, cua'ni ma̱ ñi'ya̱ nu ndu'ni ñati̱ nu nclyacua tso'o ti'. Gade chapit la |
EFESIOS 5:15
26 Referans Kwoze
Nu lo'o nti' ma̱ cha' tso'o tsa nchca ji'i̱ ma̱ nchcui' ma̱, cha' tso'o tsa nduna ma̱ scaa cha' nu nda ñati̱ lo'o ma̱, li' xcui' cha' tso'o ti cua'ni ma̱ laja lo'o ndi'i̱ ma̱ chalyuu, cha' taca cui'ya xa' la ñati̱ cuentya ji'i̱ ma̱ cha' ñati̱ tso'o laca ma̱. Ná quiña'a̱ cha' tyu'u tyiquee ma̱ ña'a̱ ma̱ ji'i̱ ngu', pana tso'o ti chcui' ma̱ lo'o ngu'.
Bi' cha' juani, cui'ya ma̱ cuentya ñi'ya̱ nga'a̱ cha' cua'ni ma̱ chalyuu cuentya ji'i̱ cha' ji'i̱ Cristo nu cua ngusñi ma̱. Si jua'a̱ ndu'ni ma̱, li' ná ndu'ni cha' masi ca̱a̱ na' ca quichi̱ tyi ma̱, masi ná caca ca̱a̱ na'. Ná tyiquee' caja cha' 'na cha' sca ti cha' ntsu'u tyiquee ma̱ lo'o tya'a ma̱, cha' ndalo tsa tyiquee ma̱ ji'i̱ tya'a cusu̱u̱ ma̱ ca bi'; ná tyiquee' stu'ba ti culacua ti' ma̱ lo'o tya'a ma̱ laja lo'o tyiquee' tsa nchcui' ma̱ lo'o ngu' cha' xñi ngu' cha' tso'o bi' ji'i̱ Cristo.
Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.
’Cua'a̱ jyaca̱ ma̱ 'na: Ta na' ji'i̱ ma̱ cha' tsaa ma̱ xa' quichi̱ ñi'ya̱ si laca ma̱ xlya' nu ndya'a̱ laja bo'o tyaala; bi' cha' tii ti ti' ma̱ tya'a̱ ma̱ laja ñati̱, ñi'ya̱ nti' ndya'a̱ cuaña nu tii tsa ti'. Tso'o ti tya'a̱ ma̱, ná cua'ni tyaala ma̱ ji'i̱ ngu' tsiya' ti. Caca ma̱ ñi'ya̱ laca paloma, cha' masu tsa ni', ná tyaala ni' tsiya' ti.
¿Ni cha' laca tonto tsa nclyacua ti' ma̱ juani? Xqui'ya cña nu ndyu'ni Xtyi'i ycui' Ndyosi lo'o ma̱, bi' cha' nguxana ca ti ma̱ cha' ntsu'u cha' ji'i̱ ma̱ lo'o ycui' Ndyosi nquicha'; pana nu juani ni, xqui'ya cha' lye tsa cua'ni cña ti' ycui' ca ma̱, jua'a̱ nti' ma̱ cha' caca ji'i̱ ycui' ca ma̱ quiñi tso'o cha' ji'i̱ ma̱ lo'o ycui' Ni.
Cui'ya ma̱ cuentya lacua, cha' cua'a̱ jyaca̱ ma̱ ji'i̱ lcaa cha' nu cua nda Cristo lo'o ma̱. Nguxcube' tsa ycui' Ndyosi ji'i̱ jyo'o cusu' ji'na, nu lo'o ná ntaja'a̱ ngu' cua'a̱ jyaca̱ ngu' ji'i̱ cha' nu nchcui' jyo'o Moisés lo'o ngu' nde chalyuu chacuayá' ji'i̱ ycui' Ndyosi; ná ngua xna ngu' bi' ji'i̱ ycui' Ndyosi. La cui' jua'a̱ tlyu la cha' caca ji'na juani, si ná taquiya' na ji'i̱ Cristo nu ngutu'u ca slo ycui' Ndyosi ya̱a̱ nde lo yuu chalyuu, lo'o jua'a̱ cua xa' ndyaa tucua Ni ca slo ycui' Ndyosi chaca quiya' juani.
Li' na'a̱ Pilato cha' tyaala tsa ndi'i̱ loo ngu', cha' ñasi̱' tsa ngu'; jua'a̱ ná ntaja'a̱ ngu' cuna ngu' cha' nu nchcui' yu lo'o ngu' tsiya' ti. Bi' cha' ngulo yu cña cha' ca̱a̱ lo'o msu ji'i̱ sca tsi'yu ntsu'u hitya. Li' ndyaati̱ ya' yu slo lcaa ñati̱. ―Lubii tyanu ya' na', cha' si'i cha' jna' cajaa yu nu lubii tyiquee re ―nacui̱ Pilato ji'i̱ ngu'―, cha' ji'i̱ cu'ma̱ laca cha' bi'.
Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.
Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.
Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.
Na tonto tsa ma̱, cu'ma̱ ngu' gálatas, cha' nduna ma̱ cha' nu nda nu ngu' cuiñi bi'; laca ma̱ ñi'ya̱ si ntsu'u nu ngua'ni cucha'a̱ ji'i̱ ma̱. Bi' cha' juani nga'aa nti' ma̱ xñi la ma̱ cha' liñi nu cua nda Cristo lo'o na. Pana lo'o nda ya cha' ji'i̱ Cristo lo'o ma̱ tya clyo, li' ngulu'u tsa ya ji'i̱ ma̱ ñi'ya̱ ngua lo'o ngujuii Jesucristo lo crusi xqui'ya na; jua'a̱ ngulu'u ya ji'i̱ ma̱ ña'a̱ cuayá' nu ngua cuayá' tso'o ti' ma̱ cha' bi'.
―Ntsu'u qui'ya 'na ―nacui̱ Judas bi' ji'i̱ ngu' nu laca loo―, cha' cua ndyujui' na' ji'i̱ sca ñati̱ lubii ji'i̱ ma̱, cha' cujuii ma̱ ji'i̱ ―nacui̱. Li' nguxacui̱ ngu' nu laca loo bi' cha' ji'i̱ Judas: ―¿Ha cha' ji'i̱ cua laca cha' bi'? ―nacui̱ ngu' nu laca loo bi'―. Si ntsu'u qui'ya jinu'u̱, cha' jinu'u̱ laca bi'.
Piblisite