EFESIOS 4:24 - Chatino Tataltepec

²⁴ nga'a̱ cha' xñi tso'o ma̱ cha' ji'i̱ ycui' Ndyosi cha' xa' ña'a̱ cua'ni ma̱ su ndi'i̱ ma̱ chalyuu, cha' taca cua'ni ma̱ ñi'ya̱ nu nti' ycui' Ndyosi cha' cua'ni ma̱. Bi' cha' xcui' cha' tso'o cua'ni ma̱ chalyuu, xcui' cha' lubii cua'ni ma̱, si chañi cha' laca ma̱ ñati̱ ji'i̱ ycui' Ndyosi.

EFESIOS 4:24 Referans Kwoze

2 CORINTIOS 5:17

Lo'o juani nu lo'o cua ngusñi sca ñati̱ cha' ji'i̱ Cristo, li' cua nguxcutsa'a̱ Ni cha' ji'i̱ ñati̱ bi'; cua ndye cha' ji'i̱ yu lo'o cha' cuxi nu ngua'ni yu nu ngua tya tsubi' la. Chaca chalyuu cucui, bi' laca nu cua ngujui ji'i̱ yu juani.

EFESIOS 2:10

Na cua ngüiñá Ni ji'i̱ ca ta'a na, cua ngua'ni stu'ba Ni cha' ji'na lo'o Jesucristo; juani cua nti' Ni cha' xcui' cha' tso'o ti cua'ni na lo'o ndi'i̱ na chalyuu, cha' cua laca nda Ni cña tso'o nu taca cua'ni sa scaa na nde chalyuu.

ROMANOS 13:14

Ta ma̱ chacuayá' cha' caca loo ycui' Jesucristo nu Xu'na na ji'i̱ tyucui ña'a̱ ma̱; nga'aa taquiya' na ji'i̱ lcaa lo cha' cuxi, cha' nu tiji̱' tsa ti' na ji'i̱ xqui'ya cha' laca na ñati̱ ti.

EFESIOS 6:11

Lcaa tyempo tyi'u ti' ma̱ lcaa cha' nu cua nda ycui' Ndyosi lo'o ma̱, cha' taca cua'a ma̱ ji'i̱ ycui' ca ma̱, cha' ná cñilo'o nu xña'a̱ ji'i̱ ma̱.

ROMANOS 6:4

Lo'o ntyucuatya ngu' ji'na, ndyaa na ne' hitya li', ñi'ya̱ laca si cua ndyaa na nguatsi' na stu'ba ti lo'o Cristo ne' cuaá. Ca bi' ntsiya jyo'o na, cha' taca tyu'ú na chaca quiya', ñi'ya̱ lo'o ngutu'u na nde lo hitya, cha' jua'a̱ tlyu tsa cha' nu ngua'ni ycui' Ndyosi Sti yu nu lo'o ndyu'ú Cristo chaca quiya'. Lo'o jua'a̱ caja sca chalyuu cucui ji'na xqui'ya Cristo.

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

2 CORINTIOS 4:16

Bi' cha' ná nchca taja ti' na ji'i̱ cña nu ndyu'ni na cuentya ji'i̱ ycui' Ndyosi, masi ncliji tyucui ña'a̱ cuaña' na jua'a̱ ti; pana ña'a̱ ti lu'ba ti ndu'ni ycui' Ndyosi cha' ca tso'o la cresiya ji'na.

ROMANOS 13:12

Ñi'ya̱ laca chalyuu talya, jua'a̱ laca lo'o ndi'i̱ na chalyuu, xqui'ya cha' cuxi nu ntsu'u ji'na. Pana juani cua tye ti talya bi', cua tya̱a̱ ti Cristo cha' culotsu' Ni cha' cuxi bi'. Li' caca chalyuu ji'na ñi'ya̱ si cua nguxee tso'o, cha' lubii tsa xee caca li'. Bi' cha' nga'a̱ cha' xtyanu na ji'i̱ cha' cuxi nu ndu'ni ngu', cha' cuxi tsa tyiquee ngu' nu ndya'a̱ chalyuu talya bi'. Cua'ni cho'o na tyucui ña'a̱ na, cha' nguula tsa cua'ni na cña cuentya ji'i̱ Cristo nde chalyuu, ñi'ya̱ si laca na sendaru ji'i̱ Cristo.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

1 PEDRO 2:2

Ñi'ya̱ laca sca cubi' cuañi' nu ngula ca ti, jua'a̱ laca cu'ma̱ cuentya ji'i̱ ycui' Ndyosi, cha' tsubi' ti ngusñi ma̱ cha' ji'i̱ ycui' Ni. Lu'ba ti ntyi' cubi' cuañi' cha' ntyute' tsa; si ná cati' lu'ba ti, ná caluu cubi' tsiya' ti. Lo'o jua'a̱ cu'ma̱ ni, tso'o la si cua'ni cña ti' ma̱ cha' ca tsa'a̱ la ma̱ cha' ji'i̱ ycui' Ndyosi, cha' ñi'ya̱ nti' styi', jua'a̱ laca cha' ji'i̱ ycui' Ndyosi cuentya ji'i̱ ma̱. Cua'ni bi' cha' caca nguula la ti' tyiquee ma̱ cuentya ji'i̱ ycui' Ndyosi, cha' taca clyaá ma̱ ji'i̱ cha' cuxi.

