EFESIOS 4:3 - Chatino Tataltepec

³ Cua'ni cña ti' ma̱ lacua, lo'o jua'a̱ xtyucua Xtyi'i ycui' Ndyosi ji'i̱ ma̱, cha' sca ti cha' taca tyu'u tyiquee ma̱ lo'o ngu' tya'a ntsu'u cha' ji'i̱ ma̱ lo'o Cristo lcaa tsa̱. Lo'o jua'a̱ cua'ni stu'ba cha' ji'i̱ ma̱ lo'o tya'a ma̱ cha' taca tyi'i̱ tso'o ti ma̱ lo'o ngu'.

EFESIOS 4:3 Referans Kwoze

1 CORINTIOS 1:10

Cu'ma̱ tya'a ngusñi na cha' ji'i̱ Cristo, chcui' na' lo'o cu'ma̱ juani chacuayá' ji'i̱ ycui' Jesucristo nu Xu'na na, cha' caca stu'ba cha' ji'i̱ lcaa cu'ma̱ lo'o tya'a ma̱, cha' ná chcui' ma̱ tucua lo cha'. Tso'o ti tyi'i̱ ma̱ lo'o tya'a ma̱, sca ti cha' culacua ti' ma̱, sca ti cha' tyu'u tyiquee ma̱.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

SAN JUAN 13:34

Nde chcui' na' sca cña cucui lo'o ma̱ cha' cua'ni ma̱: Nga'a̱ cha' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱; ñi'ya̱ ntsu'u tsa tyiquee na' ña'a̱ na' ji'i̱ ma̱, la cui' jua'a̱ nga'a̱ cha' tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

1 TESALONICENSES 5:13

Tso'o ti cua'ni ma̱ lo'o ngu' bi' lacua, cha' tso'o tsa cña ndyu'ni ngu' bi' cuentya ji'i̱ ycui' Ndyosi; tso'o ti tyu'u tyiquee ma̱ ña'a̱ ma̱ ji'i̱ ngu' bi'. La cui' jua'a̱ tso'o ti tyu'u tyiquee ma̱ ña'a̱ ma̱ ji'i̱ lcaa tya'a ma̱, cha' nga'aa tyu'u cha' cusu̱u̱ ji'i̱ ma̱ lo'o tya'a ma̱ li'.

EFESIOS 4:4

Lcaa na nu ngusñi na cha' ji'i̱ Cristo, sca ti ñati̱ laca na, sca ti Xtyi'i ycui' Ndyosi ndi'i̱ lo'o na; ndu̱ ti' na cha' stu'ba ti tyacua cha' ji'na chalyuu ca nde loo la, bi' cha' cua ngusubi Ni ji'na.

EFESIOS 4:13

Lo'o jua'a̱ lcaa na lo'o tya'a na, sca ti cuayá' taca xñi na cha' ji'i̱ Cristo, sca ti cuayá' taca tyuloo na ji'i̱ Jesús nu sca ti Sñi' ycui' Ndyosi. Li' caca na ñati̱ tyucui tyiquee, taca caca na ñi'ya̱ nu nti' Cristo cha' caca na.

SAN MARCOS 3:24

Tyee cha' ji'i̱ sca quichi̱ jua'a̱ ti si xcui' na xu̱u̱ tya'a sca latya ngu' tisiya lo'o chaca latya ngu' tisiya.