EFESIOS 4:27 - Chatino Tataltepec

²⁷ Ná ta ma̱ tyempo tsiya' ti ji'i̱ nu xña'a̱ cha' caca bi' loo ji'i̱ ma̱.

EFESIOS 4:27 Referans Kwoze

SANTIAGO 4:7

Taquiya' ma̱ cha' ji'i̱ ycui' Ndyosi lacua. Xu̱u̱ tya'a ma̱ lo'o nu xña'a̱, lo'o li' xna nu cuxi bi', tyu'u clya bi' su ndi'i̱ ma̱ li'.

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

EFESIOS 6:16

Lo'o jua'a̱ ndacui sca chcua̱ cuaja' ya' sendaru; nu lo'o cu̱ tya'a cusu̱u̱ yu clya nu nga'a̱ quii' lo ji'i̱ yu, li' cua'a yu ji'i̱ ycui' ca yu lo'o chcua̱ cuaja' bi'. Jua'a̱ caca ji'i̱ ma̱ si chañi cha' ngusñi ma̱ cha' ji'i̱ ycui' Ndyosi, taca cua'a ma̱ ji'i̱ ycui' ca ma̱ lcaa hora cha' ná cua'ni lya' ti' nu cuxi ji'i̱ ma̱.

EFESIOS 6:11

Lcaa tyempo tyi'u ti' ma̱ lcaa cha' nu cua nda ycui' Ndyosi lo'o ma̱, cha' taca cua'a ma̱ ji'i̱ ycui' ca ma̱, cha' ná cñilo'o nu xña'a̱ ji'i̱ ma̱.

LOS HECHOS 5:3

Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.

ROMANOS 12:19

Cu'ma̱ tya'a tso'o na', ni sca quiya' ná xtyacui ma̱ cha' cuxi ji'i̱ ngu' nu cua'ni lya' ti' ji'i̱ ma̱, masi ta ma̱ tyempo ji'i̱ ycui' Ndyosi cha' xcube' Ni ji'i̱ ngu' bi'. Tso'o la jua'a̱. La cui' jua'a̱ ndyu'u cha' nu nscua lo quityi cusu' ndi'ya̱: “Cña 'na laca cha' caca ñasi̱' na' ji'i̱ ngu', cha' ta na' nu ti'í ji'i̱ ngu', nacui̱ Ni”. Bi' laca cha' liñi nu nda ycui' nu Xu'na na lo'o na.