ROMANOS 8:29

Masi tya lo'o nguxana chalyuu, tya li' jlo ti' ycui' Ni tilaca laca nu tyaja'a̱ xñi cha' ji'i̱ Ni nde loo la. Ngua ti' Ni cha' caca na ñi'ya̱ laca Jesús, Sñi' ycui' ca Ni, ngua ti' Ni cha' caca Jesús tya'a na; quiña'a̱ tsa tya'a sñi' ycui' Ni caca na li', pana loo la laca Jesús.

SAN JUAN 17:17

Liñi tsa cha' nu nda nu'u̱, lo'o jua'a̱ tya ta la nu'u̱ cha' liñi bi' lo'o ngu' bi', cha' cha'a̱ cresiya ji'i̱ ngu'; nga'aa si'i cha' cuxi tyu'u tyiquee ngu' bi', ñi'ya̱ lo'o ntsu'u tyiquee ngu' tya sa'ni la.

GÁLATAS 6:15

Nu lo'o stu'ba ntsu'u cha' ji'na lo'o Jesucristo, ná ndu'ni cha' masi ngulacua̱ na, masi ná ngulacua̱ na, sca ti cuayá' laca na. Sca ti cha' nu ndulo la ji'na juani, cha' xcutsa'a̱ Ni tsiya' ti lcaa cha' nu ndu'ni na lo'o ndi'i̱ na chalyuu, cha' xcui' cha' tso'o cua'ni na li'.

GÁLATAS 3:27

Lo'o ngua stu'ba cha' ji'na lo'o Ni, li' cua ntyucuatya ngu' ji'i̱ lcaa na chacuayá' ji'i̱ Cristo, cha' jua'a̱ cua ndyanu lcaa cha' ji'i̱ Cristo ne' cresiya ji'na, ñi'ya̱ nti' si cua laca cha' bi' sca late' nu quixi̱i̱ chu̱' na.

1 CORINTIOS 15:53

Nde chu̱' la lo'o tya ndi'i̱ na chalyuu, ná tso'o ycui' na tsiya' ti, cha' xcui' na quiñu'u̱ ti na; pana nde loo la, tso'o tsa caca tyucui ña'a̱ na, nga'aa ntsu'u cha' quiñu'u̱ na, nga'aa ntsu'u cha' tye na tsiya' ti.

EFESIOS 2:15

La cui' cha' cusu' nu jlya tsa ti' nu ngu' judío tya'a na' ji'i̱, bi' laca nu nñilo'o ji'i̱ ya cha' ná ca ti̱ cha', cha' ntsu'u tsa su ndatsaa cha' bi' ji'i̱ ya. Pana cua ngua'ni tye Jesús ji'i̱ cha' cusu' bi', nu lo'o ngujuii yu lo crusi; bi' cha' tyucuaa lo ñati̱ na, cua ndyaca na chaca tya ñati̱ juani, xqui'ya cha' cua ngua stu'ba cha' ji'na lo'o ycui' Ndyosi. Lo'o jua'a̱ ndu'ni Ni cha' caja ñi'ya̱ caca tyi'i̱ ti̱ ti na lo'o Ni, jua'a̱ lo'o tya'a ñati̱ na.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

HEBREOS 1:8

Xa' ña'a̱ nchcui' ycui' Ndyosi cuentya ji'i̱ Jesús nu laca Sñi' ycui' ca: Ná nga'a̱ cha' tye cha' caca nu'u̱ loo, cha' ycui' Ndyosi laca nu'u̱, nacui̱ Ni, liñi ti ndu'ni nu'u̱ lo'o ñati̱ ca su laca nu'u̱ loo.

SAN LUCAS 1:75

Ta Ni chacuayá' bi' ji'na si lubii tyiquee na, si tyucui tyiquee na taquiya' na ji'i̱ Ni, nacui̱ nu cusu' Zacarías li'.

ROMANOS 7:6

Pana juani cua ndi'i̱ laja ti na cuentya ji'i̱ nu cha' cusu' bi', nga'aa caca ji'i̱ cha' bi' culo cña ji'na. Cua ngua laja ji'na juani cha' cua'ni na cña nu nti' ycui' Ndyosi, xqui'ya cha' cua ngujui chaca chalyuu cucui nu nda Xtyi'i ycui' Ndyosi ji'na.

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

2 PEDRO 1:4

Tlyu tsa ycui' Ndyosi, lo'o jua'a̱ nchca ji'i̱ Ni cua'ni Ni lcaa lo cña; jua'a̱ nchca cuayá' ti' na cha' xcui' cha' liñi laca nu nchcui' ycui' Ndyosi. Lo'o jua'a̱ ndu̱ ti' na cha' caja cha' tlyu bi' ji'na nu cua nchcui' Ni lo'o na cha' tyacua ji'na. Cua ngua'ni lyaá Ni ji'na ji'i̱ nu cuxi nu ntsu'u ji'na, cha' nga'aa caca cua'ni cha' cuxi bi' ngana ji'na; lcaa cha' cuxi nu ndiya tsa ti' na ji'i̱, bi' laca nu ndu'ni ñu'u̱ ji'na nde chalyuu. Pana juani ndu'ni Ni cha' tyaja'a̱ tyiquee na cua'ni na lcaa cha' tso'o, ñi'ya̱ nu nti' ycui' Ndyosi cha' cua'ni na.