EFESIOS 4:4 - Chatino Tataltepec

⁴ Lcaa na nu ngusñi na cha' ji'i̱ Cristo, sca ti ñati̱ laca na, sca ti Xtyi'i ycui' Ndyosi ndi'i̱ lo'o na; ndu̱ ti' na cha' stu'ba ti tyacua cha' ji'na chalyuu ca nde loo la, bi' cha' cua ngusubi Ni ji'na.

EFESIOS 4:4 Referans Kwoze

EFESIOS 2:18

Lo'o juani ná ndu'ni cha' masi ngu' judío laca ya, masi xa' ñati̱ laca ma̱, sca ti lo ñati̱ laca na lo'o lcaa tya'a na xqui'ya Cristo, sca ti Xtyi'i ycui' Ndyosi ndu'ni cha' tyuloo na ji'i̱ Ni;

EFESIOS 4:1

Preso laca na' juani xqui'ya cha' nda na' cha' ji'i̱ nu Xu'na na lo'o ñati̱. Pana nchcui' na' lo'o ma̱ cha' tso'o ti cua'ni ma̱ lo'o xa' ñati̱; ñi'ya̱ nu nchcui' cha' ji'i̱ ycui' Ndyosi nu ngua tsa'a̱ ma̱ tya lo'o ngusubi Ni ji'i̱ ma̱ tya clyo, la cui' jua'a̱ cua'ni ma̱ lo'o xa' ñati̱.

EFESIOS 1:18

Lo'o jua'a̱ nchcui' na' lo'o Ni cha' saala Ni hique ma̱, cha' ca cuayá' tso'o ti' ma̱ ña'a̱ cha' tso'o nu tyacua ji'i̱ ma̱ juani, cha' cua ngusubi Ni ji'i̱ ma̱; tlyu tsa cha' tso'o cua nacui̱ Ni cha' tyacua ji'i̱ ma̱, lo'o ji'i̱ lcaa ñati̱ nu ngusñi cha' ji'i̱ Ni.

1 CORINTIOS 12:20

pana jua'a̱ laca cha' ji'na cha' sca ti ñati̱ laca sca na, masi tyu̱u̱ tsa tya'a tyijya̱ ntsu'u laja cuaña' na.

COLOSENSES 1:5

Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.

EFESIOS 5:30

cha' sca ti taju laca ca ta'a na cuentya ji'i̱ Cristo, cha' ntsu'u cña nu ndu'ni scaa na cuentya ji'i̱ Ni.

1 JUAN 3:3

Lcaa ñati̱ nu nti' ña'a̱ ji'i̱ Ni ca li', nga'a̱ cha' cua'ni lubii ngu' ji'i̱ cresiya ji'i̱ ngu', ñi'ya̱ nu lubii cresiya ji'i̱ ycui' Jesucristo.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.

TITO 2:13

Jua'a̱ ti ngulu'u Ni ji'na, cha' taca ca tso'o tyiquee na laja lo'o ntajatya na ji'i̱ ycui' Ndyosi nu tlyu tsa cha' nu ntsu'u ji'i̱ Ni, ni jacua' ca̱a̱ Ni chaca quiya'. Ndubi tsa xee ntsu'u ji'i̱ Ni li', nu lo'o tyu'u tucua Jesucristo nu ngua'ni lyaá ji'na.

TITO 1:2

lo'o jua'a̱ taca jatya na ji'i̱ chalyuu nu ná nga'a̱ cha' tye ji'na li'. Ná cuiñi ycui' Ndyosi. Sa'ni tsa nchcui' Ni cha' caja chalyuu bi' ji'na, tya lo'o ngüiñá Ni chalyuu; tya li' nda Ni cha' lo'o ñati̱ ji'i̱ Ni nde chalyuu cha' taca tyi'i̱ ngu' slo Ni.

2 TESALONICENSES 2:16

Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.

COLOSENSES 3:15

Ti̱ ti tyi'i̱ tyiquee ma̱ lacua, xqui'ya cha' ycui' Ndyosi laca loo ji'i̱ ma̱; cua ngusubi Ni ji'i̱ ma̱, jua'a̱ ji'i̱ xa' la tya'a ñati̱ ma̱, cha' caca ma̱ sca ti taju ñati̱ cuentya ji'i̱ ycui' Ni. Tso'o si lcaa hora tya ma̱ xlya'be ji'i̱ ycui' Ni xqui'ya lcaa lo cha'.

EFESIOS 2:22

Cua ngua stu'ba cha' ji'i̱ ma̱ lo'o Cristo; bi' cha' juani lo'o cu'ma̱, lo'o lcaa xa' ñati̱ nu ngusñi cha' ji'i̱ ycui' Ndyosi, stu'ba ti taca ca stu'ba cha' ji'i̱ ma̱ lo'o ycui' Ndyosi. Lo'o li' taca tyi'i̱ ycui' Ndyosi lo'o ma̱, xqui'ya Xtyi'i ycui' Ni nu cua nda Ni ji'i̱ ma̱.

EFESIOS 2:16

Lo'o jua'a̱ ngua cha' ngua'ni tye Cristo ji'i̱ cha' cusu̱u̱ nu ntsu'u ji'i̱ ya lo'o cu'ma̱ ngu' xa' tsu', nu lo'o ngujuii yu lo crusi; juani ngua ti̱ cha' ji'i̱ tyucuaa lo ñati̱ na lo'o ycui' Ndyosi xqui'ya Cristo, cha' ngua'ni Cristo cha' ndyaca na sca ti ñati̱.

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

TITO 3:7

tlyu tsa cha' tso'o nu ngua'ni ycui' Ndyosi lo'o na jua'a̱, cha' caca na ñi'ya̱ si laca na sñi' ycui' Ni, nu ndu̱ ti' na cha' caja chalyuu cucui nu ná nga'a̱ cha' tye ji'na.

1 TIMOTEO 1:1

Pablo laca na'. Sca ñati̱ nu ndya'a̱ nchcui' cha' ji'i̱ Jesucristo nde xa' quichi̱ laca na', cha' ycui' Ndyosi nu ndu'ni lyaá ji'i̱ ñati̱ ngulo cña jna' cha' cua'ni na' cña bi'; ngulo Jesucristo cña jna', la cui' nu Cristo nu ndu̱ ti' na ji'i̱ cha' tya̱a̱ Ni chaca quiya'.

1 CORINTIOS 10:17

Sca ti ycu' xlyá nscua lo mesa su ndacu na stu'ba ti; lo'o ndya'be xlyá bi', li' ndyiji na cacu ca ta'a na, masi tyu̱u̱ tsa tya'a na. Tsa tlyu ti ndi'i̱ na cha' stu'ba ti laca na ñati̱ ji'i̱ Jesús.

2 CORINTIOS 11:4

Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

LOS HECHOS 15:11

Ná tso'o cha' chcui' ma̱ jua'a̱. Cua ngusñi na cha' ji'i̱ Ni, cha' ngua'ni lyaá ycui' Jesús ji'na ji'i̱ qui'ya nu ntsu'u ji'na, xqui'ya cha' tso'o ti nti' Ni ña'a̱ Ni ji'na; la cui' jua'a̱ ngua'ni Ni lo'o ngu' xa' tsu' nu ngusñi cha' ji'i̱ Ni.

ROMANOS 11:29

Ná tya'a̱chu̱' ycui' Ni ji'i̱ sca cha' nu cua nda Ni lo'o na, ná culaya' Ni ji'i̱ sca ñati̱ nu ntsu'u cha' ji'i̱ lo'o ycui' Ni.